Genesis 25:20 - সান্তালী বাইবেল

²⁰ Isahak do pongel bochor umer tahẽkanre Rebekae baplaledea. Rebeka do Padan-Aram disạmren Aramiạ Bethuelren hoponera ar Aramiạ Labanren miserate tahẽkana.

Genesis 25:20 Referans Kwoze

Genesis 24:29

Rebekaren boehawakʼ ńutum do Laban tahekana. Uni do miseratakʼ tire bala ar mũre mạkṛi ńelte ar uni hoṛakʼ katha acʼren miseratakʼ moca khon ańjomkate nagraha bahre kuń ṭhene ńir senena. Ar senkate uni hoṛ do kuń ṭhen ũṭko aṛere teṅgo akane ńelkedea.

Genesis 24:67

Unre Isahak do acʼ gogowakʼ tạmbure Rebekae idikedea are baplakedea. Uni do Rebekae dulạṛkedea ar eṅgattetʼ ńutumte jiwi raṛecʼentaea.

Genesis 22:23

Bethuelren hoponera do Rebekae tahẽkana. Abrahamren boeha Nahorren bạhu Milkạwakʼ kukhire noko irạl goṭecʼ hoponko janamlena.

Dosar Biboron 26:5

Ar ona tayom do Probhu Isor samaṅrepe mena, ‘Aleren hapṛam do Aramren mitʼṭen uḍạcal hoṛe tahẽkana. Uni do eken thoṛa hoṛante Misor disomteye senlena ar onḍeye tahẽkanre uni hotete mitʼṭen maraṅ ar daṛean jạtrenkoakʼ janam hoylena ar onkoakʼ lekha do ḍherge tahẽkana.

Genesis 31:24

Menkhan Isor do ńindạ jokhecʼ kukmũte Labane metadea, “Sontorokʼme! Jakob do boge-bạṛicʼ jãhãnakʼ cetʼge alom metaea.”

Genesis 31:20

Ar Jakob do acʼakʼ calakʼ reakʼ katha Laban bae baḍae ocoledea.

Luk 4:27

Elisa nạbi oktere Israel disạmre aema murhucʼ jom rog hoṛko tahẽkana, menkhan onko do okoehõ bako boge ocolena, Eken Siriạ disạmren Naman motogeye boge ocoyena.”

Genesis 35:9

Jakob do Padam-Aram khone hecʼen khan Isor do arhõ uni ṭhene ńel ocoyena ar bhoradeteye metadea, “Amakʼ ńutum do Jakob tahẽkana, menkhan Jakob mente do arbam hoho ocokʼa; amakʼ ńutum do hoyokʼa Israel.” Ar noa menkate uniyakʼ ńutum do Israele dohoketʼtaea.

Genesis 24:15

Uniyakʼ katha ạuri mucạdokʼrege Rebeka do kanḍa hermetʼkate nagraha khone oḍokʼ hecʼena. Uni do Bethuelren hoponerae tahẽkana. Ar Bethuel do Abrahamren boeha Nahorren bạhu Milkạren hopon kanae.

Genesis 25:26

Ona tayom Esauakʼ iḍi sapʼakatʼ uniren boehae janamena. Onate uniyakʼ ńutum do Jakob dohoyena (metakʼme “Iḍi sapʼakatʼ”). Nukinkin janamokʼre Isahakakʼ umer do turui gel bochor tahẽkana.

Genesis 28:2

Am do Padan Aram disạmre am gogoren baba Bethuelakʼ oṛakʼte calakʼme. Ar onḍe tahẽkate am mamaren jãhãeṭakʼ kuṛige baplayem.

Genesis 28:7

Ar Jakob do acʼ go-babawakʼ katha leka Padam-Aramteye calaoena.

Genesis 33:18

Padam-Aram khon oḍok hecʼ tayom Jakob do napaetege Kanan disạm reakʼ Sikem nagrahateye seṭerena. Uni do nagraha sorre tạmbui ṭaṅgaokeda ar tayomte ona jumi do Sikemren apat Hamorren hoponko ṭhen khon mitʼsae rupạ sikạteye kirińkeda.

Genesis 35:26

Learen kạ̃ṛmĩ era Silpạwakʼ kukhire do Gad ar Aser. Jakobren noko hoponko do Padam Aramreko janamlena.

Genesis 46:15

Ar hoponera Dina sudhạ noko do Lea secʼte Jakobren bõsko. Noko do Padan-Aramreko janamlena. Jakobren noko bõsko do jotote pegel pe hoṛko tahẽkana.

Genesis 27:43

Onate beṭa, ińakʼ katha ańjomme. Am do Haran nagrahate ińren boeha Laban ṭhen dạṛme ar amren boehawakʼ raṅgao ạuri cabakʼ hạbicʼ onḍege tahenme.