Genesis 2:17 - সান্তালী বাইবেল

¹⁷ menkhan boge-baṛicʼ dare reakʼ jo do alom joma, ente oka hilokʼ ona dare reakʼ joyem joma enhilokʼ am do khạṭigem gujukʼa.”

Genesis 2:17 Referans Kwoze

Romiko lạgitʼ Pạul Apostolakʼ ciṭhi 6:23

Kại reakʼ kuṛại do moron kana, menkhan Isorakʼ daya dan do aboren Probhu Mạsi hotete jaejug jionge.

Jakob 1:15

Ona tayom bạṛicʼ sana purạulen khan kạiye janama, ar kại perecʼlen khan gujukʼe janam ocoya.

Genesis 3:19

Ar okaṭakʼ hasatem benao ocoakan ona hasate ạurim ruạṛ calakʼ hạbicʼ bohokʼ reakʼ balbal dakʼ do jaṅgare ńurokʼtama arem joma. Amakʼ noa dhuṛi reakʼ hoṛmo do dhuṛitege ruạṛ calakʼtama.”

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sekʼwako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

Kolossiko lạgitʼ Pạul Apostolakʼ ciṭhi 2:13

Kại ar bin khatna iạte ape do gocʼgepe tahẽkana, menkhan Isor do Mạsi sãoteye jiwetʼketʼpea. Uni do aboakʼ joto ghạṭkoe ikạketʼ tabona,

1Timothi 5:6

Menkhan okoe rạnḍi maejiu acʼakʼ kusi leka jione khemaoetʼkan uni do jiwetʼ menaere hõ gocʼicʼ lekae hoyakana.

Galathiko lạgitʼ Pạul Apostolakʼ ciṭhi 3:10

Sonot sostorre olakana, “Sarapanicʼ kanae uni do, one okoe ạn-ạri reakʼ mimitʼ hukumko leka bae senokʼkan.” Enḍekhan ńelokʼ kana, ạn-ạrire bhorsakʼkan sanamkorege noa sarap do menakʼa.

1 Korinthiko 15:22

Adam tulucʼ mitʼakante cetʼleka sanam manwageko gujukʼkan, onkage Mạsi tulucʼ mitʼakanko do jotogeko jiwetʼ beretʼ ocokʼa.

1 Johan 5:16

Jãhãege acʼren boeha nonka kạkạikane ńel lekhan one okaṭakʼ do gujukʼ senakʼ baṅkan, enḍekhan uni do Isor ṭhene koejoṅ ma ar onate uni do jiwetʼe dohoyea. Iń do nonḍe onkoakʼ kathageń roṛeda one okoe doko kạiyetʼkan, menkhan onkoakʼ kại do gujukʼ senakʼ do baṅkan. Menkhan gujukʼ senakʼ kại hõ menakʼgea. Ona reaṅ nehõrape reakʼ katha do bạń metapekana.

1 Korinthiko 15:56

Gujukʼ reakʼ suṅgạ do kại kana, ar kại reakʼ daṛe do Moseyakʼ ạnkoge.

Romiko lạgitʼ Pạul Apostolakʼ ciṭhi 1:32

Isorakʼ bicạr reakʼ katha mońjtegeko baḍaea je, okoe nonkanakʼko kạmi onko do gujukʼ sạjại lek kanako mente. Ar noa katha baḍaekate hõ eken niạgeko kạmikana ona do baṅ, bickom eṭakʼko hõ onkan kạmi lạgitʼko sãhãkʼako kana.

Jeheskel 18:32

Okoeyakʼ gujukʼtehõ iń do bạń kusikʼ kana. Ape do mon ạcurkate bańcaokʼpe. Iń Probhu Isorge noa katha doń meneda.”

Genesis 3:17

Ona tayom uni do Adame metadea, “Okaṭakʼ dare reakʼ jo jojomiń manaletʼme amren bạhuakʼ kathate onam jom akatʼte am iạte ot hõ ot sarapanakʼ hoyena. Am do goṭa jiongem khaṭaokʼa ar hasa reakʼ phosolem joma.

Genesis 3:11

Unre Probhu Isore menkeda, “Amem uluṅge ona do okoeye lạiyakatʼmea? Am do cetʼ oneń manaletʼme dare reakʼ joyem jom akada?”

Ephesiko lạgitʼ Pạul Apostolakʼ ciṭhi 5:14

ente marsalge jotowakʼe sodoreda. Onate sonot sostorre olakana, “Ebhenokʼme E jạpitʼ akatʼicʼ, ar gocʼko khon beretʼme; khan Mạsiye marsalama.”

Romiko lạgitʼ Pạul Apostolakʼ ciṭhi 6:16

Ape do cetʼ bape baḍaea, golam leka jãhãeakʼ gobolrepe tahen ar uniyakʼ hukumkope bataotae enḍekhan uniren golamkope hoyokʼ kana mente? Onkage ape do kạiren golam hoyokʼtepe gujukʼa, ar baṅkhan Isorren golam leka dhoromakʼkope kạmiya.

Jeheskel 33:8

Iń do tinre jãhãe bedhorom hoṛiń metae, ‘Eya bedhoromicʼ, am do khạṭigem gujukʼa,’ ar am do bạṛicʼ hor khon ạcur ruạṛokʼ lạgitʼ uni bam sontore, enḍekhan uni bedhorom hoṛ do acʼakʼ ghạṭ iạteye gujukʼa menkhan uniyakʼ gujukʼ lạgitʼ do amgeń dạyimea.

Jeheskel 18:4

Jiwetʼ sanam hoṛge ińren kanako, apat ar hopon banarge ińren kanakin. Jãhãegeye kại unigeye gujukʼa.

Johan sodor 20:14

Tayomte moron ar patal puri do seṅgel reakʼ doreão rekin khadle ocoyena. Noa seṅgel reakʼ doreãore ńurokʼge hoyokʼ kana dosar gujukʼ. Ar okoeyakʼ ńutum ona jion reakʼ puthire baṅ ńamlen, onko do seṅgel reakʼ doreãoreko khadle ocoyena.

Romiko lạgitʼ Pạul Apostolakʼ ciṭhi 8:2

Jionren mạlik sonot Jiu reakʼ niạmge Jisu Mạsi hotete kại ar gujukʼ reakʼ niạm khone chaḍao akadińạ.

Johan sodor 2:11

Ańjom lạgitʼ lutur menakʼtae hoṛ doe ańjom ma, sonot Jiu do manḍerrenko cetʼe metakokana mente. “Jitạukʼicʼ do dosar gujukʼte ohogeye hạ̃nlena.

Jeheskel 33:14

Iń do mitʼṭen bạṛicʼ hoṛiń metae, ‘am do khạṭigem gujukʼa,’ menkhan uni do kại khon ruạṛkate dhorom ar bhageakʼkoe kạmi,

Dosar Biboron 30:19

“Teheń serma ar ot do ape upạrteń goha ocoyetʼkinạ, iń do jion ar moron, bhor ar sarapge ape samaṅreń dohoakada. Jionge bachao joṅpe, jemon ape ar aperen hopon ar hoponerako jiwetʼpe tahen ar aperen Probhu Isorpe dulạṛete uniyakʼ kathape ańjom ar unirepe sapʼ kajak akae tahen, ente noakorege apeakʼ jion do menakʼa. Ar okaṭakʼ disạm emape lạgitʼ aperen hapṛam Abraham, Isahak ar Jakob ṭhene kiriạlen onḍegepe girobasokʼa.”

Dosar Biboron 30:15

“Ńelpe, teheń ape samaṅre okań sodoretʼ ona do Jion se bhạlại ar Gujukʼ se bin bhạlại reakʼ kangea.

Jeheskel 18:13

uni do sudte ṭaka dhare emokʼkan ar bạ̃ṛti sude hataoetʼkan, enḍekhan uni hopon do cetʼ jiwetʼe tahena? Uni do jiwetʼ bae tahena. Uni do noa hirkhạwakʼe kạmi akatʼte khạṭigeye gujukʼa. Uni do acʼakʼ gujukʼ lạgitʼ apnarge dạyireye paṛaokʼa.

1 Rapajko 2:42

Unre raj do Simai hoho ạgukedeteye metadea, “Iń do cetʼ Probhu Isor ńutumte kiriạkate bạń sontorletʼmea, oka hilokʼem oḍokokʼa enhilokʼ do khạṭigem gujukʼa mente? Unre am do ińem metadiń tahẽkana bhagegem roṛakada ar ona lekageń senokʼa.

1 Samuel 14:39

Israelkoren babańcaoicʼ jiwetʼ Probhu Isor ńutumteń kiriạkʼ kana, ińren hopon Jonathan hõ onae onka akatʼ khan khạṭige uni hõ gujukʼ hoyokʼtaea.” Menkhan hoṛko do jotoge hape akanko tahẽyena.

Dosar Biboron 27:26

‘Sarapangeae uni hoṛ, okoe do noa ạn-ạri reakʼ mimitʼ hukumko leka bae senokʼkan ar ona reakʼ daṛe bae aṅgocetʼkan.’ Unre sanam hoṛko mena, ‘Amen.’

Numeri 26:65

Probhu Isor do noko Israeko reaṅgeye menleda, onko do khạṭige hahaṅkarreko gujukʼa. Onko modre Jephunren hopon Kaleb ar Nunren hopon Josuạ chaḍa ar okoe hõ jiwetʼ do bako tahẽkana.

Genesis 20:7

Ńitokʼ do acʼren jãwãe ṭhen idi ruạṛkaeme. Uni do mitʼṭen nạbi hoṛ kanae. Uni do am lạgitʼe koeya, ar onate amakʼ jiwi do rukhiyạkʼtama. Menkhan jodi uni bam ruạṛkae, enḍekhan disạime, am ar amren hoṛ sanamgeko gujukʼa.”

Genesis 2:9

Ar onḍe uni do nonkanakʼ darekoe janam ocokeda one oka do ńelokʼte mońj ar onako reakʼ joko hõ sebelge tahẽkan. Ona chaḍa bagwan talare uni do “Jion dare” ar “Boge bạṛicʼ dare” ńutumanakʼ barea dare hõe janam ocokeda.

Johan sodor 20:6

Menkhan ona hajar bochor ạuri purạukʼ hạbicʼ sarecʼ akan gocʼ hoṛ do bako jiwetʼlena.

Jirimiạ 26:8

Menkhan Probhu Isorakʼ hukum leka Jirimiạ do sanamakʼe lại sạtketʼ khan naekeko, nạbiko ar sanam hoṛko do uni sapʼkedeteko metadea, “Am do gujukʼtege hoyokʼtama.

1 Samuel 22:16

Menkhan raje menkeda, “E Ahimelek, am ar ạpumakʼ bõsren sanam hoṛ do khạtige gujukʼ hoyokʼtapea.”

1 Samuel 20:31

Tinạkʼ din Jisạiren hopon niạ dhạrtire jiwetʼe tahen unạkʼ din am do bam ṭarhao tahena, ar amakʼ rajosṭi hõ baṅ ṭikạu tahena. Onate ńitge hoṛ kolkate iń ṭhen ạguiyem, uni do gujukʼtege hoyokʼtaea.”

1 Samuel 14:44

Sạule menkeda, “Hẽ Jonathan, am do gujukʼtege hoyokʼtama. Isor do am sạjạiye emamma, ar khạṭige sạjạiye emama.”

1 Rapajko 2:37

Ar oka hilokʼ onḍe khon oḍok kate kedron nalam paromokʼa enhilokʼ baḍaeme, am do khạṭigem gujukʼa; amakʼ mãyãm reakʼ dos do amakʼ bohokʼ cetanrege paṛaokʼa.”

Bikʼcạrko 3:2

Israel hoponko okoe do tishõ bako lạṛhại akan onkoakʼ lạṛhại babotre cetʼako lạgitʼ uni do noae nonkaleda.