Genesis 25:8 - সান্তালী বাইবেল

⁸ Mitʼṭecʼ mońj ar suk jion khemao tayom ḍher umer paromkate uni doe gocʼena ar acʼren hapṛamko ṭhene calaoena.

Genesis 25:8 Referans Kwoze

Genesis 49:33

Jakob do acʼren hoponko galmaraoakoe sạtketʼ khan aṭetʼre acʼakʼ banar jaṅgae rakapʼketʼtaea are giticʼena. Ar ona tayom do jiwi oḍokentaete acʼren hapṛamko ṭhene calaoena.

1 Bõsbudạ 29:28

Uni do ḍher bochor jiwetʼ tahẽkanre dhon ar mane arjawan tahẽkana ar ạḍi haṛam umerreye gocʼena. Uniren hopon Solomon do acʼ apat bodolteye rajena.

Genesis 15:15

Ar am do ona laharege ḍher umerre suluktem topa ocokʼa ar amren hapṛamko ṭhenem calakʼa.

Jobakʼ 42:17

Nonkate Job doe haṛamena ar purạte dinkoe bahaoketʼ tayome gocʼena.

Genesis 25:17

Ismael do mitʼsae pegel eae bochor jiwetʼe tahẽkana. Ar ona tayom doe gocʼena ar acʼren hapṛamko ṭhene calaoena.

Aposkạmi 13:36

“Dạud do ona piṛhiren hoṛko modre Isorakʼ monejoṅakʼe purạuketʼ tayome gocʼena. Ar uniren hapṛamko sãoteko topakede khan uniyakʼ hoṛmo do nosṭoyena.

Kạhtukko 20:29

Koṛakoakʼ daṛe do onkoakʼ ṭhonok kana, ar haṛamkoakʼ saj do akoakʼ pạnḍu upʼge.

Jobakʼ 5:26

Cetʼleka oktere phosol rakabokʼ onkage purạ dinem bahaokʼa arem topa ocokʼa.

Bikʼcạrko 8:32

Joasren hopon Gideon do haṛamkateye gocʼena. Ar Abieserkoakʼ Ophrare uniren apat Joasakʼ topareko baekadea.

Genesis 25:7

Abrahamren do jotote mitʼsae eaegel mõṛẽ bochor jiwetʼe tahẽkana.

Aposkạmi 5:10

Ar Sạphira do unrege Patrasakʼ jaṅga ṭhene bhindạṛena are gocʼena. Ar onko juạn hoṛko do bhitrite bolokate uni hõ gocʼgeko ńelkede khan bahrete idikate uniren jãwãetetʼ pantereko topakadea.

Genesis 49:29

Tayomte Jakob do acʼren hoponko noae metatʼkoa, “Hapṛamko ṭhen calakʼ reakʼ okte hoyakantińạ. Hitti Ephron reakʼ jumire okaṭakʼ dander menakʼ ona danderre ińren hapṛamko ṭhen ińhõ topayińpe.

Aposkạmi 12:23

Herod do unre Isor bae sarhaoledete Probhu Isorren mitʼṭen goḍet do uniye ńẽtʼkedea, arko tejokedete uni doe gocʼena.

Aposkạmi 5:5

Ananiạs do noa kathae ańjomketʼ torage otre bhindạṛenteye gocʼena. Ar noa ghoṭna reakʼ katha okoeko ańjomketʼ onko sanamkoge ạḍi botor caṛhaoatʼkoa.

Jirimiạ 6:11

Menkhan iń do Probhu Isorakʼ raṅgaoteń perecʼ akana; iń do ar bạń sambṛao daṛeakʼ kana. Probhu Isore meneda, “Am do kulhiren gidrạko cetanre ar mitʼ ṭhenko jarwa akan juạnko cetanre dulme. Onate bạhu ar jãwãe hõ onarekin sabokʼa, ar haṛamko ar ḍher haṛam hoṛ hõ rukhiyạ do ohoko ńamlea.

Bikʼcạrko 2:10

Josuạ okteren Israelko do gocʼente akoren hapṛam ṭhenko calaoen khan onkoakʼ jaegare onkoren hoponkoko hecʼena. Onko do Probhu Isor bako baḍae akade tahẽkana ar Israelko lạgitʼ Probhu Isor okakoe cekaletʼ ona hõ bako baḍaekan tahẽkana.

Numeri 27:13

Amren boeha Aron cetʼleka hapṛamko ṭhene senakan onkage amhõ amren hapṛamko ṭhen calakʼ hoyokʼtama.

Numeri 20:24

“Aron do acʼren hapṛamko ṭhen calakʼ hoyokʼtaea. Okaṭakʼ disạm Israel hoponkoń emako onḍe uni do bae bolo daṛeakʼa ente aben do Meribare dakʼ iạte ińakʼ hukum birudben kạmileda.

Genesis 35:18

Menkhan Rahel doe gocʼena. Gujukʼ jokhecʼ gidrạwakʼ ńutum do Benoniye dohoketʼtaea (Metakʼme “Ińakʼ dukren hopon”). Menkhan uniren apat do uniyakʼ ńutum Benjạmine dohoketʼtaea (metakʼme “Bhạganren hopon”).

Genesis 37:35

Ar uniren eṭakʼ hoponko do uniyakʼ jiwi raṛejtae lạgitʼko kurumuṭukeda, menkhan cetʼtege jiwi do baṅ raṛecʼlentaea. Uni doe menkeda, “Iń do rakʼ rakʼteń gujukʼte ińren hoponiń ṭheniń calakʼa.” Nonkate Jakob do Joseph lạgitʼ ạḍiye rakʼkeda.

Dosar Biboron 32:50

Amren dadam cetʼleka Hor reakʼ burureye gocʼente acʼren hapṛamko ṭhene senen onkage amhõ Nebo bururem gujukʼa ar amren hapṛamko ṭhenem senokʼa.

Genesis 50:13

Onko do uniyakʼ mạ̃ṛĩ Kanan disạmteko idikeda ar Mamre ṭhenakʼ Makpela reakʼ dander ṭhen uniko topakadea. Topa ṭạnḍi benao iạte jumi sudhạ noa danderge Abraham do Hitti Ephron ṭhen khone kirińleda.

1 Bõsbudạ 23:1

Dạud do tinreye haṛam cabayena unre uniren hopon Solomon do Israel cetanreye rajkadea.

2 Bõsbudạ 24:15

Jehoyada doe haṛamena ar dinte purungeye tahẽkana ar mitʼsae pegel bochor umerreye gocʼena.

Jobakʼ 41:32

Ar ona tayomte do jhalkaokʼ kan hore bạgiyakʼ kana; athantar do ponḍ upʼ lekage hudisokʼ kana.