Genesis 20:15 - সান্তালী বাইবেল

¹⁵ Ar Abrahame metadea, “Ńelme, ińakʼ goṭa disạmge am samaṅre menakʼa. Jãhãregem kusikʼ onḍege am dom girobas daṛeakʼa.”

Genesis 20:15 Referans Kwoze

Genesis 34:10

Ape do ale talare girobasokʼpe. Ente goṭa disạm do ape samaṅrege menakʼa. Nonḍege tahenpe, ar apeakʼ kusi leka dãṛã baṛaepe ar dhon sompottiren mạlik hoyokʼpe.”

Genesis 13:9

Goṭa disạmge am samaṅre menakʼa. Onate dela, laṅ begarlenge. Am do leṅga secʼem bachaoan khan iń do jojom secʼ iń calakʼa ar jojom secʼem bachaoan khan iń do leṅga secʼ iń calakʼa.”

Genesis 47:6

Ar goṭa Misor disạmge am samaṅre menakʼa. Onate disạm reakʼ joto khon bhage utạrakʼ jaegare am baba ar boehatam girobasokʼ lạgitʼ jaega emakom. Onko do Gosenreko girobasokʼma. Ar onko modre lek lekan hoṛko ńamlen khan onko cetanre ińren mĩhũ-merom reakʼ bhar hõń emakoa.”

Jirimiạ 40:4

Menkhan teheń iń do amakʼ ti reakʼ tonol baber khoniń chaḍaoketʼmea. Amem khoj khan iń sãote Babeltem sen daṛeakʼa, iń do amiń ńel sãohamea; ar iń tulucʼ calakʼ bam menetʼ khan alom calakʼa. Ńelme, goṭa disạmge am samaṅre menakʼa; amakʼ kusi lekam tahẽ daṛeakʼa.”

Genesis 42:34

ar aperen huḍiń utạricʼ boeha iń ṭhen ạguiyepe. Enḍekhan iń bujhạu daṛeakʼa, disạm cikʼyạko dope baṅkana menkhan bhage hoṛ kanape. Unre aperen boeha do ape ṭheniń ruạṛkaea, ar noa disạmrepe bạnij bepar daṛeakʼa.’ ”