Genesis 16:8 - সান্তালী বাইবেল

⁸ Serma goḍete menkeda, “Sạriren kạ̃ṛmĩ Hagar, oka khonem hecʼakana ar okatem calakʼkana?” Hagare roṛ ruạṛkeda, “Iń do ińren kisạ̃ṛren bạhu ṭhen khoniń dạṛjoṅkana.”

Genesis 16:8 Referans Kwoze

Genesis 3:9

Probhu Isor do Adam hohoadeteye metadea, “Okare menama?”

Genesis 4:10

Unre Probhu Isore menkeda, “Cetʼem ceka akada? Ńelme, ot khon amren boehawakʼ mãyãm do iń ṭhene rakʼeda.

Sosolhayic̕ 10:4

Disạm cakʼlaoyicʼ am cetanreye edrelenre amakʼ ṭhạ̃i do alom bạgiyakʼa; ente sobori do sanam bạṛicʼakʼkoe thir ocoya.

1 Samuel 26:19

E ạlińren maharaj, ạlińren mạlik, ńitokʼ do dayakate abenren gutiyakʼ katha ańjom ben. Probhu Isorge ạliń upạrteye teṅgo akatʼ ben khan tobe do ạlińakʼ samaṅokʼakʼ uni ṭhen ataṅokʼma. Ar manwako onka akatʼ khan tobe do Probhu Isorakʼ sarap onkore paṛaokʼma, ente teheń do Probhu Isore em akatʼ sompottire ạlińakʼ oka bhag menakʼ ona khon laga ńir liń reakʼko kurumuṭu kana. Onko doko meneda, ‘Do calakʼme, ar debotako pujạwakome.’

Genesis 16:4

Abram do Hagar ṭhene boloyen khan uni doe bhạrti hoṛmoyena. Ar Hagar do tinreye bujhạukeda acʼ doe bhạrti hoṛmo akana unre uni do acʼren kisạ̃ṛren era do nihạ̃teye ehopʼena.

Genesis 16:1

Abramren bạhu Sạri do unrehõ cele gidrạge bako hoyakantae tahẽkana. Hagar ńutuman uniren do mitʼṭen Misiriạ kạ̃ṛmĩye tahẽkantaea.

Genesis 16:9

Unre Probhu Isorren goḍete menkeda, “Amren kisạ̃ṛ era ṭhen ruạṛ calakʼme ar uni tabere tahenme.”

1 Rapajko 19:9

Ar onḍe mitʼṭecʼ danderreye giticʼ aṅgayena. Onḍe Probhu Isor do Eliạ ṭhen seṭerenteye kulikedea, “E Eliạ, nonḍe do cetʼem ceka kana?”

1 Rapajko 19:13

Ar Eliạ do ona ańjomkate acʼakʼ oyonakʼte mẽtʼãhãe betʼketʼtaea ar bahrete senkate dander reakʼ moca ṭhene teṅgoyena. Ona tayom uni do niạ kathae ańjomkeda, “E Eliạ, nonḍe do cetʼem ceka kana?”

Genesis 21:17

Gidrạwakʼ rakʼ do menkhan Isorakʼ luturre seṭerena. Unre Isorren goḍet do serma khon Hagar hohowadeteye metadea, “E Hagar, amakʼ do cetʼ hoyakana? Alom botorokʼa, ente gidrạ okare menae onḍe khonge uniyakʼ rakʼ do Isorakʼ luturre seṭer akana.

Bikʼcạrko 19:17

Ar nagraha reakʼ kulhire hortenkoe ńelketʼko khan uni haṛam hoṛ doe kuliketʼkoa, “Ape dope okoe kana ar oka khonpe hecʼakana?”

2 Rapajko 5:25

Ona tayom uni do bhitrite senkate acʼren kisạ̃ṛ Elisae samaṅreye teṅgoyena. Elisae do uniye kulikedea, “Gehosi, am do okatem senlena?” Gehosiye menkeda, “Amren guti do okatehõ bacoń senlen.”