Genesis 25:21 - সান্তালী বাইবেল

²¹ Isahakren bạhu do bạńhigeye tahẽkante Isahak do acʼren bạhu lạgitʼ Probhu Isor ṭhene koekeda. Probhu Isor do uniyakʼ koejoṅe ańjomkeda ar Rebeka doe bhạrti hoṛmoyena.

Genesis 25:21 Referans Kwoze

Esra 8:23

Onate ale dole upạskeda ar niạ reaṅ aleren Isor ṭhenle nehõrena, ar uni do aleakʼ koejoṅe ańjomketʼtalea.

Luk 1:13

Serma goḍet do uniye metadea, “Alom botorokʼa, Sakariạ, ente Isor do amakʼ koejoṅe ańjomakada. Amren bạhu Elisabetren do mitʼṭen koṛa gidrại hoyokʼtaea. Ar uniyakʼ ńutum do Johanem dohoytaea.

Jesaea 58:9

Ar unre iń ṭhenpe koe lekhan iń doń ańjomtapea; ar goṛo ńam lạgitʼpe hohoạń khan doń mena, ‘nonḍege minạńa.’ “Ape ṭhen khon julumakʼ arãṛ, kạṭupʼte udukʼakʼ ar hiskạte perecʼ kathape bạgiyakʼ khan,

2 Bõsbudạ 33:13

Uniyakʼ koejoṅ ańjomte Probhu Isor do daya hecʼadea ar uniyakʼ nehõr joṅakʼe ańjomketʼtaete Jerusalem ar uniyakʼ rajosṭiye ruạṛ ạguketʼtaea. Unre Manase doe bujhạukeda, Probhu kangeae Isor do.

1 Bõsbudạ 5:20

Noko sãote lạṛhại jokhecʼ Isor do onkoe goṛowatʼko tahẽkana. Uni do Hagariạko ar onkoren sanam hoṛko onkoakʼ tireye jimạletʼkoa, ente lạṛhại jokhecʼ onko do Isor ṭhenko koejoṅkan tahẽkana. Ar uni cetanreko bhorsalen iạte uni do onkoakʼ koejoṅe ańjomletʼ takoa.

1 Samuel 1:27

Iń do nui gidrạ ńame lạgitʼ iń koeleda, ar Probhu Isor ṭhen okań khojletʼ uni do onageye em akawạdińa.

Luk 1:7

Unkinren do cele gidrạge bako hoyakan tạkin tahẽkana ente Elisabet do bạńjhigeye tahẽkana. Inạ chaḍa unkinakʼ umer hõ ạḍi aema hoyakan tahẽkana.

Jesaea 45:11

“Probhu Isor, okoe doe Israelren uni sonoticʼ kan, okoe doe uniren sisirjạukʼ kan, uni do niạ kathae meneda, ‘ape do cetʼ tayom daram ghoṭna reaṅpe kuli akadińạ? Ińren gidrạko se ińakʼ ti reakʼ kạmi reaṅpe hukum akawạdińa?

Kạhtukko 10:24

Bedhorom hoṛ do okako botorakʼ onaregeko paṛaokʼa, menkhan Isor botoraekoakʼ khojogokʼa do purunokʼtakoa.

Sereńko 91:15

Uniye hohowạńreń ańjomtaea; ar muhinre uni sãoteń tahena; uni doń rukhiyạyea ariń manotea.

Genesis 11:30

Sạri do bạńjhigeye tahẽkana; uniren do gidrạge bako hoyakan tahẽkana.

Sereńko 145:19

Okoe uniko botoraekan onkoakʼ monejoṅakʼ doe purạuetʼtakoa; ar goṛowako lạgitʼ onkoakʼ rakʼ ańjomte onkoe rukhiyạyetʼkoa.

Sereńko 127:3

Gidrạ do Probhu Isor emakʼ ạidạri kanako, ar kukhiren gidrạ hõ uni emakʼ kuṛạige.

Sereńko 65:2

E koejoṅ ańjomicʼ, am ṭhenge sanam manwa doko hijukʼa.

Jesaea 65:24

Ar iń ạuriko hohoạńrege onkoakʼ iń ańjomtakoa, hẽ, katha roroṛkan tulucʼgeń ańjomtakoa.

Sereńko 50:15

Amakʼ muhinre hohowạńme; iń do amiń bańcaomea ar am do ińem manotińạ.”

1 Samuel 1:11

Ar Probhu Isor ṭhen manot dohokateye menkeda, “E sanam daṛeanicʼ Probhu Isor, amren kạ̃ṛmĩyakʼ mon reakʼ duk secʼ baṛe beṅgedme ar ańjomtińme. Ar iń bam hiṛiń akadińte amren kạ̃ṛmĩ jodi mitʼṭen hoponem danae enḍekhan jonom bhor uni do am ńutumteń emokʼa. Ar uniyakʼ bohokʼre tisge holatʼ do bạń lagaoakʼa.”

1 Samuel 1:2

Elkanaren do barea bạhukin tahẽkantaea; mitʼ hoṛakʼ ńutum do Hanna ar eṭagicʼakʼ ńutum do Peninna. Peninnaren do gidrạko hoylena menkhan Hannaren do cele gidrạge bako hoyakan tahẽkana.

Genesis 16:2

Mitʼ din Sạri do Abrame metadea, “Ńelme, Probhu Isor doe bạńjhi ocoakadińạ. Onate am do ińren kạ̃ṛmĩ ṭhen bolokʼme. Hoedaṛeakʼa uni hotete iń do gidrạń ńam daṛeke.” Abram do Sạri reakʼ kathareye rạjiyena.

1 Samuel 1:17

Unre Eliye menkeda, “Amakʼ jiwi baṛe raṛejokʼtam ma. Israelkoren Isor ṭhen okam khojakatʼ ona jemone emam.”

Genesis 30:22

Inạ tayom Isor do Rahel secʼe beṅgetʼkeda. Uni do Rahelakʼ koejoṅe ańjomkeda ar bhạrti hoṛmo reakʼ daṛeye emadea.