Genesis 29:21 - সান্তালী বাইবেল

²¹ Ona tayom Jakob do Labane metadea, “Ińakʼ kạmi reakʼ din do purạuena. Okoe lạgitʼ iń kạmiketʼ ńitokʼ uni emaliń ben jemon uni tulucʼ liń giticʼmitʼ daṛeakʼ.”

Genesis 29:21 Referans Kwoze

Bikʼcạrko 15:1

Guhum gegetʼ okte Samson do mitʼṭen merom hoponante acʼren bạhu tulucʼ ńapamokʼ lạgitʼe senena. Uniye menkeda, “Iń do bhitrite ińren bạhu ṭheniń calakʼ kana.” Menkhan kuṛiren apattetʼ do bhitrite bae bolo ocoadea.

Mathae 1:18

Jisu Mạsiyakʼ janam do nonka leka hoelena. Jisuren eṅgat Mạriạm do Joseph tulucʼ baplakʼ reakʼ ṭhik akantae tahẽkana, menkhan unkin ạurikin mitʼ ṭhenokʼrege Sonot Jiu reakʼ daṛete Mạriạm doe bhạrti hoṛmoyena.

Genesis 38:16

Onate uni do Tamor ṭhen senkateye menkeda, “Dela, am sãoteń giticʼmitʼlenge.” Menkhan uni do acʼren kimintetʼ bae oromledea. Tamore menkeda, “Noa iạte am do cetʼem imạńa?”

Genesis 31:41

Oka bargel bochor aben ṭhen liń tahẽkan ona reakʼ gelpon bochor do abenakʼ liń kạmileda abenren banar hoponera ben lạgitʼ, ar turui bochor liń khaṭaolena abenren mĩhũ-meromko lạgitʼ. Onako dinre aben do gel dhao ạlińakʼ beton ben bodolleda.

Genesis 29:20

Niạ tayom Jakob do Rahel lạgitʼ eae bochore kạmikeda. Jakob do Rahele dulạṛede tahẽkante unạkʼ bochor hõ thoṛa din lekae bujhạukeda.

Genesis 29:18

Jakob do Rahele dulạṛedekan tahẽkanteye menkeda, “Amren huḍińicʼ kuṛi Rahel lạgitʼ eae bochor gutiń khaṭaokʼa.”

Genesis 4:1

Adam do acʼren bạhu Hawa tulucʼe giticʼmitʼen khan Hawa doe bhạrti hoṛmoyena, ar Kain ńutuman mitʼṭen koṛa hopone janamkedea. Unre Hawae menkeda, “Probhu Isor do mitʼṭen koṛa hopone emakawạdińa.”

Genesis 29:22

Unre Laban do ona ṭhạ̃iren sanam hoṛkoe hohoatʼkote mitʼṭecʼe bhojkeda.

Dosar Biboron 22:13

“Jãhãe hoṛ baplakate bạhuttetʼ sãoteye giticʼmidokʼ tayom ar bae kusiyae khan ar uniyakʼ bodnam pasnaoteye men, ‘iń do nui kuṛiń baplaledea, menkhan unire kũạritetʼ reakʼ porman bạń ńamleda,’