Genesis 20:16 - সান্তালী বাইবেল

¹⁶ Ona tayom uni do Sarae metadea, “Ńelme, iń do amre okań behok akatʼ ona jemon amren hoṛko samaṅre danaṅge tahen onate amren jãwãe do mitʼ hajar rupạń emaekana. Noate sanamko samaṅre sạbudokʼa, am do jãhãnakʼ bam dos akada.”

Genesis 20:16 Referans Kwoze

Kạhtukko 27:5

Jãhãe ame dulạṛme ar ona bae sodor, ona khon bickom jãhãe amakʼ dosko sodorteye udukʼam onage bhagea.

Genesis 20:5

Uni maejiu ma acʼgeye menakawạdińa, acʼ do uni hoṛren miserat kanae, ar uni hoṛ do acʼren dadattetʼ kanae. Onate iń do sojhe hudiste noań kạmiakada; ona chaḍa ińakʼ colonre jãhãn dosge baṅ tahẽkana.”

Genesis 24:65

Ona tayom uni do gutiye kulikedea, “Bilạn ṭạnḍi talateye hijukʼkan uni koṛa doe okoekana?” Uni guti doe roṛ ruạṛkeda, “Uni kangeae ińren kisạ̃ṛ do.” Noa katha ańjomkate Rebeka do oyonakʼteye poṭomena.

Johan sodor 3:19

Okoeyiń dulạṛetʼko, onkoge doskoń udukʼakoa ariń ḍanṭaokoa. Onate noa khon mon ạcur lạgitʼ ahkaokʼme.

Jona 1:6

Unre jahajren cakʼlaoicʼ do Jona ṭhen senkateye metadea, “Cekate galasaṅem jạpitʼ akada? Ma beretʼme ar amren debota hohoaeme. Pasere pase uni do aboe beṅgetʼ abon ar onatebon bańcao daṛekokʼ.”

Kạhtukko 25:12

Sona reakʼ pagra se bhage sona reakʼ abhran cetʼleka, onka kangea ạkilan hoṛkoakʼ nisṛạu katha do.

Kạhtukko 12:1

Okoe hoṛ ḍanṭaoe kusiyakʼ uni do ạkile dulạṛeda, menkhan okoe samka sạṭi reakʼ kathae kurudakʼ uni doe orlogea.

Genesis 26:11

Noa tayom Abemelek do sanam hoṛko lạgitʼ mitʼṭecʼ kajak hukume emena, jãhãege Isahak se uniren bạhu cetanre tiye lagao uni do khạṭigeye gocʼ ocokʼa.

Genesis 20:17

Noa tayom Abraham do Isor ṭhene koeyana. Onate Isor do Abimelek, ar uniren bạhu ar uniren eṭakʼ maejiukoe bogeketʼkoa. Noate onko do gidrạ janamko reakʼ daṛeko ńam ruạṛkeda.