Genesis 24:40 - সান্তালী বাইবেল

⁴⁰ “Uni doe metadińạ, ‘Probhu Isor, okoe doń botoraekan, unige acʼren goḍet am sãoteye kolea jemon amakʼ daṛanrem jo baha daṛeakʼ. Ar nonkate ińren babawakʼ oṛakʼte senkate ińren hoṛko modrenko khon mitʼṭen kuṛi do ińren hopon lạgitʼem bachaoea.

Genesis 24:40 Referans Kwoze

Exodus 23:20

“Okaṭakʼ ṭhạ̃i iń ṭhik dohoakatʼ onḍe idipe lạgitʼ ar horre rukhiyạpe lạgitʼ ape laha lahate iń do mitʼṭen goḍet iń kolekana.

Sereńko 16:8

Probhu Isor do jaoge iń samaṅreń ńelekana; uni do ińakʼ jojomsa aṛere menaete iń doń ṭarhao akana.

Exodus 33:2

Iń do ape laha lahate mitʼṭen serma goḍet iń kolea ar uni do ona disạm khon Kananrenko, Amorirenko, Hittirenko, Pherisirenko, Hiwirenko ar Jebusirenkoe laga ńirkoa.

Genesis 17:1

Abramakʼ umer do tinre are gel are bochor tahẽkana unre Probhu Isor do uni ṭhen ńel ocoyenteye menkeda, “Iń kangeạń sanam daṛean Isor. Am do iń sãote helmel dohoyme ar ińakʼ sana leka calakʼme.

Genesis 5:24

Inạ tayom uni do okare hõ ar bae ńellena. Isor sãote uniyakʼ jopoṛao tahẽkante Isor do acʼ ṭhene idikedea.

Johan sodor 22:16

“Iń Jisuge ińren goḍet iń kol akadea, jemon uni do ape ṭhen manḍerko lạgitʼ noako reaṅ gohae em daṛeakʼ. Ińge Dạud reakʼ rehetʼ ar bõs, ar ḍag ḍagaokʼkan bhurkạ ipil do.”

Ibriko 1:14

Serma goḍetko do cetʼ sanamkoge sapʼsosor Jiuko doko baṅkana? Okoe kại khon bańcaoko ńam onko sapʼsorako lạgitʼge coṅ onko mako kol ocoakan.

Daniel 3:28

Unre Nebukadnesar doe menkeda, “Sedrok, Mesak ar Abed-negoren Isorakʼge sarhao hoyokʼtae ma, okoe do acʼren serma goḍetko kolkate acʼren gutikoe bańcaoketʼkoa. Noko do uni cetanre biswạskatege rajakʼ hukumko bebataoleda ar akoren Isor chaḍa ar jãhãn debota sewawako bodolte gujukʼ hõ rạjigeko tahẽkana.

Sereńko 91:11

ente uni do acʼren goḍetko am reaṅe hukumakoa onko do sanam horkore amko horhomea.

Sereńko 1:3

Uni do ạtukʼ dakʼ aṛere rohoe akan dare leka kanae, one ona do okte nạpitre jokʼkan, ar ona reakʼ sakamko hõ baṅ tolmojokʼ; uni do jotowakʼ kạmiregeye jo bahakʼkana.

2 Rapajko 20:3

“E Probhu Isor, disạime baṛe, am samaṅre oka leka pạtiạrạnicʼ iń tahẽkana ar goṭa ontorte am botoram tulucʼ iń dãṛãnkan tahẽkana ar amakʼ mẽtʼre oka ṭhikakʼkan onageń kạmiyetʼ tahẽkana.” Ar niạ menkate Hiskiạ do hũk hũke rakʼkeda.

1 Rapajko 8:23

Uni doe menkeda, “E Probhu Israelkoren Isor, coṭ sermare se latar otre am lekan cele Isorge bạnukʼkoa. Amren gutiko okoe do mon ar ontorte amakʼ horteko calakʼkan onko do amakʼ asambheṛ dulạṛem udukʼako kana ar bondobosem bandhao akada.

Genesis 48:15

Ona tayom Uni do Joseph bhoradeteye menkeda, “Uni Isor, one ińren hapṛam Abraham ar Isahak do uniyakʼ sanaleka kin calakʼkan tahẽkan, unige ińakʼ jionre pạhil khon teheń hạbicʼ gupiyicʼ lekae ạyur ạguyedeń kana,

Genesis 24:7

Sermaren Probhu Isor do iń ar ińren babawakʼ oṛakʼ duạr ar ińakʼ janam ṭhạ̃i khone oḍok ạgu akadińạ. Uni do iń sãote kathae roṛakada are kiriạ akawạdińa, noa disạm do ińren bõskoe emakoa. Uni do am lahate acʼren goḍet onḍeye kolea jemon hoponińren bạhu hoyokʼ lạgitʼ onḍe khon mitʼṭen kuṛiyem ạguye.

Genesis 6:9

Nohawakʼ jion reakʼ katha. Noha do mitʼṭen dhorom hoṛe tahẽkana. Ar acʼ okteren hoṛko modre uni eskarge dhorom hoṛ doe tahẽkana. Uni do Isor sãote jaoge helmel tahẽkantaea.

Genesis 5:22

Mathusalawakʼ janam tayom pesae bochor hạbicʼ Enok do Isor sãote jopoṛao tahẽkantaea. Onako dinre uniren do arhõ hopon ar hoponerako hoylentaea.

Johan sodor 22:8

Iń Johan do noakoń ańjom akada ariń ńel akada. Ar jotowakʼ ańjom ar ńel tayom, okoeṭakʼ serma goḍet noakoe udukʼ ạdiń, uni sewawae lạgitʼ uniyakʼ jaṅga ṭheniń ombakʼena.

1 Rapajko 2:3

Amren Probhu Isorakʼ sanaleka uniyakʼ horte calakʼme ar Moseyakʼ ạn-ạrire ol akan Probhu Isorakʼ joto niạmko, hukumko, sopolhako ar gohawakʼkom dohoya. Nonkate jãhãnakʼgem kạmi ar jãhãtegem calakʼ onḍegem jo bahakʼa.

Genesis 24:56

Uni guti doe menkeda, “Probhu Isor do ińakʼ noa dãṛãne jo baha ocoakatʼtińạ onate alope aṭkao dohokạńạ. Bidạkạńpe jemon ińren kisạ̃ṛ ṭheniń ruạṛ calao daṛeakʼ.”

1 Rapajko 3:6

Unre Solomone roṛ ruạṛkeda, “Ińren ạpuń amren guti do ḍher pạtiạrem udukʼ akadea, ente uni do amre pạtiạre tahẽkana ar dhorom ar soṛageye tahẽkana. Teheń siṅghạsonre duṛupʼ lạgitʼ am do mitʼṭen hoponem emakawadea ar nonkate amakʼ asambheṛ pạtiạrem udukʼae kana.