Genesis 20:6 - সান্তালী বাইবেল

⁶ Isor do kukmũ talate uniye metadea, “Hẽ, ińiń baḍaegea sojhe montege noam kạmiakada. Ar ona iạtege uni do bạń joṭetʼ ocoakatʼmea ar iń upạrte kại khoniń aṭkao akatʼmea.

Genesis 20:6 Referans Kwoze

1 Samuel 25:34

Amakʼ loksan khon okoe do sạṅgińreye doho akadiń uni Israelren jiwetʼ Isor ńutumte kiriạkateń meneda, usạrate hecʼkate iń sãote bam ńapamlen khan setakʼ hạbicʼ Nabalakʼ oṛakʼren cele herel hoṛge jiwetʼ do bako tahẽkokʼa.”

1 Samuel 25:26

“E ińren mạlik, jiwetʼ Probhu Isor ńutumte ar am ńutumteń kiriyạkʼ kana, amren bạiriko ar okoe do amakʼ loksan lạgitʼko kurumuṭui onkoakʼ dosa do Nabal leka hoyokʼtakoa, ente Probhu Isor do apnar tite hala hạli reakʼe akoṭ akatʼmea.

Kạhtukko 21:1

Probhu Isorakʼ tire rajakʼ mon do gaḍa dakʼ leka; Probhu Isor jãhã secʼge monae ontegeye mohnaḍayede kana.

Genesis 35:5

Ona tayom onko doko mohnḍayena. Onkoakʼ calakʼ horre Isor do aḍe pase nagraharen hoṛko talare nonkan mitʼṭecʼ botore rakapʼ ocokeda ar onate Jakobren hoṛ do celege bako khudạuletʼkoa.

Genesis 31:7

menkhan uni doe eṛe akadińạ ar gel dhao ińakʼ betone bodol akatʼtińạ. Menkhan, Isor do ińakʼ jãhãnakʼ bae loksan ocoakatʼtińạ.

2 Thessalonikiko 2:7

menkhan okoe uniye akoṭ dohoakade uni ạuriye ocogokʼ hạbicʼ akoṭetegeye tahena. Ar ona tayom do uni nonosṭoren hopone sodorokʼa.

Sereńko 84:11

Sạrige Probhu kangea siń cando ar ḍhal do; uni do daya ar ṭhonoke emokʼkana. Okoe dhoromteko calakʼ onko do bhage jisin emako uni do bae baṅakoa.

Exodus 34:24

Disạm talaren sanam jạtrenko do ape samaṅ khoniń laga ńirkoa ar apeakʼ disạm reakʼ simạnakoń baṛhao ocoytapea. Bochorre pe dhaokate tinre aperen Probhu Isor samaṅrepe hạjirokʼa unre okoehõ apeakʼ jaega jumi cetanre laloc alope dohoya.

2 Korinthiko 6:17

Arhõe meneda, “Onate ape do be pạtiạuko tala khon oḍok hijukʼpe ar begarokʼpe. Ar jãhãn besaphawakʼko alope joṭeda, enḍekhan ińgeń ataṅ darampea.”

Sereńko 81:12

Ona iạte onkoakʼ mon do kạṭhuạ lekageń dohokatʼtakoa, jemon onko do akoakʼ kusi lekako calao daṛeakʼ.

Sereńko 51:4

Am upạrte, hẽ eken am upạrtegeń kại akada ar am mẽtʼãhã samaṅre okaṭakʼ bạṛicʼakʼkan onageń kạmi akada. Onatege amakʼ roṛ do dhoromgea ar amakʼ bicạr hõ nikhutgea.

Genesis 39:9

Noa oṛakʼre iń cetante ar celege bạnukʼkoa. Ar am do uniren bạhu kanam, onate eken am chaḍa ar sanamkoge iń tabereye dohoakatʼkoa. Ar iń do cekate nonkan bạṛicʼ kạmiń kạmite Isor upạrteń kại daṛekea?”

Genesis 20:18

Abrahamren bạhu Sara iạte Probhu Isor do Abimelekakʼ oṛakʼren sanam maejiukoakʼ kukhiye bondletʼtako tahẽkana.

2 Thessalonikiko 2:11

Onate Isor do onko ṭhen nonkan mitʼṭecʼ daṛeye kola onate bhul horteye idikoa, jemon eṛeakʼreko pạtiạukʼ.

1 Korinthiko 7:1

Ape okako reaṅpe ol akawạdiń, ona reakʼ roṛ ruạṛiń emape kana. Okoe bae baplakʼ enḍekhan uni doe bhageyetʼgea;

Genesis 26:11

Noa tayom Abemelek do sanam hoṛko lạgitʼ mitʼṭecʼ kajak hukume emena, jãhãege Isahak se uniren bạhu cetanre tiye lagao uni do khạṭigeye gocʼ ocokʼa.

Genesis 3:3

Menkhan tala bagwanre oka dare menakʼ ona reakʼ jo jojom do managetalińạ. Isor doe menakada, ‘ona dare reakʼ jo do joṭetʼ hõ alo ben joṭeda, ar jom hõ aloben joma. Ar ben onkale khan khạṭige ben gujukʼa.’ ”

Mathae 27:19

Ado Pilạt tinre bicạr duṛupʼakʼreye duṛupʼ akan tahẽkana unre uniren oṛakʼ hoṛ do kathae roṛgotʼkada, “Uni dhoromicʼ do jãhãnakʼ alom cekayea, ente uni iạte teheń kukmũte ạḍi duk iń ńam akada.”

Genesis 31:24

Menkhan Isor do ńindạ jokhecʼ kukmũte Labane metadea, “Sontorokʼme! Jakob do boge-bạṛicʼ jãhãnakʼ cetʼge alom metaea.”

Kạhtukko 6:29

Okoe hoṛ eṭakʼ maejiu ṭhene bolokʼ uniyakʼ dosa do onkage hoyokʼtaea; ar uni do jãhãe maejiugeye joṭede enḍekhan sạjại doe ńamtegea.