Genesis 18:30 - সান্তালী বাইবেল

³⁰ Abrahame menkeda, “Ińren Probhu Isor do ińakʼ kathate aloe ạṛisokʼma. Onḍe jodi pegel dhorom hoṛko ńamokʼ?” Uniye menkeda, “Pegel dhorom hoṛko ńamlen khan ona do bạń maraoa.”

Genesis 18:30 Referans Kwoze

Jesaea 6:5

Unre iń doń menkeda, “Hae, iń doń marao utạrena, ente ińakʼ moca do bhõnḍgetińa ar nonkan hoṛko talareń girobasokʼ kana okoekoakʼ moca do bhõnḍgetako. Iń do ińakʼ mẽtʼte raj, phạdkoren Probhu Isoriń ńelkedea.”

Sereńko 89:7

Sonot goḍetkoakʼ bạisire sanamkoge Isor do botor arko bhoktiaea; uni beṛhaeten sanamko khon uni kangeae ḍher botoranicʼ do.

Sereńko 10:17

E Probhu Isor, am do mạ̃hirkoakʼ ontor reakʼ katham ańjomeda; ar amge dilem emakokana, ar onkoakʼ rakʼem ańjometʼtakoa.

Sereńko 9:12

ente mãyãm reakʼ okoeye hala hạliy uni do gocʼ ocoakan hoṛko hõ bae hiṛiń akatʼkoa, ar dukokʼ kankoakʼ rakʼ joṅ hõ bae ḍhilạutakoa.

Jobakʼ 40:4

“Iń doń be lekgea, iń do cekateń roṛ ruạṛama? Iń do mocayiń tobetʼ hape akatʼtińạ.

Bikʼcạrko 6:39

Ona tayom Gideon do Isore metadea, “Iń cetanre alom raṅgaokʼa. Iń do eken ar mitʼ dhaoiń biḍạumea. Ńitokʼ do bhiḍi upʼ rohoṛge tahenma ar otre do sisir ńurhạkʼma. ”

Genesis 44:18

Unre Jihudạ do Joseph ṭhen senkateye menkeda, “Hujur, am do Pharaoakʼ jaegare menama, onate amren golam am ṭhen thoṛa katha roṛ lạgitʼ aṛakʼạńme. Amren golam cetanre alom edrekʼa.

Genesis 18:29

Abraham do arhõe menkeda, “Enḍekhan onḍe eken pongel dhorom hoṛko ńamokʼ?” Uniye menkeda, “Onko pongel hoṛ iạte bạń onkaea.”

Genesis 18:31

Abrahame menkeda, “Dilkate Probhu Isor sãote tinre kathań roṛeda unre arhõń meneda, jodi onḍe bargel hoṛko ńamokʼ?” Uniye menkeda, “Onko bargelko iạte ona do bạń maraoa.”