Genesis 17:17 - সান্তালী বাইবেল

¹⁷ Noa katha ańjomkete Abraham do otreye ombakʼena ar landawate mon monteye menkeda, “Enḍekhan sạrige mitʼ sae umerren haṛamren hopone hoyokʼa, ar uni are gel umerren maejiuakʼ kukhire!”

Genesis 17:17 Referans Kwoze

Johan sodor 11:16

Uni do jaejug hạbicʼe rajokʼa.” Ar okoe bargel pon mukhiyạko Isor samaṅre akoakʼ siṅghạsonreko duṛupʼ akan tahẽkan, onko doko ombakʼente Isor sewawadeteko menkeda,

Johan 8:56

Aperen baba Abraham hõ ińakʼ dinko ńel lạgitʼe hulạslena. Menkhan uni doe ńelleda ar kusi hõe kusilena.”

Genesis 21:6

Sarae menleda, “Isor doe landa ocokedińa, ar ona katha ańjomkate eṭakʼko hõko landaea.”

Genesis 18:12

Onate Sara do mone monte landaketʼteye menkeda, “Ińren jãwãe doe haṛam akana ar iń hoń joko cabayena; giticʼmidokʼ reakʼ rạskạ do cetʼ arhõ ruạṛ hecʼạńạ?”

Genesis 17:3

Ona iạte Abram do otreye obmakʼena ar Isor do uni sãote katha roroṛe ehopʼena.

Jeheskel 1:28

Dakʼ dinre rimil tala khon liṭạ akʼ leka ona beṛhaete ona marsal do ńelokʼkan tahẽkana. Okań ńelketʼ ona do Probhu Isorakʼ ṭhonokge tahẽkana. Ona ńelte iń do otreń ombakʼena ar mitʼ hoṛ katha roroṛiń ańjomkedea.

Johan sodor 5:8

Ar puthiye hataoketʼ khan onko ponea jiwiyanko ar bargel pon murubbiko do Bheḍa Hopon samaṅreko ombakʼena. Onko mimitʼkoakʼ tire do mimitʼ goṭecʼ peṛesaṅ ar mimitʼ goṭecʼ dhupte perecʼ sona reakʼ bạṭi tahẽkana. Ona dhupte perecʼ bạṭiko do Isorren hoṛkoakʼ koejoṅ kana.

Jobakʼ 1:20

Niạ katha ańjomkate Job doe beretʼente mon reakʼ kosṭote kicricʼe oṛecʼkeda are munḍrạyena. Ona tayom otre ombakʼkate Isor sewawadeteye menkeda,

Daniel 8:17

Iń okareń teṅgo akan tahẽkan ona ṭhạ̃ireye hecʼen khan iń do botorte otreń bhindạṛena. Uni do ińe metadińạ, “E manwa hopon, noa dorson je ses dinko babot reakʼkan ona baṛe bujhạume.”

1 Bõsbudạ 21:16

Inạ oktere Dạud do cetan secʼ beṅgetʼketʼteye ńelkeda, Probhu Isorren goḍet do rimilreye teṅgo akana ar uniyakʼ ti reakʼ tarwaṛe do Jerusalem cetanre tul akana. Noa ńelte Dạud ar murubbiko do gõṛẽ kicricʼko horokʼ akatʼ tahẽkanrege otreko taber hapeyena.

Bikʼcạrko 13:20

Seṅgel reakʼ lepʼ tinre pinḍ khon cetante serma secʼ rakabokʼkan tahẽkana unre Probhu Isorren goḍet do ona lepʼ seṅgelte coṭteye rakapʼ calaoena. Ar noa ńelte Manoho ar uniren bạhuttetʼ do otrekin ombakʼ hapeyena,

Josuạ 7:6

Unre Josuạ ar Israelkoren murubbiko do apnarakʼ kicricʼko oṛecʼketʼte Probhu Isorakʼ sinduk samaṅre ạyupʼ hạbicʼ otre ombakʼ hape akanko tahẽyena. Ar akoakʼ bohokʼre dhuṛiko chiṭiạuana.

Josuạ 5:14

Uni doe roṛ ruạṛkeda, “Okoe secʼren hoṛ hõń baṅkana. Iń do Probhu Isoren palṭon dolren senapoti kạnạń; ar ńitokʼ do nonḍeń hecʼakana.” Niạ katha ańjomkate Josuạ do otreye ombakʼente uniye ḍobokʼ adea are kulikedea, “Ińren Probhu Isor do cetʼ acʼren guti jãhãnakʼ metae lạgitʼe menjoṅkana?”

Dosar Biboron 9:25

“Probhu Isor do marao giḍipe reakʼ kathae menletʼ iạte iń do pongel siń ar pongel ńindạ Probhu Isor samaṅre ikhṛum akaniń tahẽkana.

Dosar Biboron 9:18

“Probhu Isorakʼ mẽtʼãhã samaṅre nonkanakʼ kạikate ape do uniyakʼ edrepe rakapʼ ocoketʼtaete iń do lahate leka arhõ pongel siń ar pongel ńindạ Probhu Isor samaṅre ikhṛum hapegeń tahẽyena; dakʼ se piṭhạ cetʼge bạń jom ńũleda.

Numeri 16:45

“Aben do noko hoṛko khon pharakokʼ ben; ńitge onko doń marao cabakoa.” Noa katha ańjomkate unkin do otre kin ombakʼena.

Numeri 16:22

Menkhan Mose ar Aron do otre ombakʼ hapeyentekin menkeda, “E Isor, am do sanam manwakoren babańcaoicʼ kanam. Eken mitʼ hoṛe kại akatʼte cetʼ goṭa Israel somaj cetanre amakʼ edrem sodortama?”

Numeri 14:5

Niạ obosta ńelte Mose ar Aron do Israelren goṭa dolrenko samaṅre otre kin taberena.

Levitikus 9:24

Ar Probhu Isor ṭhen khon seṅgel oḍok hecʼente pinḍ cetan reakʼ jeredokʼ samaṅokʼakʼ ar sanam itilkoe jomkeda. Ar noa ńelte hoṛ doko sạhnạskeda ar taberenteko sewakeda.

Luk 1:18

Unre Sakariạ do serma goḍete metadea, “Cekateń bujhạu daṛekea? Iń ma coń haṛamge ar ińren bạhuakʼ umer hõ ạḍi ḍher hoyakantaea.”

Genesis 17:18

Abraham do Isore metadea, “Ismael do am samaṅre jiwetʼe tahenma!”

Genesis 18:11

Unre Abraham ar Sara do aema umer hoyakantạkin tahẽkana ar Sara hõ gidrạ hoyokʼ reakʼ umer do caba akantae tahẽkana.

Genesis 21:5

Abrahamakʼ umer tinre mitʼsae bochor tahẽkana unre Isahakakʼ janam do hoyena.

Genesis 21:7

Uni do arhõe menkeda, “Sara okoeṭakʼ hopon toae ńũnũae noa katha Abraham do okoe lahareye lại daṛekea? Menkhan uniyakʼ noa haṛam umerrege uniren gidrạ do ińakʼ hoborreye hecʼena.”