Genesis 25:28 - সান্তালী বাইবেল

²⁸ Isahak do sendra jele kusiyakʼkan tahẽkante acʼren hopon Esau ạḍiye dulạṛede tahẽkana, menkhan Rebeka do Jakob bạ̃ṛtiye dulạṛkedea.

Genesis 25:28 Referans Kwoze

Genesis 27:19

Jakob do acʼren apate metadea, “Iń do amren maraṅicʼ hopon Esau kạnạń. Am okam metadiń tahẽkan iń do onań onka akada. Ńitokʼ am do ma beretʼme ar ińakʼ sendra ạguakʼ jel jomme ar bhorạń.”

Genesis 27:31

Ar sebel jomakʼe isinketʼte acʼ baba ṭhen idikateye menkeda, “E ba, ma beredokʼte duṛubokʼme ar amren hopone ạguakatʼ sendra jel jomme ar bhorạńme.”

Genesis 27:4

Ar ona tayom do ińiń kusiyakʼ leka sebel jomakʼ tearme ar ạguạńme, jemon gujukʼ lahare ona jomkateń bhor oṭowam.”

Genesis 27:25

Isahake menkeda, “Enḍekhan amakʼ sendra jel khon thoṛa ạguạńme, jemon ona jomkateń bhoram.” Unre Jakob do Isahak ṭhen jomakʼe ạgukeda, ar Isahak do ona khone jomkeda. Ona tayom Jakob do darkha rasa hõe emadea ar uni doe ńũkeda.

Genesis 27:9

Am do ńitge bhiḍi meromkoakʼ palte calakʼme ar moṭa soṭa barea merom hopon ạguwạńme. Iń do unkinte am babae kusikʼ leka jomakʼiń teara.

Genesis 27:3

Onate am do, amakʼ akʼ-sarante sendra calakʼme ar iń lạgitʼ sendra jel ạguiyme.

Genesis 27:14

Jakob do senkate merom hopone ạguketʼkinte acʼ gogoe emadea, ar Rebeka do Jakob acʼ babae kusiyakʼ leka jomakʼe isinkeda.