Genesis 25:11 - সান্তালী বাইবেল

¹¹ Abrahamakʼ gujukʼ tayom uniren hopon Isahak do Isorre bhoradea. Ar Isahak do Ber-lahae-roi ṭhen girobasokʼe ehopʼena.

Genesis 25:11 Referans Kwoze

Genesis 22:17

khạṭigeń bhorama, ar sermaren ipilko ar jalapuri reakʼ gitil leka amakʼ bõsrenkoń saṅge ocokoa. Am bõsren hoṛ do akoren bạirikoakʼ nagrahako jitạu joṅa,

Genesis 16:14

Ona iạte Kades ar Bered talare okaṭakʼ kuń menakʼ ona reakʼ ńutum do Ber-lahai-roi kuń hoyena (metakʼme, “Okoeye jiwetʼge ar ińe ńelakadiń uniyakʼ kuń”).

Genesis 24:62

Unre Isahak do Negebreye tahẽkana. Ar niạko dinre uni do Ber-Lahai-roi ńutuman jaega ṭhene senakan tahẽkana.

Genesis 17:19

Unre Isore menkeda, “Amren bạhu Sara do sạrige gidrại hoyokʼtaea, ar uniyakʼ ńutum do Isahakem dohoytaea (metakʼme ‘landa’). Uni ar uni bõsren hoṛko lạgitʼ iń do ińakʼ jaejug hạbicʼ bondobosiń dohoya. Tobe Ismael reaṅ okam menketʼ iń doń ańjomkeda.

Genesis 12:2

Iń do am khon mitʼ maraṅ jạtiń benaokoa. Amiń bhorama ariń maraṅmea amakʼ ńutum do goṭa beṛhae pasnaokʼtama ar am hotete hoṛ do bhorko ńama.

Genesis 50:24

Joseph do acʼren boehakoe metatʼkoa, “Ińakʼ gujukʼ okte do seṭer akana, ar noa do khạṭi kana je, Isor do apeye ạsulpea. Uni do Abraham, Isahak ar Jakob okaṭakʼ disạm emako lạgitʼe gokʼatʼko tahẽkan ona disạmge nonḍe khone idipea.”

Genesis 12:3

Okoe amko bhoram iń hõ onkoń bhorakoa ar okoe amko sarapam onko hõ ińiń sarapakoa. Ar am iạtege dhạrtiren sanam jạtrenko do bhorko ńama.”

Genesis 26:3

Ńitokʼ noa disạmre thoṛa din lạgitʼ tahẽ hataṛokʼme. Ar iń do am sãote tahẽkate amiń bhorama. Noako disạm do am ar am bõsren hoṛkoń emakoa. Ona chaḍa iń do amren baba Abraham ṭhen okań kiriạlen ona hõń disạ dohoya.

Genesis 24:35

Probhu Isor do ińren kisạ̃ṛ ạḍiye bhor akawadea; ar onate ạḍi kisạ̃ṛe hoyakana. Probhu Isor do ạḍi utạr ḍaṅgrako ar bheḍako, sona ar rupạko, guti-kạ̃ṛmĩko, ũṭ ar gadhakoe emakawadea.

Genesis 26:12

Isahak do ona bochorge ona disạmreye cas-abadkeda ar mitʼsae doboṛ phosole ńamkeda. Probhu Isor do uniye bhoradea,

Sereńko 112:2

Uniren bõsko do dhạrtire daṛeanko hoyokʼa; ontorre okoeye khạṭige uniren bõsko do bhorko ńama.