Genesis 16:13 - সান্তালী বাইবেল

¹³ Noa katha ańjomkate Hagar do mon monteye menkeda, “Iń do cetʼ sạrige uniń ńelkedea one uniyakʼ mẽtʼãhã samaṅre minạń?” Hagar sãote okoeye roroṛkan tahẽkan, uni Probhu lạgitʼge Hagar do unreye menkeda, “Am dom Isor kana, iń do am samaṅre minạńa.”

Genesis 16:13 Referans Kwoze

Genesis 32:30

Unre Jakob do ona jaega reakʼ ńutum Penuele dohokeda (metakʼme “Isorakʼ mẽtʼãhã”). Uniye menkeda, “Iń do samna sạmni Isoriń ńelkedere hõ jiwetʼge minạńa.”

Kạhtukko 5:21

Manwakoakʼ dãṛãn do Probhu Isorakʼ mẽtʼãhã samaṅre menakʼa; onkoakʼ sanam horko uni doe tạnkhiyeda.

Kạhtukko 15:3

Probhu Isorakʼ mẽtʼãhã do sanamko secʼge menakʼa; ona do boge ar bạṛicʼ hoṛkoe tunkhiyetʼkoa.

Genesis 31:42

Ạliń babaren Isor, okoe do Abraham ar Isahakren Isor kan, uni do ạliń sãote bae tahẽlen khan enḍekhan khạṭige aben do ńitokʼ eken ti ben bidạkelińa. Isor do ạlińakʼ khaṭaokʼ ar kosṭoe ńelakada. Ar onatege calaoen ńindạ do noa reakʼ bhageye bicạr akada.”

Genesis 16:7

Probhu Isorren goḍet do horre hahaṅkar jaegare mitʼṭecʼ dakʼ bhumbukokʼ ṭhen Hagare ńamkedea. Ona dakʼ jharna do Sur ńutuman mitʼṭecʼ jaegate calakʼ horre tahẽkana.

Genesis 22:14

Ar ona jaega reakʼ ńutum Yehowa-Yire (metakʼme “Probhu Isorakʼ jogaṛ”) dohokeda. Onate teheń hõ hoṛko mena, “Probhu Isorakʼ burure Probhu Isorgeye jogaṛa.”

Genesis 28:17

Ar noa katha hudiskate uni do monre botor hecʼadea. Uniye menkeda, “Noa do ạḍi botoranakʼ jaegakana! Noa do Isorakʼ tahen ṭhạ̃i chaḍa ar cetʼge baṅkana; serma reakʼ duạr do nonḍe kangea.”

Bikʼcạrko 6:24

Unre Gideon do Probhu Isor ńutumte onḍe mitʼṭecʼ pinḍe benaoketʼte ona reakʼ ńutum do Jehowa-Shalome dohokeda (mane do “Probhu Isorge suluktetʼ”). Ar ona pinḍ do teheń hạbicʼ Abieser gusṭikoakʼ Ophrare menakʼa.

Exodus 24:11

Israelkoren noko mukhiyạko do Isorko ńelkedere hõ bako gocʼlena. Onko do uniko ńelkedea arko jom ńũkeda.

Genesis 32:31

Jakob do tinre Peniel khone mohnḍayena unre siń cando doe rakapʼena. Ar acʼakʼ bulu iạte kheṛdokʼ kheṛdokʼe taṛam idikeda.