Genesis 15:14 - সান্তালী বাইবেল

¹⁴ Menkhan okoe onko golam menteko khaṭaoko onko jạtrenko doń sạjạikoa. Ar onko do ạḍi utạr dhon-duribante ona disạm khonko oḍok hijukʼa.

Genesis 15:14 Referans Kwoze

1 Samuel 12:8

“Jakob do Misor disạmteye senena, ar aperen hapṛamko tinre Probhu Isor ṭhenko rakʼkeda unre Probhu do Mose ar Arone kolketʼkinạ. Unkin do Misor disạm khon aperen hapṛamkokiń oḍok ạguketʼkoa ar niạ disạmrege girobasokʼ lạgitʼkin bondobosatʼkoa.

Sereńko 135:14

ente Probhu Isor do acʼren hoṛko dhorom reakʼe bicạrtakoa, ar acʼren golam doe mãyã akoa.

Josuạ 24:17

Aboren Probhu Isor do acʼge abo ar aboren hapṛamko Misor disạm khon, golam oṛakʼ khon nonḍeye oḍok ạgu akatʼbona ar aboakʼ mẽtʼãhã samaṅrege maraṅ maraṅ hahaṛawakʼ kạmikoe kạmi akada. Aboakʼ goṭa dãṛãn horre tinạkʼ jạtrenko talate bon hecʼakan onkoakʼ ti khon unigeye bańcao akatʼbona.

Dosar Biboron 6:22

Probhu Isor do aboakʼ mẽtʼ samaṅre Pharao ar uniyakʼ oṛakʼren sanamko cetanre ar Misor disạm cetanre maraṅ ar botoranakʼ cinhạko ar hahaṛa kạmikoe kạmileda.

Dosar Biboron 4:20

Disạipe, Probhu Isor do apeye bachao akatʼpea ar mẽṛhẽtʼ reakʼ seṅgel bhaṭa metakʼme Misor khone oḍok ạguakatʼpea jemon uniren hoṛpe hoyokʼ ar ape do ńitokʼ onagepe hoyakana.

Sereńko 135:9

E Misor, uni do am talare Pharao ar uniren kạmiyạko birudre acʼakʼ cinhạ ar hahaṛa kạmikoe kạmileda.

Sereńko 51:4

Am upạrte, hẽ eken am upạrtegeń kại akada ar am mẽtʼãhã samaṅre okaṭakʼ bạṛicʼakʼkan onageń kạmi akada. Onatege amakʼ roṛ do dhoromgea ar amakʼ bicạr hõ nikhutgea.

Exodus 3:10

Onate am do ńitge calakʼme. Iń do Pharao ṭheniń koletʼmea. Ar senkate am do ińren hoṛko, metakʼme Israelko Misor khonem oḍok ạgukoa.”

Sereńko 105:42

Acʼren golam Abraham ṭhen oka sonot gokʼakʼe doholetʼ onae disạkeda.

Genesis 48:21

Ona tayom Israel do Josephe metadea, “Ńelme, ińakʼ gujukʼ okte do sorakana. Menkhan Isor do ape sãoreye tahena, ar aperen hapṛamkoakʼ disạmteye ruạṛ idipea.

Genesis 50:24

Joseph do acʼren boehakoe metatʼkoa, “Ińakʼ gujukʼ okte do seṭer akana, ar noa do khạṭi kana je, Isor do apeye ạsulpea. Uni do Abraham, Isahak ar Jakob okaṭakʼ disạm emako lạgitʼe gokʼatʼko tahẽkan ona disạmge nonḍe khone idipea.”

Exodus 12:29

Ona tayom pon gel tạrik reakʼ tala ńindạ okte Probhu Isor do Misor disạmren mitʼke mitʼ pạhil hoponkoe gocʼketʼkoa. Nonkate raj siṅghạsonren ạidạriyicʼ Pharaoren pạhilicʼ hopon khon ehopʼkate hajot oṛakʼre menayicʼren pạhilicʼ hopon hạbicʼ, ar janwarkoren hõ pạhil hoponko gocʼena.

Aposkạmi 7:7

Isor do arhõe metadea, ‘okoe onko golam menteko khaṭaoetʼko onko jạtrenko doń sạjạikoa. Ar onko do ona disạm khonko oḍok hijukʼa ar noa jaegare ińko sewawạńạ.’