Genesis 23:17 - সান্তালী বাইবেল

^17-18 Mamre nagraha ṭhen Makpelare Ephronakʼ oka jumi tahẽkan ona jumi ar ona reakʼ dander ar jumi beṛhaeteakʼ dareko do Abraham ṭhen sompotti lekateye ạkhrińkeda. Ar okoe Hethrenko nagraha reakʼ phaṭok duạr ṭhenko tahẽkan onko samaṅrege uni do onae kirińkeda.

Genesis 23:17 Referans Kwoze

Genesis 50:13

Onko do uniyakʼ mạ̃ṛĩ Kanan disạmteko idikeda ar Mamre ṭhenakʼ Makpela reakʼ dander ṭhen uniko topakadea. Topa ṭạnḍi benao iạte jumi sudhạ noa danderge Abraham do Hitti Ephron ṭhen khone kirińleda.

Genesis 25:9

Mamre nagraha reakʼ purub secʼ Sohar hopon Ephronakʼ jumire Makpela reakʼ danderre acʼren hopon Isahak ar Ismael do unikin topakadea.

Genesis 23:20

Nonkate Makpela reakʼ ona dander sudhạ jumi do topa thạ̃i lekate Hethrenko ṭhen khon Abrahamakʼ tire hecʼena.

Aposkạmi 7:16

Ar onkoakʼ mạ̃ṛĩko do Sikemre idikateko topakada. Noa mạ̃ṛĩ poḍa Abraham do Sikem nagraharen Hamorren hoponko ṭhen khone kirińleda.

Kolossiko lạgitʼ Pạul Apostolakʼ ciṭhi 4:5

Okoe Isorren hoṛko baṅkan onko tulucʼ do akel salakʼ colonpe ar Mạsi reaṅ goha em reakʼ ạtko kạmire lagaope.

Ephesiko lạgitʼ Pạul Apostolakʼ ciṭhi 5:15

Ape cetʼlekape calakʼkan ona reaṅ mońjte hudiskate ńelpe. Bebuj hoṛko leka baṅ calaokate akelanko leka baṛe calakʼpe.

Mathae 10:16

“Ńelpe, iń do hunḍạrko talare bhiḍiko lekań koletʼpea. Onate biń leka husiạrokʼpe ar parwa leka soṛa hoyokʼpe.

Sereńko 112:5

Okoe dayate pańcae emokʼkan ar dhoromte jotowakʼe kạmikan uniyakʼ bhạlại do hoyokʼgea.

Genesis 47:30

ente iń do ińren hapṛamko talare topa ocokʼiń khojkana. Am do ińakʼ mạ̃ṛĩ Misor disạm khon oḍokkate ińren hapṛamko okareko topa ocoakan onḍe idikatem topayińạ.” Josephe menkeda, “Iń do amakʼ katha lekageń kạmiya.”

Genesis 25:10

Noa jumige uni do Hittiko ṭhen khone kiriń hataoleda. Ar nonḍege acʼren bạhu Sara ar acʼ hõe topa ocoakana.

Jobakʼ 38:20

Am do cetʼ onkoakʼ oṛakʼte onkoakʼ tahen ṭhạ̃ite onkom idi daṛeakoa? Onkoakʼ oṛakʼ calakʼ reakʼ hor do cetʼem baḍaegea?