Genesis 15:9 - সান্তালী বাইবেল

⁹ Probhu Isore roṛ ruạṛkeda, “Am do mitʼṭen bạchur, ar mitʼṭen merom ar mitʼṭen bheḍa iń ṭhenem ạgukoa. Onko sanamkoakʼ umer do jemon pe bochor hoyokʼ. Ona sãote mitʼṭen potam ar mitʼṭen parwa hopon hõ soṅgetem ạgukinạ.”

Genesis 15:9 Referans Kwoze

Luk 2:24

Ona chaḍa “Mitʼ joṛa potam se barea parwa hopon” samaṅkin reakʼ katha cetʼleka Probhu Isorakʼ ạnre ol menakʼ onkage unkin do samaṅkin lạgitʼkin calaoena.

Levitikus 14:30

Naeke do potam se parwa uni jãhãeṭakʼgeye kulạu daṛeakin unkingeye hataokina. Ona tayom unkin cẽṛẽ modre mitʼṭen do kại ńutumte samaṅokʼakʼ ar eṭakʼicʼ do jeredokʼ samaṅokʼakʼ menkate, jomakʼ samaṅokʼakʼ sãoteye samaṅkinạ. Nonkate naeke do Probhu Isor samaṅre uniyakʼ saphakʼ reakʼe puruchuna.”

Levitikus 9:2

Uni do Arone metadea, “Kại ńutumte samaṅokʼakʼ lạgitʼ am do mitʼṭen ạnḍiạ mĩhũ ar jeredokʼ samaṅokʼ lạgitʼ mitʼṭen bheḍam ạguyea ar unkin do Probhu Isor samaṅrem dohokinạ. Unkin do jemon niphuṭ utạrkin hoyokʼ.

Levitikus 3:6

“Probhu Isor ńutumte sulukren samaṅokʼakʼ lạgitʼ jãhãe ḍaṅgra se bheḍae samaṅe enḍekhan uni do ạnḍiạ se eṅga jãhãnicʼkangeye uni do niphuṭ utạricʼ hoyokʼ jạruṛa.

Levitikus 3:1

“Jãhãege Probhu Isor ńutumte jãhãn sulukren samaṅokʼakʼ samaṅe menetʼ khan ar uniren samaṅicʼ do pal ḍaṅgrako khone ạgu ocokʼ khan, uni do eṅga se ạnḍiạ jãhãnicʼkangeye jemon niphuṭ utạricʼe hoyokʼ.

Levitikus 1:14

“Probhu Isor ńutumte noa jeredokʼ samaṅokʼakʼ do jãhãn cẽṛẽkote hoeocoye menetʼ khan samaṅetʼkạnicʼ do mitʼṭen potam se parwa baṛeye ạguiyema.

Jesaea 15:5

Moab lạgitʼ ińakʼ ontor doe rakʼeda; uniren hoṛko do Soar secʼ Eglath-selesia hạbicʼko dạṛetʼ kana. Onko do rakʼ rakʼte Luhit buru reakʼ horteko rakapʼ calakʼkana; onkoakʼ ṭhạ̃i do dhaṅdhaser akantakote rakʼ homorate Horonạiyim reakʼ horteko calakʼ kana.

Sereńko 50:5

Uni doe meneda, “Iń botorạń kanko do iń ṭhen jarwakom, one okoe do janwar dãṛẽko hotete ińakʼ bondobosko ataṅ akatʼ.”

Levitikus 12:8

Samaṅokʼ lạgitʼ bhiḍi hopon bae juṛạu daṛeae khan uni do barea potam ar baṅkhan barea parwa hopon ạgukin hoyokʼtaea. Unkin modre mitʼṭen do jeredokʼ samaṅokʼakʼ lạgitʼ ar eṭagicʼ do kại ńutumteye samaṅea. Nonkate naeke do chute meṭaokataea ar uni doe sapha utạrokʼa.”

Levitikus 1:10

“Noa jeredokʼ samaṅokʼakʼ do bheḍa se meromteye hoyocoe khan uni do mitʼṭen niphuṭ merom boda se bheḍa baṛeye ạguiyema.

Levitikus 1:3

“Uni do ona jeredokʼ samaṅokʼakʼ ḍaṅgrateye menetʼ khan enḍekhan uni do niphuṭ ạnḍiạ ḍaṅgrage ạguiye hoyokʼtaea. Probhu Isor jemon uni cetanreye kusikʼ onate uni do ńapamokʼ tạmbu reakʼ duạr ṭhen ḍaṅgrae ạguiyea.

Genesis 22:13

Unre Abraham do beṛhaeteye beṅgetʼ ạcurketʼ khan acʼ tayomre mitʼṭen bheḍa do jhạuạre dereń aṭkao akane ńelkedea. Unre Abraham do uni bheḍae ạgukedea ar acʼren hopon bodolte uniye teṅgenkedea.

Genesis 15:8

Unre Abrame menkeda, “E Probhu, ińren Isor, iń do cekateń baḍaea, noa disạm do ińakʼ ạidạrire hijukʼa mente?”

Genesis 15:10

Abram do onkageye kạmikeda. Uni do onkoe ạguketʼkote talateye paṛakʼketʼkoa ar mimitʼ paṛakʼ do ona reakʼ ulṭạu secʼe sajao dohokeda, menkhan cẽṛẽ do bae paṛakʼletʼkinạ.

Levitikus 12:6

“Menkhan koṛa se kuṛi gidrạ janam tayom uniyakʼ chut meṭaokʼ reakʼ dinko purạulen khan uni do ńapamokʼ tạmbu reakʼ duạr samaṅre jeredokʼ samaṅokʼakʼ lạgitʼ naeke ṭhen mitʼ bochor umerren mitʼṭen bhiḍi hopon ar kại ńutumte samaṅokʼ lạgitʼ mitʼṭen potam se parwa hopon idi kin hoyokʼtaea.

Soros sereń 2:12

Ṭạnḍire bahako saṛ akana, ar cẽṛẽkoakʼ sereńko hõ ańjomokʼ kana disạmre mala potamkoakʼ kukuḍubur hõ ańjomokʼ kana.