Genesis 19:28 - সান্তালী বাইবেল

²⁸ Uni do Sodom, Gomora ar bilạn ṭạnḍi secʼe beṅgetʼketʼ khan maraṅ okocʼ culhạre cetʼleka dhũạ rakabokʼ onkageye ńelkeda.

Genesis 19:28 Referans Kwoze

Johan sodor 18:9

Ar dhạrtiren okoeko raj uni tulucʼko loṭghuṭi akatʼ arko umtạ umtilen onko do uni atare jokhecʼ dhũạ ńelteko raga ar uni lạgitʼko dukokʼa.

Johan sodor 9:2

Khan uni ipil do ona athan kunḍe jhicʼkeda; ar maraṅ okocʼ culhạ khon dhũạ oḍokokʼ leka, ona kunḍ khon dhũạ oḍokokʼ ehopʼena. Ona kunḍ reakʼ dhũạte siń cando ar serma do ńutena,

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sekʼwako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

Johan sodor 18:18

Ar uni atar giḍikae reakʼ dhũạ ńelte onko do ãṭ aṛaṅteko menkeda, “Okaṭakʼ nagraha do noa maraṅ nagraha leka menakʼa?”

Jihudạwakʼ ciṭhi 1:7

Sodom, Gomora ar onakin beṛhaeteakʼ joto nagrahakoren hoṛko hõ ṭhik onko lekageko laṭghaṭetʼ tahẽkana. Okoe jaejug seṅgelre khadlekʼ reakʼ kuṛạiko ńam noko do onkoakʼ nạmunageko hoyakana.

Johan sodor 19:3

Onko do dosar dhaoko menkeda, “Halleluyah! Ar uni khon dhũạ do jaejug hạbicʼ oḍokokʼtege tahena.”

2 Patras 2:7

Menkhan uni do Loṭe rukhiyạledea. Loṭ do Isor bhokti hoṛe tahẽkana. Uni do onḍenko ạn-ạri bebataoetʼkan hoṛkoakʼ lucạlamoṭ iạte duke ńametʼ tahẽkana.

Sereńko 107:34

Ar phosol hoyokʼkan jumi do buluṅ ṭạnḍigeye hoyocoyeda. Okoe onḍeko girobasokʼ kan onkoakʼ bedhorom iạtege uni do noakoe hoyocoyeda.

Exodus 19:18

Ona tayom Sinại buru do dhũạte esetʼena, ente Probhu Isor do burure seṅgel tala khone pheḍ hecʼena. Bhaṭa khon cetʼleka dhũạ rakabokʼ ṭhik onkage rakabokʼ ehopʼena goṭa buru do dal dalaoena.

Malaki 3:2

Menkhan uniyakʼ hijukʼ din do okoehõ bako sahao daṛeakʼa; uniye sodorlenre celege bako teṅgo ṭarhao daṛeakʼa; ente uni do rupạ biḍạu aṭkaricʼ seṅgelgeye hoyokʼa ar dhubiyakʼ sạbun leka hõ.