Genesis 29:13 - সান্তালী বাইবেল

¹³ Laban do acʼ misratren hopon Jakobakʼ hijukʼ reakʼ khobore ńamketʼ khan ńir oḍokente uni sãote ńapamokʼe calaoena. Ar hạṛupʼkedeteye cokʼ adea ar acʼakʼ oṛakʼteye ạgukedea. Unre Jakob do acʼakʼ joto katha Labane lạiyadea.

Genesis 29:13 Referans Kwoze

Genesis 24:29

Rebekaren boehawakʼ ńutum do Laban tahekana. Uni do miseratakʼ tire bala ar mũre mạkṛi ńelte ar uni hoṛakʼ katha acʼren miseratakʼ moca khon ańjomkate nagraha bahre kuń ṭhene ńir senena. Ar senkate uni hoṛ do kuń ṭhen ũṭko aṛere teṅgo akane ńelkedea.

Romiko lạgitʼ Pạul Apostolakʼ ciṭhi 16:16

Sonot cokʼte jopoharpe. Mạsiyakʼ sanam manḍerrenko do apeko joharape kana.

Aposkạmi 20:37

Ar manḍerren sanam mukhiyạko do Pạul hạṛupʼ kedeteko cokʼadea ar rarakʼko ehopʼena.

Luk 7:45

Am do cokʼ hõ bam cokʼ ạdińa, menkhan ińiń boloyen tayom khon uni do ińakʼ jaṅgae cokʼ ạtiń kana.

2 Samuel 19:39

Inạ tayom sanam hoṛ do gaḍako paromena, ar raj hõ gaḍae paromena. Raj do Barsilae cokʼadea are bhoradea ar Barsilae do arhõ gaḍae paromketʼte acʼakʼ oṛakʼteye ruạṛ calaoena.

Exodus 18:7

Khobor ańjomkate Mose do acʼren hońhartetʼ sãote ńapamokʼ lạgitʼe oḍok hecʼena. Uni do hońhartetʼe ḍobokʼadea are cokʼadea. Ar boge judạkin kuliyante tạmbu bhitriteye aderkedea.

Exodus 4:27

Inạ tayom Probhu Isor do Arone metadea, “Hahaṅkarre senkate am do Mose tulucʼ ńapamokʼme.” Unre uni doe calaoena ar Isorakʼ burure Moseye ńamkedea are cokʼadea.

Genesis 45:15

Ona tayom Joseph do acʼren boehakoe cokʼatʼkoa ar hạṛupʼketʼkoteye rakʼkeda. Unre uniren boehako do uni tulucʼko galmaraokeda.

Kolossiko lạgitʼ Pạul Apostolakʼ ciṭhi 4:5

Okoe Isorren hoṛko baṅkan onko tulucʼ do akel salakʼ colonpe ar Mạsi reaṅ goha em reakʼ ạtko kạmire lagaope.

Genesis 24:31

Laban do uniye metadea, “E Probhu Isorren bhoranicʼ, dela hijukʼme. Bahrere do cedakʼem teṅgo akana? Iń do am lạgitʼ oṛakʼ ar ũṭko lạgitʼ jaegań ṭhik dohoakada.”

Genesis 33:4

Unre Esau do uni ṭhen ńir hecʼenteye hạṛupʼkedea are kokekedeteye cokʼadea. Ar ona tayom do bana hoṛkin rakʼana.

Genesis 24:32

Noa katha ańjomkate guti do uniyakʼ oṛakʼteye calaoena. Laban do ũṭkoakʼ bojhako pheḍkate busupʼ ar bhusiye jom ocoketʼkoa. Ar ona tayom do guti ar sãoten hoṛkoakʼ jaṅgae ạbukketʼtakoa.