Genesis 18:21 - সান্তালী বাইবেল

²¹ Ona iạte iń do latarte pheḍkateń ńela, onko okako cekayetʼkan ona do sạriyakʼkana se baṅa. Ar onka baṅkanre hõ iń do onań baḍae daṛeakʼa.”

Genesis 18:21 Referans Kwoze

Exodus 3:8

Misorrenkoakʼ ti khon onko rukhiyạko lạgitʼ iń doń pheḍ hecʼakana. Iń do ona disạm khoniń oḍok ạgukoa ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idikoa. Ona disạm do maraṅgea ar mońjgea; onḍe do toa ar dumur rasa reakʼ jãhãn okulạnge bạnukʼa.

Genesis 11:5

Probhu Isor do manwa oka nagraha ar usul oṛakʼko bekʼnaokan tahẽkan ona ńel lạgitʼe pheḍ hecʼena.

Sephaniạ 1:12

Unre iń do diuheante Jerusalem reakʼ sanam ṭhạ̃ire khojiń hataoa ar okoe do apnartetʼ tirpit akae tahenteye men, ‘Probhu Isor do bhage bạṛicʼ cetʼge bae cekaea,’ onko doń sạjạikoa.

Mikạ 1:3

Ńelpe, Probhu Isor do acʼakʼ tahen ṭhạ̃i khone hijukʼkana; uni do pheḍ hecʼkate dhạrti reakʼ usul ṭhạ̃iko cetanreye lebedokʼa.

Jirimiạ 17:10

Iń do Probhu Isorakʼ ontoriń ḍunḍhạueda ar moniń biḍạu aṭkareda; iń do manwawakʼ dãṛãn ar uniyakʼ kạmi lekate kuṛạiyiń emaekana.

Josuạ 22:22

“Sanam daṛeanicʼ Probhu Isor! Sanam daṛeanicʼ Probhu Isor! Uni mae baḍaege ar Israelko hõko baḍaema. Probhu Isor upạrte jãhãn hul se bebatao reakʼ kạmi hoyakan khan enḍekhan teheń alope rehaelea.

Dosar Biboron 8:2

Disạipe, aperen Probhu Isor do pongel bochor hạbicʼ hahaṅkarreye dãṛã ạyur ocoketʼpea mente. Apeakʼ bạḍạiko rạpudtape lạgitʼ ar monre menakʼtapeakʼ, metakʼme uniyakʼ hukumkope manaoa se baṅa, ona biḍạu aṭkarpe lạgitʼ uni do noae kạmi akada.

Exodus 33:5

ente Probhu Iso do Moseye metade tahẽkana, “Israelkom metakoa, onko do, mitʼṭecʼ keṭecʼ hoṭokʼan jạtren kanako mente. Onate mitʼ ghạṛi hõ onko sãoteń tahen, enḍekhan onko doń marao utạrkoa. Ar ńit onkoakʼ hoṛmore okako abhran menakʼ onako totʼ giḍikakʼma. Ar ona tayom iń hudisa onkore cetʼ iń cekaea mente.”

Genesis 11:7

Onate dela, latarte bon pheḍokʼa ar onkoakʼ pạrsibon gaḍ baḍaotakoa jemon mitʼ hoṛ armitʼ hoṛakʼ pạrsi aloe bujhạu daṛeakʼ.”

Ibriko 4:13

Sirjon reakʼ okaṭakʼ hõ Isor ṭhen do okoanakʼ bạnukʼ anaṅ. Okoe ṭhen aboakʼ hisạb emokʼ hoyokʼ uni ṭhen do sanamakʼge oṭakʼgea ar sodorgea.

1 Thessalonikikko 4:16

Ar ãṭ aṛaṅte hukum são sãote maraṅ utạricʼ goḍetakʼ hoho ar Isorakʼ siṅgạ reakʼ saḍe soṅgete Probhu Isor do serma khone pheḍ hijukʼa. Ar okoe Mạsi tulucʼ mitʼkateko gocʼ akan onkoge pạhilreko jiwetʼ beredokʼa.

2 Korinthiko 11:11

Cetʼ iạte noa doń meneda? Ape bạń dulạṛetʼpe iạtege cetʼ baṅa? Isor doe baḍaegea, apeń dulạṛetʼpea mente.

Johan 6:38

ente ińakʼ sanaleka kạmi lạgitʼ do baṅ, bickom okoeye kol akadiń uniyakʼ monejoṅ leka kạmi lạgitʼge serma khoniń pheḍ hecʼakana.

Luk 16:15

Unre Jisui metatʼkoa, “Ape do hoṛko samaṅre dhorompe udugokʼ kana, menkhan Isor do apeakʼ mon reakʼe baḍaegea. Ente manwa ṭhen okaṭakʼ manotakʼkan, Isor samaṅre ona do hirkhạwakʼ kana.

Jirimiạ 17:1

Probhu Isore meneda, “Jihudạ reakʼ kại do mẽṛhẽtʼ kolomte ol akana, hirạ reakʼ surshạtege onkoakʼ ontorre, onkoakʼ pinḍ reakʼ dereńre ol gạḍiạu akana.

Sereńko 90:8

Aleakʼ ghạṭko do am samaṅrem dohoakada; amakʼ mẽtʼãhã reakʼ marsalte aleakʼ oko danaṅ kạiko sodorokʼ kana.

Jobakʼ 34:22

Nonkan jãhãn ńutakʼ ṭhạ̃i se dạriạ umul hõ bạnukʼa one onare bạṛicʼ kạmikan hoṛko oko daṛekokʼ.

Dosar Biboron 13:3

Enḍekhan uni nạbi se kukmũ ńeńel hoṛakʼ katha alope ańjomtaea. Ente aperen Probhu Isor do mon ar ontortepe dulạṛedekana se baṅa ona ńel lạgitʼ biḍạureye paṛao ocoyetʼpea.

Genesis 18:17

Unre Probhu Isore menkeda, “Okaṭakʼ iń cekae lạgidokʼkan ona do cetʼ Abraham khoniń danaṅkakʼa?

Sereńko 14:2

Probhu Isor do serma khon latarte manwa secʼe beṅgetʼkeda, ar ńeljoṅe menana sạriyakʼ reakʼ ạkilte jãhãeko taṛameda se baṅa, ar Isorakʼ sana leka jãhãeko kạmikana se baṅa.

Genesis 6:12

Isor do dhạrti secʼe beṅgetʼkeda ar goṭage kharap caba akane ńelkeda, ente dhạrtiren manwakoakʼ sobhab do sea akan tahẽkana.