Genesis 27:28 - সান্তালী বাইবেল

²⁸ Isor do serma reakʼ sisire emam ma, ar amakʼ jumiye bhorakʼma; Am do ḍher phosol ar nãwã darkha rasam ńama.

Genesis 27:28 Referans Kwoze

Dosar Biboron 33:28

Onate Israel do khạtirjomae tahena. Jakob reakʼ jharna do eskarge tahena; onḍe do ḍher phosol ar nãwã darkha rasa hoyokʼa, ar onare do serma reakʼ sisir dakʼe jorowakʼa.

Dosar Biboron 33:13

Joseph reaṅ uni doe menkeda, “Probhu Isor do jemon uniyakʼ disạme bhorakʼtae coṭ serma reakʼ sorosakʼ dante ar latarre jarwa akan athantar dakʼte,

Sereńko 133:3

Ona do Hermon buru reakʼ sisir dakʼ leka one oka do ạtu pheḍokʼkan Sion burure; ente Probhu Isor do onḍegeye ạsirbad akawada, ar ona ạsirbad do jaejug jionge.

2 Samuel 1:21

E Gilboa reakʼ buruko, apere sisir ar jạṛi dakʼ do alo baṛe ńurokʼma, ape talare abal ot reakʼ anaj baṛgeko hõ alo baṛe tahenma; ente onḍege birbanṭa hoṛkoakʼ ḍhal do bemanotakʼ hoyakana, Sạulakʼ ḍhalre sunum ojokʼakʼ do ar baṅ hoyokʼa.

Dosar Biboron 32:2

Ińakʼ cecetʼakʼ do jạṛi dakʼ leka ńurokʼma, ińakʼ katha do sisir dakʼ leka rińjikʼma. Legecʼ ghãs cetanre poroe poroe dakʼ leka, ar aṛakʼ sakamko cetanre achaṛ dakʼko lekage.

Dosar Biboron 7:13

Uni do apeye dulạṛpea, are bhorapea ar aperen hoṛkoe saṅge ocopea. Ar okaṭakʼ disạm emokʼ lạgitʼ aperen hapṛamko ṭhene gokʼletʼ tahẽkan ona disạmteye aderpea. Onate aperen do ḍher hopon ar hoponerako hoyokʼtapea, ar apeakʼ jumi khon ḍher anajko, darkha rasako ar sunumkope ńama, ar aperen bhiḍi, merom, ḍaṅgrako hõ ạḍi ḍherko hoyokʼtapea.

Sakariạ 8:12

Ńitokʼ do itạ khon dare do mońjtege harakʼa, ar darkha nạ̃ṛĩre jo sabokʼa, khetre phosol janamokʼa ar noko jạtren jiwetʼ tahen hoṛko do iń emakʼ ạidạri lekate jotowakʼko ńama.

Joel 2:19

Probhu Isor do onkoakʼ katha reakʼe roṛ ruạṛakoteye mena, “Iń do ape ṭhen nãwã darkha rasa, sunum, ar phosolkoń kola, onatepe tirpitokʼa; ar jạt jạtrenko ṭhen ar tishõ landa dhutʼanko do bạń hoyocopea.

Jesaea 45:8

“E sermako, de coṭ khon dakʼ jạṛipe; E rimilko dhorom jạṛipe. Ot do jhijokʼte bańcaoe janam ocoyma, ar ot do dhorome sagen ocoyma. Iń Probhu Isorge niạ doń sirjạu akada.

Sereńko 104:15

Darkha rasa do manwakoakʼ mone rạskạ ocoyeda, sunum do uniyakʼ mẽtʼãhãe malkao ocoyeda, ar piṭhạ do uniyakʼ jiwire daṛeye ạguiyeda.

Sereńko 36:8

Amakʼ oṛakʼ reakʼ jomakʼ jomte onko doko tirpitokʼa; amakʼ hạ̃s reakʼ ar gaḍa reakʼem ńu ocokoa.

1 Rapajko 17:1

Gilead reakʼ Tisbe atoren Eliạ do Ahabe metadea, “Iń okoeyiń sewawaekan Israelren uni jiwetʼ Probhu Isorre kiriạkateń meneda, iń ạuriń men hạbicʼ darakan bochorkore sisir hõ baṅ ńurokʼa, ar dakʼ hõ bae daga.”

Numeri 18:12

“Israelko do akoakʼ pạhil rakapʼakʼ khon bhage utạrakʼ jạitun sunum, nãwã darkha rasa ar anaj oka do Probhu Isor ńutumteko em ona jotowakʼ do amiń ematʼmea.

Ibriko 11:20

Biswạstege Isạhak do tayom daramakʼko reaṅ Jakob ar Esaue bhoratʼkin tahẽkana.

Sakariạ 9:17

Onkoakʼ cehra do ạḍi mońj hoyokʼtakoa. Onkoakʼ phosol do onkoren juạn koṛakoe sahre ocokoa ar nãwã darkha rasate do onkoren juạn kuṛikoge.

Mikạ 5:7

Jạt jạtrenko talare Jakobren bańcao tahen hoṛ do Probhu Isor ṭhen khonakʼ sisir dakʼ leka, ar ghãs cetanre achaṛ dakʼ lekage one ona do hoṛ bae tạṅgiko, ar baṅ do manwa hoponkoe koyokʼ horko.

Jirimiạ 14:22

Jạt jạtkoren ạuṛiyakʼren boṅga murhutʼko do cetʼ dakʼko ạgu daṛeakʼgea? Serma do cetʼ jạṛi dakʼe em daṛekea? E aleren Probhu Isor, eken amgem daṛeakʼa. Am cetanrege ale do asle dohoyeda, ente amge noakom kạmikana.

2 Bõsbudạ 2:10

Iń do amren hoṛko, metakʼme dare mamakʼko do pe hajar turui sae ṭon holoṅ, pe hajar turui sae ṭon jao, pon lakh pon sae liṭar darkha rasa ar pon lakh pon sae liṭar jạitun sunumiń emakoa.

1 Rapajko 5:11

Ar Solomon hõ Hiram ar uniyakʼ oṛakʼren hoṛkoakʼ jomakʼ lạgitʼ pe hajar turui sae ṭon guhum ar pon hajar irạl sae liṭar jạitun reakʼ sunume emadea. Nonkage Solomon do bochorke bochor onae emadea.

Josuạ 5:6

Misor khon oḍok hecʼen tayom okoe do lạṛhại lạgitʼ oḍok calakʼ leka umer hoyakan tahẽkan onko sanam ạuriko gujukʼ hạbicʼ Israelko do pongel bochor hahaṅkarre ạcur baṛae hoylentakoa, ente onko do Probhu Isorakʼ katha leka bako senlena. Ar Probhu Isor kiriạkate onkoren hapṛamko ṭhen okaṭakʼ disạm emako lạgitʼe gokʼletʼ ona toa ar dumur rasa ạtukʼkan disạm do bako ńel ńama.

Genesis 49:20

“Aserakʼ jumire do sebel jomakʼkoge upcạukʼa; uni do rajakʼ lek leka jomakʼe emokʼa.

Genesis 45:18

ar onkoren baba ar onko gharońjren sanamkoante am ṭhenko hijukʼma. Ar Misor disạm reakʼ joto khon bhage bhageakʼ jiniskom emakoa ar disạm reakʼ joto khon bhage jomakʼkom jom ocokoa.

Romiko lạgitʼ Pạul Apostolakʼ ciṭhi 11:17

Jodi ona jạitun dare reakʼ adom ḍạrko rạputʼ giḍikate onare am lekan bir jạitun dare reakʼ ḍạrko kolom mitʼlen khan am do asol jạitun dare reakʼ rehetʼ khon ros hatao joṅme,

Numeri 13:20

Onḍenakʼ otre bhage phosol omon akana se baṅa? Ar dare nạ̃ṛĩko menakʼa se baṅa? Ape do onḍenakʼ joko ạgui reakʼpe kurumuṭuya.” Onako din do darkha jo belekʼ reakʼ okte tahẽkana.

Genesis 27:39

Unre acʼ babae menkeda, “Am okaṭakʼ jumirem girobasokʼ ona do bhage hasa baṅ hoyokʼa; onḍe do serma reakʼ sisir hõ baṅ ńurokʼa.

Genesis 27:37

Isahake roṛ ruạṛkeda, “Ńelme, uni do amren mạlik iń hoyoco akadea ar uniyakʼ gusṭiren sanamko do acʼren gutiń hoe ocoakatʼkoa. Iń do uni lạgitʼ phosol ar nãwã darkha rasań bondobos akada. Am lạgitʼ do ńit cetʼ iń cekaea?”

Genesis 49:25

Am apatren Isor do ame goṛowama. Sanam daṛean Isor do serma khone bhorama ar ot latar khon jharna reakʼ ạsirbade emama. Ar maejiuakʼ kukhire gidrại emokʼte uniyakʼ toa reakʼ bhorte uni do ame bhorama.

Kạhtukko 3:20

Uni do ạkilte ot latar khon dakʼe oḍok ocoyeda, ar serma khon ṭhopʼ ṭhopʼ sisir dakʼe ńur ocoyeda.

Kạhtukko 19:12

Rajakʼ raṅgao do gondraokʼkan dhạcri kul leka, menkhan uniyakʼ daya do ghãsre ńur akan sisir dakʼ leka.