Genesis 29:27 - সান্তালী বাইবেল

²⁷ Noate niạ bapla hapta parom ocoakʼ ben. Ona tayom do eṭakʼicʼ hoponera liń emabena. Menkhan uni lạgitʼ aben do arhõ eae bochor khaṭaokʼ hoyokʼtabena.”

Genesis 29:27 Referans Kwoze

Bikʼcạrko 14:12

Samson do onko sãotenkoe metatʼkoa, “Mitʼṭecʼ iń kudum apea. Ar ape do bhoj reakʼ niạ eae din bhitrire noa reakʼpe roṛ ruạṛ daṛeạń khan iń do pe gel mĩhĩ musnạ oyonakʼ ar pe gel goṭecʼ kicricʼ iń emapea.

Levitikus 18:18

Bạhu jiwetʼ tahenre bạhuren boeha kuṛi baplaye hõ baṅ ganokʼa.

Malaki 2:15

Probhu Isor do jãwãe ar maejiu cetʼ bae mitʼ akatʼkinạ? Hoṛmo ar jiu do uniren kangea kin. Unkin do cekate kin mitʼgea? Ente uni do unkin hotete Isore botorae kan mitʼ bõsrenko rukhiyạkoe menleda. Ar onate ape do apeakʼ ontor babotre sontor akae tahenpe; jemon juạn okteren bạhuko sãote phạsiạrako alope hoyokʼ.

Bikʼcạrko 14:10

Ar Samsonren apattetʼ do uni kuṛi ńele lạgitʼe senena. Unre Samson do onḍe mitʼṭecʼ bhoj reakʼe bebostakeda ente jãwãe koṛa doko onkayetʼ tahẽkana.

1Timothi 6:10

Ente sanam lekan bạṛicʼakʼ reakʼ rehetʼ do ṭaka-poesa bạ̃ṛti dulạṛ khonge. Ḍher hoṛge ona reakʼ lalocte Mạsiyakʼ dhorom pạtiạu khonko ocokʼ akante apnarre ạḍi okocʼ dukteko sobokʼ tapʼakana.

Genesis 29:26

Labane menkeda, “Maraṅicʼ tahen tulucʼ huḍińicʼ bapla maṛaṅe do aleakʼ niạmre bạnukʼa.

Genesis 29:28

Jakob do uniyakʼ kathae manaoketʼte ona bapla haptae purạukeda. Ar ona tayom Laban do acʼren hoponera Rahel hõ Jakob sãoteye baplakadea,

Genesis 31:41

Oka bargel bochor aben ṭhen liń tahẽkan ona reakʼ gelpon bochor do abenakʼ liń kạmileda abenren banar hoponera ben lạgitʼ, ar turui bochor liń khaṭaolena abenren mĩhũ-meromko lạgitʼ. Onako dinre aben do gel dhao ạlińakʼ beton ben bodolleda.

Genesis 29:20

Niạ tayom Jakob do Rahel lạgitʼ eae bochore kạmikeda. Jakob do Rahele dulạṛede tahẽkante unạkʼ bochor hõ thoṛa din lekae bujhạukeda.