Genesis 18:11 - সান্তালী বাইবেল

¹¹ Unre Abraham ar Sara do aema umer hoyakantạkin tahẽkana ar Sara hõ gidrạ hoyokʼ reakʼ umer do caba akantae tahẽkana.

Genesis 18:11 Referans Kwoze

Genesis 17:17

Noa katha ańjomkete Abraham do otreye ombakʼena ar landawate mon monteye menkeda, “Enḍekhan sạrige mitʼ sae umerren haṛamren hopone hoyokʼa, ar uni are gel umerren maejiuakʼ kukhire!”

Ibriko 11:19

Abraham do uni dãṛẽye lạgitʼe rạjiyena, ente uni doe pạtiạukʼkan tahẽkana Isor do gocʼko hõe jiwetʼ beretʼ daṛeakoa mente. Ar gujukʼ duạr khon Abraham do Isạhake ńam ruạṛkedea.

Luk 1:36

Ar ńelme, niạ buḍhi umerre amren peṛa Elisabet hõ hoṛmore koṛa gidrại ńam akawana. Hoṛko menetʼ tahẽkana uniren do gidrạge bako hoyokʼtaea, menkhan ńitokʼ do turui candoreye paṛao akana.

Luk 1:18

Unre Sakariạ do serma goḍete metadea, “Cekateń bujhạu daṛekea? Iń ma coń haṛamge ar ińren bạhuakʼ umer hõ ạḍi ḍher hoyakantaea.”

Luk 1:7

Unkinren do cele gidrạge bako hoyakan tạkin tahẽkana ente Elisabet do bạńjhigeye tahẽkana. Inạ chaḍa unkinakʼ umer hõ ạḍi aema hoyakan tahẽkana.

Levitikus 15:19

“Maejiu do candoteakʼ hoyokʼkan iạte uni do eae din hạbicʼ besapha akane tahena. Ar inạko dinre uni okoeye joṭede uni hõ ạyupʼ hạbicʼ besapha akane tahena.

Genesis 31:35

Sesre Rahel do acʼ babae metadea, “Ńelme, bạń beretʼ daṛeakʼkante alom ạṛisokʼa, ente iń do candoteakʼ hoyokʼ kantińạ.” Laban do sucʼ sutrucʼ sendrakate hõ onko boṅga murhutʼ do bae ńamletʼkoa.

Genesis 17:24

Abraham do tinre acʼe khatna ocoyena unre uniyakʼ umer do aregel are bochor tahẽkana,

Genesis 21:7

Uni do arhõe menkeda, “Sara okoeṭakʼ hopon toae ńũnũae noa katha Abraham do okoe lahareye lại daṛekea? Menkhan uniyakʼ noa haṛam umerrege uniren gidrạ do ińakʼ hoborreye hecʼena.”

Genesis 24:1

Abraham do unre ạḍiye haṛam akan tahẽkana ar umer hõ ạḍi ḍher hoyakantae tahẽkana. Probhu Isor do sanam secʼ khongeye bhoraekan tahẽkana.

Genesis 24:36

Uniren bạhu Sara do ḍher umerre uniyakʼ kukhire iń kisạ̃ṛren mitʼṭen koṛa hopone janamkedea, ar uni koṛa hopon do acʼakʼ sanam sompottiye emakawadea.

Josuạ 13:1

Josuạ do umer ḍher idiyente tinreye haṛamena unre Probhu Isor do uniye metadea, “Am dom haṛamena, ar ḍher umer hoyakana menkhan disạm reakʼ ḍher jaega ńithõ menakʼgea one okaṭakʼ do ạuri dokholokʼ.