Genesis 29:17 - সান্তালী বাইবেল

¹⁷ Lea do eken mẽtʼ motoge ńelokʼte mońj tahẽkantaea, menkhan Rahel do rupte cehrate jotoge ạḍi napaye tahẽkana.

Genesis 29:17 Referans Kwoze

Genesis 12:11

Uni do Misor disạmte hecʼkate acʼren bạhu Sạriye metadea, “Ańjomme, am do ạḍigem cehragea.

Mathae 2:18

“Ramare ãṭ aṛaṅte rakʼjoṅ ar hae hae ańjomokʼkana; Rahel do acʼren gidrạko lạgitʼe rakʼeda, ar cetʼte hõ jiwi do baṅ raṛejokʼ kantaea, ente onko do ar bạnukʼkotaea.”

Jirimiạ 31:15

Probhu Isore meneda, “Ramare ãṭ aṛaṅte rakʼjoṅ ar hae haeyokʼge ańjomokʼkana; Rahel do acʼren gidrạko lạgitʼe rakʼeda, cetʼte hõ jiwi do baṅ raṛejokʼ kantaea, ente onko do ar bạnukʼkotaea.

Kạhtukko 31:30

Mońj beohar do eṛegea, ar cõhõk hõ ạuṛiyakʼgea, menkhan okoe maejiu do Probhui botorae uni do sarhaoe ńama.

1 Samuel 10:2

Am do iń ṭhen khon senkate teheń Benjạmin ṭoṭha reakʼ simạna Selsah ńutuman jaegare Rahelakʼ topa ṭhen bar hoṛem ńamkinạ. Unkin dokin lạiyama, ‘okoe gadha eṅgako sendram oḍok akan onko doko ńamakana. Menkhan ńitokʼ amren baba do gadha eṅgako reakʼ cintạ badkate am lạgitʼ cintạreye paṛao akana. Uniye meneda, acʼren hopon lạgitʼ ńitokʼ do cetʼe cekaea?’

Genesis 48:7

Padam-Aram khon oḍokkate Kanan disạm reakʼ Ephrat khon thoṛa sạṅgiń tahenrege Rahel doe gocʼena, onate iń do ạḍi dukiń ńamkeda. Ephrat reakʼ horre, metakʼme Bethlehem calakʼ horre uniń topakadea.”

Genesis 39:6

Noa ńelte Poṭiphor do acʼakʼ joto reakʼ bhar Josephe aṛakʼadea. Joseph cetanre jotowakʼ reakʼ bhar tahẽkante Poṭiphor do eken acʼakʼ jomakʼ chaḍa ar cetʼ reakʼ hõ bae dạndikʼkan tahẽkana. Joseph do rupte ar ńelokʼte ạḍi napaegeye tahẽkana.

Genesis 35:24

Ar Rahelakʼ kukhire do Joseph ar Benjạmin tạkinkin janamlena.

Genesis 30:22

Inạ tayom Isor do Rahel secʼe beṅgetʼkeda. Uni do Rahelakʼ koejoṅe ańjomkeda ar bhạrti hoṛmo reakʼ daṛeye emadea.

Genesis 29:18

Jakob do Rahele dulạṛedekan tahẽkanteye menkeda, “Amren huḍińicʼ kuṛi Rahel lạgitʼ eae bochor gutiń khaṭaokʼa.”

Genesis 24:16

Rebeka do ńelokʼte ạḍi cehrageye tahẽkana, ar bae bapla akan tahẽkana. Uni do kuń khon dakʼ tinreye rakapʼkeda unre Abrahamren guti do ńir senkate uni ṭhene menkeda, “Dayakate amakʼ kanḍa khon dakʼ ńũ ocoyińme.”

Genesis 12:14

Abraham do tinre Misorteye seṭerena unre Misorrenko doko ńelkeda, Sạri do sạriyakʼge ạḍiye cehragea.

Genesis 26:7

Menkhan onḍenko hoṛ do tinre acʼren bạhu reakʼko kulikedea unre uni do acʼren misera menteye lạiyatʼkoa. Ente acʼren bạhu mente lạiyako doe botorena; uniye hudiskeda cehra iạte onḍenko hoṛ do Rebeka ńame lạgitʼ acʼko gocʼ botejea.

Genesis 29:16

Labanren do barea hoponerakin tahẽkana. Maraṅicʼakʼ ńutum do Lea ar huḍińicʼakʼ ńutum do Rahel.

Genesis 29:30

Jakob do Rahel ṭhen hõe boloyena. Menkhan uni do Lea khon Rahelge bạ̃ṛtiye dulạṛede tahẽkana. Ona tayom uni do arhõ eae bochor Laban tabereye tahẽyena.