Genesis 18:31 - সান্তালী বাইবেল

³¹ Abrahame menkeda, “Dilkate Probhu Isor sãote tinre kathań roṛeda unre arhõń meneda, jodi onḍe bargel hoṛko ńamokʼ?” Uniye menkeda, “Onko bargelko iạte ona do bạń maraoa.”

Genesis 18:31 Referans Kwoze

Ibriko 4:16

Onate dela, dil salakʼ Isorakʼ daya reakʼ siṅghạson ṭhen bon sen sorokʼma, jemon jạruṛa bon oktere onḍe khon uniyakʼ daya ar goṛo bon ńam daṛeakʼ.

Ephesiko lạgitʼ Pạul Apostolakʼ ciṭhi 6:18

Sonot Jiu hotete ạyur ocokʼte mon ar ontorte jao ghuṛi koejoṅpe. Onate jagwar akae tahente Isorren sanam hoṛko lạgitʼ mitʼ talao koejoṅre jamaṛ akae tahenpe.

Luk 18:1

Ado celako sanam ghạṛicʼko koejoṅ ar alo jemonko as chuṭạukʼ onate Jisu do noa phene lạiyatʼkoa: “Mitʼ nagrahare mitʼṭen hạkime tahẽkana.

Luk 11:8

Sạrigeń metapekana, uni do gate iạte jãhãnakʼ emae bae beretʼrehõ, enhõ ạḍiye nehõrokʼkante uni do beretʼkate tinạkʼ jạruṛae onae emaea.

Mathae 7:11

Apepe bạṛicʼgere hõ aperen gidrạko bhage bhage jinisko emakope baḍaekan khan, enḍekhan sermare menae aperen Baba do tinạkʼ artetʼ acʼ koeye kanko bhageakʼkoe emakoa!

Mathae 7:7

“Koepe, ado emapea; ńam baṛaepe, adope ńama, duạr ṭhopʼ ṭhopʼpe, ado jhicʼapea.

Genesis 18:27

Abrahame menkeda, “Ńelme, dhuṛi ar torocʼ chaḍa am samaṅre iń do celegeń baṅkana, enhõ iń do dilkate ińren Probhu Isor sãote kathań roṛeda.

Genesis 18:30

Abrahame menkeda, “Ińren Probhu Isor do ińakʼ kathate aloe ạṛisokʼma. Onḍe jodi pegel dhorom hoṛko ńamokʼ?” Uniye menkeda, “Pegel dhorom hoṛko ńamlen khan ona do bạń maraoa.”

Genesis 18:32

Unre Abrahame menkeda, “Ińren Probhu Isor do alo baṛeye ạṛisokʼma, iń do ar mitʼ dhaoiń meneda, onḍe eken gel hoṛko ńamokʼ?” Uniye menkeda, “Onko gel hoṛko iạte iń do ona nagraha bạń maraoa.”