Genesis 25:18 - সান্তালী বাইবেল

¹⁸ Hạwila khon Sur hạbicʼ okaṭakʼ jaega tahẽkan onḍege uniren bõsko girobasokʼ kan tahẽkana. Ar ona ṭhạ̃i do Misor aṛe, Ạsurte calakʼ horre tahẽkana. Onkoren boeha Isahak bõsrenkoakʼ disạm sorrege onko doko tahẽkana.

Genesis 25:18 Referans Kwoze

Genesis 16:12

Menkhan manwa hoykate hõ uni do bir gadha lekan hoṛe hoyokʼa. Uniren do sanamkoge bạiriko hoyokʼtaea ar eṭakʼko hõ uni do bạiri lekako hudisea. Uni do acʼren boehakoakʼ disạmreye girobasokʼa.”

Genesis 20:1

Tayomte Abraham do Mamre khon Negeb ńutumanakʼ dạkhin hahaṅkar secʼe calao idiyena. Onḍe uni do Kades nagraha ar Sur tala reakʼ mitʼṭecʼ jaegare girobasokʼe ehopʼena. Onḍe khon uni do thoṛa din lạgitʼ Gera nagrahare senkateye tahẽyena.

Sereńko 78:64

Tarwaṛete onkoren ạyurko doe gocʼketʼkoa; ar onkoren rạnḍi maejiuko do ar bako homor halaṅ daṛeada.

2 Rapajko 23:29

Josiạwakʼ rajokʼ oktere Misorren Pharao raj Neko do Asurren raj goṛowae lạgitʼ phurạt gaḍa secʼe senena. Unre Josiạ hõ uni teṅgo darame lạgitʼe oḍok calaoena, menkhan Pharao Neko do uni tulucʼe lạṛhạiyente Josiạ do Megidoreye gocʼocoyena.

1 Samuel 15:7

Sạul do unre Hewila ṭoṭha khon Misor purub secʼ Sur hahaṅkar ṭoṭha hạbicʼ sanam Amalekikoe bhagaoketʼkoa.

Genesis 21:21

Uni do Paran ńutumanakʼ mitʼṭecʼ hahaṅkar ṭoṭhare girobasokʼe ehopʼena. Ar uniren eṅgattetʼ do Misor disạmren mitʼṭen kuṛi sãoteye baplakadea.

Genesis 14:10

Sidim bilạn ṭạnḍire Alkatrate perecʼ aema ghaḍlakʼko tahẽkana. Tinre Sodom ar Gomorren rajko dạṛetʼ tahẽkana unre onko modren adomko do ona alkatra ghaḍlakʼreko ńurena, ar eṭakʼko do buru secʼko dạṛkeda.

Genesis 13:10

Unre Lot do Jordan reakʼ bilạn ṭạnḍire ḍher dakʼko ar jaega hõ mońjgeye ńelkeda, metakʼme Probhu Isorakʼ bagwan leka, ar onka baṅre hõ Soyer calakʼ hor reakʼ Misor leka. Probhu Isor do un hạbicʼ hõ Sodom ar Gomora do bae ḍahao marao akatʼ tahẽkana.

Genesis 10:29

Ophir, Hawila ar Jobab. Noko joto do Joktanren hoponko tahẽkana.

Genesis 10:7

Kusren hopon doko hoyokʼ kana, Seba, Hạwila, Sabta Raema ar Sabteka; ar Raemaren hopon dokin hoyokʼ kana Seba, ar Dedan.

Genesis 2:11

Pạhil gaḍa reakʼ ńutum do Pison. Noa do Hawila disạm beṛhaete ạtu oḍok hecʼ akan tahẽkana. Onḍe do sona ńamokʼkan tahẽkana,

Genesis 21:14

Unre Abraham do ạḍi setakʼre beretʼkate thoṛa jomakʼ ar dakʼte perecʼ mitʼṭecʼ kum Hagare emadete tarenrey ladeadea. Ar ona tayom gidrạ hõ tireye caladete uniye bidạkadea. Hagar do onḍe khon oḍokʼkate Ber-Seba reakʼ hahaṅkarre ạcur baṛaye ehopʼena.

Genesis 16:7

Probhu Isorren goḍet do horre hahaṅkar jaegare mitʼṭecʼ dakʼ bhumbukokʼ ṭhen Hagare ńamkedea. Ona dakʼ jharna do Sur ńutuman mitʼṭecʼ jaegate calakʼ horre tahẽkana.

Exodus 15:22

Tayomte Mose do arakʼ jalapuri khon Israelkoe idiketʼkoa. Onko do pạhilre Sur ńutuman mitʼṭen hahaṅkar jaegareko seṭerena. Ona hahaṅkar jaegare onko do pe din hạbicʼ dãṛã dãṛãte okarehõ dakʼge bako ńamleda.

Jeheskel 23:23

Onko do Babelrenko, sanam Kaldiko, Pekod, Soya ar Koa ar onko sãote sanam Ạsurren hoṛko. Onko do jotogeko napae juạn kanako; ar jotoge disạm cakʼlaoko, subedarko, rãt gạḍi cakʼlaoko, cetan hudạren kạmiyạko ar aswariko tahẽkana.

1 Bõsbudạ 1:23

Ophir, Hawila ar Jobab.