Genesis 19:38 - সান্তালী বাইবেল

³⁸ Ar huḍińicʼ kuṛiren hõ mitʼṭen koṛa gidrại hoyena, ar uniyakʼ ńutum do Ben-amine dohoketʼtaea (metakʼme, “Iń bõsren hopon”). Uni do ńitokʼren Amonikoren janam data kanae.

Genesis 19:38 Referans Kwoze

Dosar Biboron 2:19

Menkhan ape do tinre Amonrenko ṭhenpe seṭerokʼa unre onko do alope ạṛiskoa se lạṛhại lạgitʼ alope uskạukoa, ente Amonrenkoakʼ disạm reakʼ okaṭakʼ hĩs hõ ape do bạń emapea. Ona do Loṭ bõsrenko sompotti lekateń em dohoakatʼkoa.’ ”

Jesaea 11:14

Unkin do pạchim secʼ khon Philisṭikoakʼ disạm reakʼ daṛaṅ jaegare hatkin lagaoa, ar mitʼ sãote purub secʼakʼ disạmkin luṭa. Unkin do Edom ar Moabkin dokhol joṅa ar Amonrenko do unkin gobolrenko hoyokʼa.

Bikʼcạrko 10:6

Israel hoponko do arhõ Probhu Isorakʼ nońjorre oka bạṛicʼakʼkan onage kạmiko ehopʼena. Onko do Bakʼal debotako ar Astarot debiko ar Aramrenko, Sidonrenko, Moabrenko, Amonrenko ar Philisṭikoren debotako sewawakoko ehopʼena. Nonkate Israelko do Probhu Isorko bạgikedete ar bako sewawadea.

Dosar Biboron 23:3

“Jãhãe Amoni se Moabi hõ Probhu Isorakʼ manḍerre bae seletʼ daṛeakʼa; gelpon piṛhi hạbicʼ uniren cele hõ manḍerre bako bolo daṛeakʼa.

Dosar Biboron 2:9

Ona tayom Probhu Isor do ińe metadińạ, ‘ape do Moabrenko alope buskokoa se lạṛhại lạgitʼ hõ alope uskạukoa, ente onkoakʼ disạm reakʼ oka hĩsge ape do bạń emapea. Iń do sompotti lekate Ar nagraha do Loṭren bõskoń emakawatʼkoa.”

Genesis 20:1

Tayomte Abraham do Mamre khon Negeb ńutumanakʼ dạkhin hahaṅkar secʼe calao idiyena. Onḍe uni do Kades nagraha ar Sur tala reakʼ mitʼṭecʼ jaegare girobasokʼe ehopʼena. Onḍe khon uni do thoṛa din lạgitʼ Gera nagrahare senkateye tahẽyena.

1 Samuel 14:47

Sạul do Israelkoren raj hoyen tayom disạm beṛhaeten sanam bạiriko sãote, metakʼme Moabrenko, Amonrenko, Edomrenko, Sobaren rajko ar Philisṭiko sãoteye lạṛhạilena. Ar jãhã secʼge uniye calakʼkan tahẽkan onḍege ạḍiye khutiketʼtakoa.

Sereńko 83:9

Am do Midiạnrenko okam cekaletʼko, Kison gaḍa aṛeren sisko ar Jabinko leka nokore hõ onkaeme baṛe.

Sephaniạ 2:8

Israelren Isor phạdkoren Probhui meneda, “Moab reakʼ henosta ar Amonrenkoakʼ landa dhutʼ reakʼ katha doń ańjom akatʼgea; unkin do ińren hoṛkin henosta akatʼkoa ar onkoakʼ disạm dokhol lạgitʼte ạḍikin bạḍạiyokʼ kana. Iń ńutumte kiriạkateń meneda, Moab do khạṭige Sodom leka ar Amonrenkoakʼ disạm do Gomora lekań hoeocoya. Ona do rạṅgạini jhạuạko, buluṅ reakʼ khet ar jaejug lạgitʼ potit jumige hoyokʼa. Iń jạtren sarecʼ tahen hoṛko do unkinakʼko luṭtạkina ar disạmko ạidạrijoṅa.”