Genesis 28:1 - সান্তালী বাইবেল

¹ Rebekawakʼ katha ańjomkate Isahak do Jakob hohoadeteye bhoradea ar noa hukume emadea, “Kanan disạmren okoeṭakʼ kuṛige alom baplakoa.

Genesis 28:1 Referans Kwoze

Genesis 24:3

Serma ar otren Probhu Isor samaṅre iń do noań kiriạ ocoyetʼmea; okoe Kananrenko talareń tahenkan onko mod khon okoeṭakʼ kuṛi hõ ińren koṛa lạgitʼ bạhu mente do alom bachaokoa.

Genesis 27:46

Tayomte Rebeka do Isahake metadea, “Noko Hitti kuṛiko iạte iń do jiwetʼ tahen baṅ sanań kana. Ar Jakob hõ noa disạmren jãhãe Hitti kuṛiye baplaye enḍekhan ińakʼ jiwetʼ tahen do cetʼ lab?”

Genesis 24:37

Uni do noa menkateye kiriạ ocoakadińạ, acʼ oka disạmreye girobasokʼkan ona Kanan disạmren jãhãe kuṛige uniren hopon lạgitʼ bạbu mente jemon aloń bachaoko.

Josuạ 22:7

Manase gusṭiren adha hoṛko do Mose Bason disạme ematʼko tahẽkana, ar onkoren sarecʼ hoṛko Josuạ do Israel boehako sãote jordan gaḍa pạchim secʼre jaegae ematʼkoa. Josuạ do onko bidạko jokhecʼ bhoratʼkoteye metatʼkoa,

Dosar Biboron 33:1

Isorren hoṛ Mose do acʼakʼ gujukʼ lahare Israelko noa menkateye bhoratʼkoa,

Genesis 49:28

Noko joto do Israelren gelbar gusṭiren kanako. Onkoren apattetʼ do onkoe bhorako jokhecʼ noako kathae menleda. Uni do sanamkoge apan ạpin lek leka bhore ematʼko tahẽkana.

Genesis 48:15

Ona tayom Uni do Joseph bhoradeteye menkeda, “Uni Isor, one ińren hapṛam Abraham ar Isahak do uniyakʼ sanaleka kin calakʼkan tahẽkan, unige ińakʼ jionre pạhil khon teheń hạbicʼ gupiyicʼ lekae ạyur ạguyedeń kana,

Genesis 34:16

Ar enḍekhan aleren kuṛiko apele emapea ar aperen kuṛiko hõ alele hataokoa; ar ale do ape sãote mitʼ jạt lekale tahena.

Genesis 34:9

Ar ale sãote bapla reakʼ bebostaepe. Aperen hoponerako emalepe ar aleren hoponerako hõ ape hataokope.

Genesis 27:4

Ar ona tayom do ińiń kusiyakʼ leka sebel jomakʼ tearme ar ạguạńme, jemon gujukʼ lahare ona jomkateń bhor oṭowam.”

Genesis 24:4

Ona bodolte am do ińakʼ disạmtem calakʼa ar iń bõsrenko mod khon jãhãeṭakʼ kuṛige ińren koṛa Isahak lạgitʼem bachaoea.”

Genesis 28:6

Esaue ańjomkeda, Isahak do Jakobe bhoradea ar Padam-Aramreye kolkadea jemon uni do onḍe jãhãe kuṛiye baplaye. Arhõe ańjomkeda, bhor ńam tayom Jakob do Kananren kuṛiko hõ alo baplako reakʼe hukum ocoakana.

Genesis 38:2

Onḍe tahen jokhecʼge Suạ ńutuman mitʼṭen Kanan hoṛren hoponerare uni do mẽtʼ lagaoentaea. Ar uni kuṛiye baplakedea.

Jirimiạ 29:6

Baplakʼpe ar gidrạko janamkope; aperen hoponko bạhuakope ar hoponerako baplakakope jemon onkoren hõ gidrạko hoyokʼtako. Ape do onḍe saṅgekʼpe, ar alope komaokʼa.