Genesis 18:10 - সান্তালী বাইবেল

¹⁰ Unre onko modren mitʼ hoṛe menkeda, “Hijukʼkan bochor niạ okte iń do khạṭige am ṭhen arhoń hijukʼa. Unre amren bạhu Sarawakʼ hoborre mitʼṭen koṛa gidrại tahentaea.”

Genesis 18:10 Referans Kwoze

Genesis 21:2

Onate Sara doe bhạrti hoṛmoyena. Ar Abrahamakʼ haṛam umerre Sarawakʼ kukhire uniren gidrại janamena. Isor oka okte reakʼ kathae menletʼ ṭhik ona okterege uni gidrạwakʼ janam do hoyena.

Genesis 17:21

Menkhan iń do Isahak lạgitʼge bondobosiń dohoya. Hijukʼkan bochor niạ oktege uni do Sarawakʼ hoborreye hijukʼa.”

Genesis 17:19

Unre Isore menkeda, “Amren bạhu Sara do sạrige gidrại hoyokʼtaea, ar uniyakʼ ńutum do Isahakem dohoytaea (metakʼme ‘landa’). Uni ar uni bõsren hoṛko lạgitʼ iń do ińakʼ jaejug hạbicʼ bondobosiń dohoya. Tobe Ismael reaṅ okam menketʼ iń doń ańjomkeda.

Genesis 17:16

Iń do uniń bhoraea ar nonkan mitʼṭen hoponiń emama. Uni do arhõń bhoraea jemon ạḍi utạr jạtkoren ar onkoren rajkoren eṅgate hoyokʼ.”

Galathiko lạgitʼ Pạul Apostolakʼ ciṭhi 4:28

E boehako, ape do Isahak lekage Isorakʼ gokʼakʼren hoponko kanape.

Galathiko lạgitʼ Pạul Apostolakʼ ciṭhi 4:23

Uni kạ̃ṛmĩ era khonicʼ do jel lekateye janamena, menkhan sạdhin era khonicʼ do Isorakʼ gokʼakʼ hotetegeye janamlena.

Luk 1:13

Serma goḍet do uniye metadea, “Alom botorokʼa, Sakariạ, ente Isor do amakʼ koejoṅe ańjomakada. Amren bạhu Elisabetren do mitʼṭen koṛa gidrại hoyokʼtaea. Ar uniyakʼ ńutum do Johanem dohoytaea.

Genesis 16:10

Uni do arhõe metadea, “Am bõsren hoṛko nonkań saṅgekoa, onko do bako lekha caba daṛeakoa.”

Genesis 18:9

Onko do Abrahamko kulikedea, “Amren bạhu Sara do okare menaea?” Uniye menkeda, “Tạmbu bhitrire menaea.”

Genesis 21:1

Probhu Isor do acʼakʼ katha lekage Sarae hirikedea ar uni lạgitʼ okaṭakʼe gokʼakatʼ tahẽkan onae onkakeda.