Genesis 21:33 - সান্তালী বাইবেল

³³ Abraham do Ber-Sebare Probhu Isor, metakʼme okoe do etohopʼ ar ses bạnukʼtae uni Isore sewawadea. Ar onḍe do mitʼṭecʼ jhão dareye rohoekeda.

Genesis 21:33 Referans Kwoze

1Timothi 1:17

Okoe doe jaejugren rajkan, okoe doe bin maraokʼicʼkan ar one okoe do bae ńelokʼkan, uni mitʼ Isorakʼ man ar ṭhonokge jug cetan jug hoyokʼtae ma. Amen.

Jesaea 40:28

Aben do cetʼ baben baḍaea? Aben do cetʼ baben ańjomakada? Probhu Isor okoe doe jaejugren Isorkan, okoe do dhạrti reakʼ mucạtʼ simạko hõe benao akatʼ, uni do bae laṅgakʼa, ar bae nijorokʼa, uniyakʼ ạkil reakʼ khạndritetʼ do celehõ bako jokha daṛeakʼa.

Sereńko 90:2

Buru boṭkocʼ ạuri sirjạukʼre, dhạrti ar pirthimi ạuri sirjạukʼre, ona laha khon jaejug hạbicʼ am kangeam Isor do.

Jirimiạ 10:10

Menkhan Probhuge sạriyakʼren Isor kanae; uni doe jiwetʼgea ar jaejugren raj kanae. Uniyakʼ edrete dhạrti do thar tharaokʼa; jạt jạtrenko uniyakʼ edre do bako sahao daṛeakʼa.

Romiko lạgitʼ Pạul Apostolakʼ ciṭhi 16:26

menkhan ńitokʼ bhage sombat hotete ona do sodorakana ar ona lekage iń hõń porcareda. Ar jaejugicʼ Isorakʼ hukum leka nạbikoakʼ olakʼ hotete sanam jạtren hoṛko ṭhen ona do baḍae ocoakana, jemon onko do Mạsireko pạtiạukʼte Isorren bataokoko hoydaṛeakʼ.

Genesis 12:8

Ar ona tayom onḍe khon Bethel nagraha reakʼ purub secʼre menakʼ buru ṭoṭha secʼe calao idiyena ar pạchimre Bethel ar purubre Ae nagraha reakʼ tala jaegareye ḍerayena. Uni do Probhu Isor lạgitʼ onḍe hõ mitʼṭecʼ pinḍe benaokeda ar Probhu Isore sewawadea.

Genesis 4:26

Ar Sethren do mitʼṭen koṛa hopone janamena. Uniyakʼ ńutum do Enose dohoketʼtaea. Ar unkhon hoṛko do Probhu Isorakʼ ńutum manotko ehopʼkeda.

Dosar Biboron 33:27

Okoe doe jug hilokʼren Isorkan unige amren asarae do; acʼakʼ jaejug reakʼ tite uni do ame sapʼ dohokama. Am samaṅren sanam bạiriko uni doe laga ńirkoa; are mena, ‘noko mohor meṭaokom.’

Romiko lạgitʼ Pạul Apostolakʼ ciṭhi 1:20

Isorakʼ oka gun mẽtʼte baṅ ńelokʼkan, metakʼme uniyakʼ jaejug reakʼ daṛe ar uniyakʼ Isortetʼ do sirjon reakʼ etohopʼ khonge pusṭạute sodorgea. Uniyakʼ sirjon khonge manwa do bes okocʼte onako ńel oromeda arko bujhạu daṛeakʼkana. Niạ tayom manwakoakʼ ar jãhãn ạnḍuṅteakʼ do oho tahẽlena.

Amos 8:14

Onko okoe Samariạren boṅga ńutumte kiriạkateko men, ‘E Dan, amren jiwetʼicʼ debota ńutumtele kiriạkʼkana se, ‘Ber-sebaren jiwetʼicʼ debota ńutumtele kiriạkʼkana,’ onko doko bhindạṛokʼa, ar tishõ bako beretʼa.”

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Bikʼcạrko 3:7

Ar Israelko do Probhu Isorakʼ mẽtʼre oka bạṛicʼakʼkan onage kạmiko ehopʼena. Onko do akoren Probhu Isorko hiṛińkedete Bakʼal debota ar Asera debi sewawaeko ehopʼena.

Dosar Biboron 16:21

“Aperen Probhu Isor ńutumte pinḍpe benaore ona pantere sekʼwae lạgitʼ Asera khunṭi reakʼ jãhãn kaṭko alope bitʼjoṅa,

Genesis 26:33

Isahak do ona kuń reakʼ ńutum Sibae dohokeda (metakʼme “Kiriạ”). Ona iạte teheń hõ ona nagraha reakʼ ńutum do Ber-seba tahẽyena.

Genesis 26:25

Unre Isahak do onḍe mitʼṭecʼ pinḍe benaokeda ar Probhu Isore sewawadea. Onḍege uni doe ḍerayena ar acʼren gutiko mitʼṭecʼ kuńko lakeda.

Genesis 26:23

Tayomte Isahak do onḍe khone oḍokente Ber-sebateye calaoena.

Ibriko 13:8

Jisu Mạsi do hola cetʼlekae tahẽkan, teheń hõ onkage menaea ar jaejug hạbicʼ hõ onkageye tahena.

Genesis 21:32

Ber-sebare noa bondoboskin bandhaoketʼ tayom Abimelek ar acʼren maraṅ senapoti Pikol do ạkinakʼ disạm, metakʼme Philistikoakʼ disạmtekin ruạṛ calaoena.

Exodus 15:18

E Probhu Isor, jaejug hạbicʼ amgem rajokʼa.”

Dosar Biboron 32:40

Iń do serma secʼ ti tiạr kateń meneda, jaejugiń jiwetʼ leka iń meneda,

Sereńko 93:2

Pạhil khonge amakʼ siṅghạson do teṅgo ṭarhao akana; ar am do jaejug khonge menama.

Habakkuk 1:12

E Probhu, ińren Isor, ińren sonoticʼ, am do cetʼ jaejug tahenkạnicʼ dom baṅkana? Ale do ohole marao utạrlena. E Probhu Isor, ale sạjạile iạtege am do Babelrenkom bachao akatʼkoa; E asray buru, ale sạjạile lạgitʼge onko dom teṅgo akatʼkoa.