Genesis 27:29 - সান্তালী বাইবেল

²⁹ Eṭakʼ jạtrenko do amko sapʼ sorama, ar sanam hoṛge amko ḍobokʼama. Am gusṭiren hoṛkoren mạlikkem hoyokʼa, onko do amko ḍobokʼama. Okoe amko sarapam onko cetanre hõ sarap paṛaokʼma; ar okoe amko bhoram onko hõ bhor hecʼakoma.”

Genesis 27:29 Referans Kwoze

Numeri 24:9

Dhạcri kul ar kul eṅgal leka onko doko burumokʼa arko kunḍlạṅ hapekokʼa, unre onko beretʼko reakʼ do okoeye dilkea? Okoe apeko bhorape onkage onkore hõ bhor paṛaokʼma; ar okoe sarapko emape, onkage onko cetanre hõ sarap paṛaokʼma.”

Genesis 12:3

Okoe amko bhoram iń hõ onkoń bhorakoa ar okoe amko sarapam onko hõ ińiń sarapakoa. Ar am iạtege dhạrtiren sanam jạtrenko do bhorko ńama.”

Jesaea 49:23

Rapajko do amko ạsul haramea ar onkoren rạniko do amren bukạ getʼ buḍhiko hoyokʼa. Onko do otre ombakʼkateko ḍobokʼama ar amakʼ jaṅga reakʼ dhuṛiko caṭoga. Unrem baḍae daṛeakʼa, ińkangeạń Probhu Isor do; ar okoe ińreko bhorsakʼkan onko do bako lajao ocokʼa.”

Jesaea 45:14

Probhu Isor do Israel jạtrenkoe metakokana, “Misorakʼ hameṭakʼ dhon ar Kusren bạnij beparikoakʼ jinis do am ṭhen hijukʼa. Ar Sabarenko hõ apnartege am ṭhenko hijukʼa; onko do amrenko hoyokʼa ar amko pańjamea. Onko do sikṛikote tol akan dosarege am ṭhenko hijukʼa. Onko do otre ombakʼkate amko ḍobokʼama ar nehõrkateko metama, ‘Isor do khạṭige am sãote menaea. Eken uni eskar kangeae Isor do, uni chaḍa ar cele Isor hõ bạnukʼkoa.’ ”

Jesaea 49:7

Hoṛko okoeko nihạ̃t giḍi akade arko hirkhạwaekan, okoe doe disạm cakʼlaokoren golamkan, uni Israelren sonoticʼ ar chakʼḍaoicʼ do Probhu Isor niạ kathae metaekana, “Rapajko do am ńelteko beredokʼa, ar mukhiyạko do amko ḍobokʼama, ente Probhu Isor do ame bachao akatʼmea; Israelren uni sonoticʼ doe pạtiạranicʼ kana.”

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Sereńko 72:8

Uniyakʼ rajosṭi reakʼ simạ do mitʼ jalapuri khon eṭakʼ jalapuri hạbicʼ, Uphreṭis gaḍa khon dhạrti reakʼ mucạtʼ hạbicʼ.

1 Rapajko 22:47

Ona jokhecʼ Edom disạmre do cele rajge bako tahẽkana. Mitʼṭen disạm mukhiyạge onḍe doe rajokʼ kan tahẽkana.

Numeri 23:8

Isor bae sarap akatʼko hoṛ do, cekateń sarapakoa? Probhu Isor okoe upạrte bin bhạlại reakʼ katha bae roṛakatʼ, onko upạrte cekate iń do bin bhạlại reakʼ katha doń roṛa?

Genesis 37:7

Ona do nonka, abo do khetre getʼakatʼ phosol reakʼ ạṭi bon toleda; menkhan hahaṛa do noage je, ińakʼ ạṭi do sojhete teṅgo akana. Ar ona tayom apeakʼ ạṭiko do ińakʼ ạṭi beṛhaete teṅgokate ińakʼ ạṭiko ḍobokʼada.”

Genesis 27:37

Isahake roṛ ruạṛkeda, “Ńelme, uni do amren mạlik iń hoyoco akadea ar uniyakʼ gusṭiren sanamko do acʼren gutiń hoe ocoakatʼkoa. Iń do uni lạgitʼ phosol ar nãwã darkha rasań bondobos akada. Am lạgitʼ do ńit cetʼ iń cekaea?”

Johan sodor 19:16

Ar uniyakʼ kicricʼre ar bulure noa ńutum ol menakʼa, “Rajkoren raj, ar Probhukoren Probhu.”

Mathae 25:45

“Uni do roṛ ruạṛ akoteye metakoa, ‘sạrigeń metapekana, noko ińren huḍiń utạrko modre jãhãe mitʼ hoṛ tinạkʼge bape nonkawade, unạkʼge iń hõ bape onkawạdińa.’ ”

Mathae 25:40

“Ado raje roṛ ruạṛakoa, ‘sạrigeń metapekana, ińren noko huḍiń utạr boehako modre jãhãe mitʼ hoṛpe nonkawade enḍekhan unre ińgepe onkawạdiń tahẽkana.’

1 Bõsbudạ 5:2

Arhõ boeharen gusṭiko modre Jihudạ gusṭikoren do joto khon daṛeanko tahẽkana ar uniyakʼ gusṭi khonge mukhiyại bachao ocolenrehõ maraṅicʼ hopon reakʼ ạidạri do Josephgeye ńamleda.

1 Rapajko 4:21

Phurạt gaḍa khon ehopʼkate Misor ar Philisṭikoakʼ disạm reakʼ simạ hạbicʼ sanam rajosṭiko do Solomonakʼ gobolrege tahẽkana. Solomon tinạkʼ din jiwetʼe tahẽkan unạkʼ dinge niạko disạmren hoṛko do bhejako emaekan tahẽkana ar uni gobolreko tahẽkana.

Genesis 25:33

Jakobe menkeda, “Iń ṭhen lahare kiriạlenme.” Unre Esau doe kiriạyente maraṅicʼ hoponakʼ ạdạri do Jakob ṭhene ạkhrińkeda.

Genesis 9:27

Isore do Japhete phaelaoaema. Ar Shemakʼ tạmbureye girobasokʼma ar Kanan do uniren golame hoyokʼma.”

Genesis 27:30

Isahak do Jakobe bhoradea. Ar Jakob acʼ baba ṭhen khon ạuriy ocogokʼrege dadattetʼ Esao do jel sendra khon oṛakʼteye ruạṛ hecʼena.

Genesis 27:40

Amakʼ tarwaṛegete jiwetʼem tahena, ar am do bokomren gutim hoyokʼa. Menkhan khạtirjoma tinre bam tahẽ daṛeakʼa unre am do amakʼ taren khon uniyakʼ araṛem giḍikakʼa.”

Genesis 37:10

Ar noa kukmũ do acʼ baba ar boehako ṭhene lạiketʼ khan apattetʼ do ruhetʼkedeteye metadea, “Noa do cetʼ lekan kukmũm ńelleda?” Amren eṅgam, ar amren dadamtako ar iń do cetʼ ombakʼkate amle ḍobokʼama?”

Numeri 24:18

Bạiriko do Edom, metakʼme Seyirko dokhol joṅa, menkhan Israelko do birbanṭa hoṛ leka ektiạriko hameṭ joṅa.

Jesaea 60:12

Okoe jạtrenko ar rajosṭiko am bako sewawam onko doko jarkharokʼa, arko marao utạrokʼa.

Jesaea 60:14

Okoe amko santaoetʼme tahẽkan onkoren hoponko do am ṭhen tumbutʼkateko hijukʼa; ar okoeko nihạ̃tetʼme tahẽkan onko jotoge amko ḍobokʼama ar Probhu Isorakʼ nagraha, Israelren uni sonoticʼakʼ Sion menteko bikạumea.