Genesis 15:13 - সান্তালী বাইবেল

¹³ Unre Probhu Isor do uniye metadea, “Noa katha do khạṭigem baḍaea, am bõsren hoṛko do nonkan mitʼṭecʼ disạmreko girobasokʼa one okaṭakʼ do apeakʼ baṅkan. Onḍe onko do eṭakʼkoren guti hoekate ponsae bochor hạbicʼko santao ocokʼa.

Genesis 15:13 Referans Kwoze

Exodus 1:11

Onate Misorrenko do gokʼ bhạriạ hotete santaoko lạgitʼ onko cetanre sordarko bahalketʼkoa. Ar Pharaoakʼ phosol jarwae lạgitʼ Israelko hotete Pitạm ar Ramesh noa barea murại nagrahako benaokeda.

Aposkạmi 7:17

“Abraham ṭhen Isor okaṭakʼe gokʼletʼ tahẽkan ona purạukʼ reakʼ okte seṭeren khan Misorre aboren hoṛ doko saṅge idiyena.

Galathiko lạgitʼ Pạul Apostolakʼ ciṭhi 3:17

Ińakʼ katha reakʼ mane do noage, Isor do Abraham oktere mitʼṭecʼ kajak bondobose dohoakatʼ tahẽkana. Ar ponsae pegel bochor tayom ạn-ạrikoe emena, ar onate laha reakʼ bondobos do baṅ bạtil lena; menkhan uniyakʼ gokʼakʼ do bahal tahẽyena.

Levitikus 19:34

Apnar jạtrenko sãote cetʼlekape beoharetʼ onkage onko sãote hõ beoharpe. Ar apnar leka dulạṛkope, ente ape hõ Misorrenko talare upriạpe tahẽkana. Iń kangeạń aperen Probhu Isor do.

Genesis 17:8

Okaṭakʼ Kanan disạmre upriạ menam ona reakʼ jotoge jaejug hạbicʼ sompotti lekate am ar amren bõskoń ematʼkoa. Ar iń do onko sanamkoren Isoriń hoyena.

Dosar Biboron 10:19

Apehõ por jạtrenko dulạṛkope, ente Misorre apehõ por jạtrenkope tahẽkana.

Exodus 23:9

“Bidisiạ hoṛ alom santaokoa. Bidisiạ tahen cetʼkana mente ona do ape hõpe baḍaegea, ente Misor disạmre ape hõ bidisiạpe tahẽkana.

Exodus 22:21

“Bidisiạ hoṛ sãote bạṛicʼ alope beohara se alope santaoea, ente Misor disạmre ape hõ bidisiạpe tahẽkana.

Genesis 15:16

Menkhan am bõsren pon piṛhiren hoṛ do nonḍeko ruạṛ hijukʼa, ente Amorikoakʼ ghạṭ do nonka ạuri hoyokʼa one onate onkoń sạjạiko.”

Genesis 47:4

Onko do arhõko menkeda, “Ale do noa disạmre thoṛa din lạgitʼ tahenle hecʼakana. Kanan disạmre ńitokʼ do ạḍi akal calakʼkana ar onḍe aleren bhiḍi-meromko ạtińko lạgitʼ jãhãn ghãsko hõ bạnukʼa. Onate dayakate amren golamko do Gosenre tahen lạgitʼ hukum emalem.”

Exodus 1:13

Onko do arhõ jorjulum salakʼ golamko khaṭaoketʼkoa.

Exodus 2:24

Isor do onkoakʼ rakʼe ańjomketʼtakote Abraham, Isahak ar Jakob lạgitʼ okaṭakʼ bondobose doholetʼ ona kathae disạkeda.

Exodus 3:8

Misorrenkoakʼ ti khon onko rukhiyạko lạgitʼ iń doń pheḍ hecʼakana. Iń do ona disạm khoniń oḍok ạgukoa ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idikoa. Ona disạm do maraṅgea ar mońjgea; onḍe do toa ar dumur rasa reakʼ jãhãn okulạnge bạnukʼa.

Exodus 3:10

Onate am do ńitge calakʼme. Iń do Pharao ṭheniń koletʼmea. Ar senkate am do ińren hoṛko, metakʼme Israelko Misor khonem oḍok ạgukoa.”

Exodus 3:17

Ona iạteń meneda, Misor reakʼ santao khoniń oḍok idipea ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idipea. Onḍe do toa, dumur rasa ar jãhãn cetʼ reakʼ reṅgecʼge bạnukʼa.’

Dosar Biboron 5:15

Disạime, amhõ Misor disạmre guti se kạ̃ṛmĩm tahẽkana ar amren Probhu Isor do acʼakʼ daṛeanakʼ tite onḍe khone oḍok ạgu akatʼmea. Ona iạte uni do jirạukʼ mãhã manao reakʼ hukume em akatʼmea.

Sereńko 105:42

Acʼren golam Abraham ṭhen oka sonot gokʼakʼe doholetʼ onae disạkeda.

Exodus 1:14

Khet reakʼ eṭakʼakʼ kạmi sãote onko cetanre cun suṛki ar iṭạ reakʼ hamal kạmiko ladeatʼkoa ar onkoakʼ jiwiko haṛhãtʼ cabaketʼtakoa. Onko do jor julumkate joto lekanakʼ kạmiko kạmi ocoketʼkoa.

Numeri 20:15

Aleren hapṛamko do Misor disạmteko senlena ar onḍe do ḍher bochor girobas akanle tahẽkana. Menkhan Misorren hoṛ do ale ar aleren hapṛamko cetanre bebạṛicʼko beoharetʼ tahẽkana ar onate ale do Probhu Isor ṭhenle rakʼkeda. Ar uni do aleakʼ rakʼe ańjomketʼtalete acʼren dutko kolkate Misor disạm khone oḍok ạguketʼlea. “Ar ńitokʼ ale do amakʼ rajosṭi reakʼ simạ ṭhen Kadesre menakʼlea.