Genesis 29:32 - সান্তালী বাইবেল

³² Lea doe bhạrti hoṛmoyena ar mitʼṭen koṛa gidrại janamkedea. Ar uni gidrạwakʼ ńutum do Rubene dohoketʼtaea (metakʼme “Hạni ńeleme, mitʼṭen hopon”), Ente uniye menleda, “Probhu Isor do ińakʼ duke ńelketʼtińạ, ar ńitokʼ do khạṭige ińren jãwãe doe dulạṛińạ.”

Genesis 29:32 Referans Kwoze

Dosar Biboron 26:7

Unre abo do aboren hapṛamkoren Probhu Isor ṭhen bon rakʼleda. Ar uni do aboakʼ rakʼjoṅakʼe ańjomketʼtabona ar aboakʼ harkhet sasete ńelkeda; ar cetʼleka bon santao ocokʼkan ona hõe ńelkeda.

Exodus 4:31

Onate Israelko doko pạtiạuena. Ar tinreko ańjomkeda, Probhu Isor do Israelkoakʼ duk sasete ńelakada ar onkoe hiriakatʼkoa unre onko do otre ombakʼkate Probhu Isorko sewawadea.

Exodus 3:7

Probhu Isore menkeda, “Misor disạmre ińren hoṛko cetanre oka santao hoyokʼkan ona doń ńelakada. Misorren sordarkoakʼ santao iạte Israelkoakʼ rakʼ do iń ṭhen seṭerakana. Onkoakʼ duk saset reakʼ katha hõń baḍae akada.

Luk 1:25

“Noa do Probhu Isorakʼ kạmikana. Manwako ṭhen khon ińakʼ lajaoe cabaetiń lạgitʼge uni doe beṅgetʼ akawạdińa.”

Sereńko 106:44

Enhõ uni do onkoakʼ rakʼjoṅ iạteye beṅgetʼatʼkoa.

Sereńko 25:18

Ińakʼ duk ar kosṭo secʼ beṅgedme; ar ińakʼ sanam kạiko ikạ kạtińme.

2 Samuel 16:12

Hoedaṛeakʼ Probhu Isor do ińakʼ niạ kosṭoe ńela, ar teheń okaṭakʼ sarapiń ńametʼ ona bodolte ińakʼe bhạlạitińạ.”

1 Samuel 1:20

Onate Hanna doe bhạrti hoṛmoyena ar okte purạuen khan mitʼṭen koṛa gidrại janamkedea. Ar Hanna doe menkeda, “Iń do Probhu Isor ṭhen khoniń koe hatao akawana,” Ar gidrạwakʼ ńutum do Samuele dohoketʼtaea.

1 Samuel 1:11

Ar Probhu Isor ṭhen manot dohokateye menkeda, “E sanam daṛeanicʼ Probhu Isor, amren kạ̃ṛmĩyakʼ mon reakʼ duk secʼ baṛe beṅgedme ar ańjomtińme. Ar iń bam hiṛiń akadińte amren kạ̃ṛmĩ jodi mitʼṭen hoponem danae enḍekhan jonom bhor uni do am ńutumteń emokʼa. Ar uniyakʼ bohokʼre tisge holatʼ do bạń lagaoakʼa.”

Genesis 42:27

Ado jirạukʼ reakʼ jaegareko seṭeren khan onko modren mitʼhoṛ do gadhako jomakʼ emako lạgitʼ acʼakʼ bostae raṛaketʼ khan uni do ṭakae ńel ńamkeda. Ente ṭaka do bosta mocarege tahẽkana.

Genesis 42:22

Ruben do onkoe metatʼkoa, “Iń doń metatʼpe tahẽkangea, ‘uni cetanre behokakʼ alope kạmiya.’ Menkhan unre bape ańjomletʼtińạ. Ńitokʼ do uniyakʼ mãyãm reakʼ hakʼla hạli reakʼ okte hoyakana.”

Genesis 31:42

Ạliń babaren Isor, okoe do Abraham ar Isahakren Isor kan, uni do ạliń sãote bae tahẽlen khan enḍekhan khạṭige aben do ńitokʼ eken ti ben bidạkelińa. Isor do ạlińakʼ khaṭaokʼ ar kosṭoe ńelakada. Ar onatege calaoen ńindạ do noa reakʼ bhageye bicạr akada.”

1 Bõsbudạ 5:1

Israelren maraṅicʼ hopon Ruben do acʼ apatakʼ aṭetʼe bhõnḍletʼte maraṅicʼ hopon reakʼ ạidạriye atʼletʼ tahẽkana. Ona ạidạri do Israelren eṭakʼ hopon Josephren hoponko emocolena. Onate bõsbudạre uniyakʼ ṭhạ̃i do maraṅicʼ hopon lekate baṅ ol akana.

Genesis 16:11

Uni do arhõe metadea, “Ńelme, am dom bhạrti hoṛmo akana. Amren do mitʼṭen koṛa gidrại hoyokʼtama. Uni gidrạwakʼ ńutum do Ismaelem dohoytaea (metakʼme, Isore ańjoma), ente amakʼ duk reakʼ rakʼ do Probhu Isore ańjomakada.

Genesis 37:29

Tayomte Ruben do ona kuń ṭhen senkate Joseph bae ńel ńamledete dukte uniyakʼ kicricʼ oṛecʼkate boehako ṭhen senkateye menkeda, “Joseph do onḍe bạnuea. Iń do ńitokʼ cetʼ iń cekaea?”

Genesis 35:22

Israel do tinre ona ṭoṭhareye girobasokʼkan tahẽkana unre Ruben do acʼ apatren bạhu Bilha sãoteye laṭghaṭkeda. Ar ona do Israel hõe ańjomkeda. Jakobren do gelbar goṭen hoponko tahẽkantaea.

Genesis 29:31

Probhu Isor do Lea khijlạu ocokʼkane ńelkede khan uni do bhạrti hoṛmo reakʼ daṛeye emadea, menkhan Rahel do bạńjhigeye tahẽyena.

Numeri 1:5

Okoe amko goṛowam onkoakʼ ńutum do hoyokʼ kana Ruben gusṭiren Sedeurren hopon Elisur,

Genesis 35:23

Leawakʼ kukhire Jakobren hoponko modre pạhil hopon do Rubene janamlena. Ona tayom do Simeon, Liwi, Jihudạ, Isakar ar Sebulon.

Dosar Biboron 27:13

Ar tinre sarapakʼ reakʼ katha roṛogokʼa unre Rubenren, Gadren, Aserren, Sebulonren, Danren ar Napthali khũṭren hoṛko do Ebol buru cetanreko tahena.

Jeheskel 48:6

Ruben hõ mitʼṭecʼ hĩse ńama; ona do hoyokʼa purub khon pạchim Ephrayim simạna reakʼ dạkhin hạbicʼ.