Biblia Todo Logo
Bib sou entènèt

- Piblisite -




Genesis 27:43 - সান্তালী বাইবেল

43-44 Onate beṭa, ińakʼ katha ańjomme. Am do Haran nagrahate ińren boeha Laban ṭhen dạṛme ar amren boehawakʼ raṅgao ạuri cabakʼ hạbicʼ onḍege tahenme.

Gade chapit la Kopi




Genesis 27:43
14 Referans Kwoze  

Onate beṭa, ńitokʼ okaṭakʼ iń metam ona leka kạmime.


Abram do, Lot ar Sạri soṅgekate Kanan disạm reakʼ Terahte calakʼ iạte Kạldikoakʼ disạm Ur nagraha khone mohnḍayena. Abram do Terahren hopone tahẽkana, ar Lot do Terahren goṛomtetʼ koṛa, metakʼme, Haranren hopon, ar Sạri do Terahren hopon Abramren bạhui tahẽkana. Pạhilre onko do Haran ńutumanakʼ mitʼṭecʼ nagraha hạbicʼko calaoena ar onḍe girobasokʼko ehopʼena.


Menkhan acʼren eṅgat do uniye metadea, “E beṭa, amakʼ ona sarap do ińre paṛaokʼma. Am do eken ińakʼ katha ańjomme ar senkate barea merom hopon ạguwạńme.”


Unre Patras ar eṭakʼ apostolkoko roṛ ruạṛkeda, “Manwakoakʼ hukum batao khon Isorakʼ hukumkoge batao lek tabona.


Rekabiạren hopon Jonadab do acʼren hoponko darkha rasa ńũiye baronletʼkoa ar onko do ona hukumko bataoleda. Ar teheń hõ onko do darkha rasa bako ńũiyeda, ente onko do akoren hapṛamkoakʼ hukumko bataoetʼkana. Menkhan iń do aema dhao apeń metatʼpe tahẽkanre hõ, ińakʼ katha do bape ańjomletʼtińạ.


Okaṭakʼ mẽtʼ do apate ṭiṭkạriyede kan ar eṅgatakʼ katha bataore hirkhạ salakʼe baṅetʼ, ona mẽtʼ do gaḍa kạhuko ṭhoṭrao oḍoka, ar gidiren hopon do onako joma.


Ar Jakob do acʼ go-babawakʼ katha leka Padam-Aramteye calaoena.


Rebekaren boehawakʼ ńutum do Laban tahekana. Uni do miseratakʼ tire bala ar mũre mạkṛi ńelte ar uni hoṛakʼ katha acʼren miseratakʼ moca khon ańjomkate nagraha bahre kuń ṭhene ńir senena. Ar senkate uni hoṛ do kuń ṭhen ũṭko aṛere teṅgo akane ńelkedea.


Jakob do Ber-seba bạgikate Haran nagraha secʼe mohnḍayena.


Rebeka do acʼren maraṅicʼ hopon Esauakʼ joto kathae ańjomketʼ khan hoṛ kolkate huḍińicʼ hopone hoho ạgu ocokedete uniye metadea, “Ańjomme, amren boeha Esau do ame gocʼmea ar onate acʼakʼ jiwiye raṛejtaea.


Noa menkate Isahak do Jakobe kolkadea, ar Jakob hõ Padan-Aramre Bethuelren hopon Laban ṭhene calaoena. Laban do Jakob ar Esauren eṅgattetʼ Rebekaren boehae tahẽkana.


Niạ tayom Isor do Jakobe metadea, “Am do ńitokʼ Bethelre senkate tahenme. Ar amren boeha Esau ṭhen khonem ńir pharakokʼ jokhecʼ okoe do am ṭhene ńel ocolen uni Isor lạgitʼ onḍe mitʼṭecʼ pinḍ benaome.”


Isahak do pongel bochor umer tahẽkanre Rebekae baplaledea. Rebeka do Padan-Aram disạmren Aramiạ Bethuelren hoponera ar Aramiạ Labanren miserate tahẽkana.


Swiv nou:

Piblisite


Piblisite