Genesis 24:61 - সান্তালী বাইবেল

⁶¹ Niạ tayom Rebeka ar uniren kạ̃ṛmĩko doko sapṛaoente ũṭre decʼkate Abrahamren guti tayom tayomteko calaoena. Ar nonkate uni guti do Rebeka soṅgekateye oḍokena.

Genesis 24:61 Referans Kwoze

Sereńko 45:10

Ańjomme, E biṭi, moneyakʼme ar luturakʼme; ar amren hoṛ do hiṛińkakome; ar am babawakʼ oṛakʼ reakʼ katha hõ hiṛińkakʼme.

Genesis 2:24

Ona iạte manwa do eṅgat-apat bạgikate acʼren bạhu tulucʼ mitʼ akane tahena ar unkin do mitʼ hoṛmokin hoyokʼa.

Ester 8:14

Rajren khacaṛ sadomkore decʼkate sombat asenko do usạrate rajakʼ hukumanteko oḍokena. Ar Susan gaṛre hõ ona hukum do lại jạhirena.

Ester 8:10

Mordekai do unre Ahasberos raj ńutumte ciṭhikoe olketʼte rajakʼ mundạme chapada. Ar ona tayom do rajren khacaṛ sadomre decʼkate aswarikoakʼ tite ciṭhikoe kolkeda.

1 Samuel 30:17

Unre Dạud do enhilokʼ ạyupʼ bela khon ehopʼkate dosar hilokʼ ạyupʼ hạbicʼ onko sãoteye lạṛhạiyena. Onkoren cele hõ rukhiyạ do bako ńamleda, eken ponsae juạn koṛa do ũṭre decʼkateko dạṛ pạnḍucʼkeda.

Genesis 31:34

Rahel do menkhan onko boṅga murhutʼko ũṭ reakʼ godi latarreye oko dohoakatʼko tahẽkana ar unre uni do ona godi cetanreye duṛupʼ akan tahẽkana. Laban do uniyakʼ tạmbu reakʼ sanam jaegareye sendraketʼkoa menkhan onḍehõ celege bae ńam letʼkoa.

Genesis 24:60

Onko do Rebeka bhoradeteko metadea, “E mạ̃i, am do ạḍi utạr gidrạkoren gogo baṛe hoyokʼme. Amren hoponko jemon bạirikoakʼ sanam nagrahako jitạu daṛeakʼ.”

Genesis 24:62

Unre Isahak do Negebreye tahẽkana. Ar niạko dinre uni do Ber-Lahai-roi ńutuman jaega ṭhene senakan tahẽkana.

Bikʼcạrko 5:30

“Khạṭige onko do luṭakʼ jinisko ńamakada ar ako talareko hạṭiń joṅkana; mimitʼ herel hoṛ lạgitʼ mitʼṭen se barea kuṛi ar Sisera lạgitʼ do nana parkan kicricʼ, tiń galaṅakʼ kicricʼko, hoṭokʼ beṛhaeteakʼ baha galaṅakatʼ kicricʼko noa sanamakʼge cetʼ bako luṭ akada?”

1 Samuel 25:42

Niạ katha roṛkate Abigael do usạrateye sapṛaoena ar mõṛẽ goṭen kạ̃ṛmĩyante gadhare decʼkate Dạudren hoṛko soṅgeteye calaoena. Ar onḍeye seṭeren khan Dạud do uniye baplakedea.