Genesis 24:35 - সান্তালী বাইবেল

³⁵ Probhu Isor do ińren kisạ̃ṛ ạḍiye bhor akawadea; ar onate ạḍi kisạ̃ṛe hoyakana. Probhu Isor do ạḍi utạr ḍaṅgrako ar bheḍako, sona ar rupạko, guti-kạ̃ṛmĩko, ũṭ ar gadhakoe emakawadea.

Genesis 24:35 Referans Kwoze

Genesis 24:1

Abraham do unre ạḍiye haṛam akan tahẽkana ar umer hõ ạḍi ḍher hoyakantae tahẽkana. Probhu Isor do sanam secʼ khongeye bhoraekan tahẽkana.

Genesis 13:2

Abram do ạḍi kisạ̃ṛe tahẽkana. Uniren do ạḍi utạr ạsul janwarko ar sona rupạ tahẽkantaea. Tayomte uni do Negeb khone uṭhạuente Bethel hạbicʼe senena. Ar nonkate uni do Bethel ar Ae tala reakʼ ona ṭhạ̃ireye seṭerena one okareye ḍeralen ar pạhilre pinḍe benaoletʼ. Ar uni do onḍe Probhu Isore sewawadea.

Kạhtukko 10:22

Probhu Isor okoeye bhorae uni doe kisạ̃ṛgea; ar ona bhorre jãhãn duk ar kosṭo do baṅ tahena.

Sereńko 107:38

Uni do onkoe bhorako kana ar onate onko do ạḍiko saṅgekʼkana; uni do onkoren ạtiń janwarko bae komao ocoyetʼkoa.

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

Sereńko 18:35

E Probhu Isor amakʼ rurukhiyạ ḍhal do ińem emakawạdińa, ar amakʼ jojom ti doe sapʼ akadińạ; amakʼ joton iạte iń do maraṅiń hoyakana.

Genesis 25:11

Abrahamakʼ gujukʼ tayom uniren hopon Isahak do Isorre bhoradea. Ar Isahak do Ber-lahae-roi ṭhen girobasokʼe ehopʼena.

Genesis 12:2

Iń do am khon mitʼ maraṅ jạtiń benaokoa. Amiń bhorama ariń maraṅmea amakʼ ńutum do goṭa beṛhae pasnaokʼtama ar am hotete hoṛ do bhorko ńama.

1Timothi 4:8

Hoṛmo bhańjaore porho do ńamokʼgea, menkhan Isor bhokti do joto secʼ khon porhowanakʼ kana; onare do nahakʼ reakʼ ar darakan jion reakʼ as menakʼa.

Sereńko 112:3

Uniyakʼ oṛakʼre do dhon duribko tahena; uniyakʼ dhorom do jaejug hạbicʼ tahena.

Jobakʼ 1:3

Ar eae hajar bhiḍiko, pe hajar ũṭko, mõṛẽsae joṛa ḍaṅgra ar mõṛẽsae gadhako tahẽkantaea. Purub disạmren hoṛko modre unige jotoko khon kisạ̃ṛgeye tahẽkana.

Genesis 49:25

Am apatren Isor do ame goṛowama. Sanam daṛean Isor do serma khone bhorama ar ot latar khon jharna reakʼ ạsirbade emama. Ar maejiuakʼ kukhire gidrại emokʼte uniyakʼ toa reakʼ bhorte uni do ame bhorama.

Genesis 12:16

Sạri iạte Pharao do Abram sãote mońj beohare ehopʼkeda. Ar Abraham do bhiḍiko, ḍaṅgrako, gadhako, ũṭko, guti ar kạ̃ṛmĩkoe ńamketʼkoa.

Kạhtukko 22:4

Nindhạnokʼ ar Probhu Isor botorae reakʼ kuṛại do dhon man ar jione ạguiya.

Luk 12:45

Menkhan uni sordar do acʼakʼ monreye menle khan, ‘ińren kisạ̃ṛ do hijukʼe bilomeda.’ Ar unre uni do sãoten guti ar kạ̃ṛmĩkoe dalkote jom-ńũkate bulokʼe ehobokʼ.

Genesis 12:3

Okoe amko bhoram iń hõ onkoń bhorakoa ar okoe amko sarapam onko hõ ińiń sarapakoa. Ar am iạtege dhạrtiren sanam jạtrenko do bhorko ńama.”

Genesis 25:5

Abraham do acʼakʼ sanam dhon sompotti Isahake em oṭoade tahẽkana.

Genesis 30:43

Ar Jakob do nonkate ạḍiye kisạ̃ṛena. Uniren mĩhũ-merom, ũṭ, gadha ar guti kạ̃ṛmĩko hõ ḍherko saṅge idiyena.