Genesis 19:29 - সান্তালী বাইবেল

²⁹ Nonkate Lot okareye tahẽkan Isor do ona bilạn ṭạnḍi reakʼ nagrahae maraoetʼ tahẽkanre Abrahamakʼ katha disạkate Lot do onḍenakʼ muhin khone ocokʼ ạgukedea.

Genesis 19:29 Referans Kwoze

Dosar Biboron 9:5

Ar bindusạn se dhorom iạte onkoakʼ disạm ạidạri lạgitʼpe calakʼ kana ona do baṅa bickom aperen Probhu Isorge aperen hapṛam Abraham, Isahak ar Jakob ṭhen kiriạkate okaṭakʼe menletʼ ona purạu lạgitʼge uni do noko jạtrenkoakʼ dusṭạmi iạte ape samaṅ khone laga ńirkoa.

Genesis 8:1

Jahajre Noha ar uni sãote tinạkʼ ạsul ar bir janwarko tahẽkan Isor do onkoakʼ katha bae hiṛińleda. Uni do dhạrti cetanre hoeye ạgukeda, ar onate dakʼ do ańjedokʼ ehopʼen.

Sereńko 25:7

Ińakʼ koṛa umer reakʼ kại ar am upạrte hul reakʼ katha do alom disạ dohokakʼa; amakʼ asambheṛ dulạṛ iạte disạyińme baṛe, ente E Probhu Isor, am dom bhagegea.

2 Patras 2:7

Menkhan uni do Loṭe rukhiyạledea. Loṭ do Isor bhokti hoṛe tahẽkana. Uni do onḍenko ạn-ạri bebataoetʼkan hoṛkoakʼ lucạlamoṭ iạte duke ńametʼ tahẽkana.

Hosea 11:8

“E Ephrayim, am do cekateń bạgimea? E Israel, cekate am do eṭakʼ hoṛakʼ tireń jimạmea? Cekate iń do Adma ar Seboyim lekań marao utạrmea? Am lạgitʼ ińakʼ ontor do ahkaokʼkantińa; ińakʼ daya do amre rakabokʼkana.

Sereńko 145:20

Okoe Probhu Isorko dulạṛe uni do onko sanamkoe rukhiyạkoa, menkhan sanam bạṛicʼko uni doe ḍahao maraokoa.

Sereńko 136:23

Uni do aboakʼ bạpuṛicʼ dosaye disạketʼtabona; ente uniyakʼ dulạṛ do jaejuggetaea.

Sereńko 106:4

E Probhu Isor, amren hoṛko secʼ dayam udugre iń do alom hiṛińińạ; ar onkom bańcaoko oktere iń secʼ hõ ti tiyạr do alom hiṛińa.

Sereńko 105:42

Acʼren golam Abraham ṭhen oka sonot gokʼakʼe doholetʼ onae disạkeda.

Nehemiạ 13:22

Ona tayom iń do liwikoń hukumatʼkoa onko do apnartetʼko sapha maṛaṅokʼte jirạukʼ mãhã sonot dohoy lạgitʼ senkate jemon phaṭok duạrko horhoe. E ińren Isor, noa iạte hõ disạ dohoyińme ar amakʼ asambheṛ dulạṛte dayawạńme.

Nehemiạ 13:14

E ińren Isor, niạko kạmi lạgitʼ disạyińme baṛe. Ińren Isorakʼ oṛakʼ ar onaren sapʼdapʼ kạmi lạgitʼ pạtiạr salakʼ okań ceka akatʼ ona do alom muchạu giḍikakʼa.

Genesis 30:22

Inạ tayom Isor do Rahel secʼe beṅgetʼkeda. Uni do Rahelakʼ koejoṅe ańjomkeda ar bhạrti hoṛmo reakʼ daṛeye emadea.

Genesis 12:2

Iń do am khon mitʼ maraṅ jạtiń benaokoa. Amiń bhorama ariń maraṅmea amakʼ ńutum do goṭa beṛhae pasnaokʼtama ar am hotete hoṛ do bhorko ńama.

Sereńko 105:8

Okaṭakʼ katha reakʼ hukum uni do hajar hajar bõsrenko lạgitʼe emlen, uniyakʼ ona bondobos reakʼ katha uni do jaejug hạbicʼe disạ dohoya.

Genesis 11:27

Noa do hoyokʼ kana Terahren bõskoakʼ katha. Terahren hoponkoakʼ ńutum do tahẽkana Abram, Nahor ar Haran, ar Haranren hoponakʼ ńutum do Lot.

Dosar Biboron 7:8

Uni doe onka akada apere uniyakʼ dulạṛ iạte ar aperen hapṛamko ṭhene kiriạlen iạte. Ar onate uni do acʼakʼ daṛeanakʼ titeye oḍok ạguakatʼpea ar Misorren Pharao rajakʼ ti khon ar golam oṛakʼ khone chaḍao akatʼpea.

Dosar Biboron 9:27

Amren guti Abraham, Isahak ar Jakobakʼ katha baṛe disạime. Noko keṭecʼ hoṭokʼan jạtrenkoakʼ kạṭhuạ mon ar onkoakʼ ghạṭko secʼ do alom beṅgetʼakʼa.

Jeheskel 14:16

enḍekhan iń ńutumteń kiriạkʼ kana, onko pene hoṛ onḍeko tahẽlenre hõ onko do akoren gidrạko hõ ohoko rukhiyạ daṛelekoa. Onko do eken apnartetʼko rukhiyạ daṛekokʼa menkhan disạm do ujạṛ utạrakʼ hoykokʼa.

Jobakʼ 35:8

Amakʼ dusṭạmi do eken manwawakʼgeye khutiya. Ar amakʼ dhorom do eken onkogeye bhạlạikoa.