Genesis 14:5 - সান্তালী বাইবেল

^5-6 Ar ona dosar bochor do Kedarlaomer raj ar uni sãotenko do senkate Rephayimko, Susiko, Emiko, Hamrenko bhagaoketʼkoa. Ar Rephayimko do Asterot Karnạimren, Susiko do Hamren, Emiko do Sawe kiriạthạimren ar Horiko do El- Paran reakʼ Seyir buru ṭoṭhareko bhagaoketʼkoa. El-Paran do hahaṅkar ṭoṭhare tahẽkana.

Genesis 14:5 Referans Kwoze

Dosar Biboron 3:11

Rephiyikoren sarecʼ hoṛko modre eken Basonren raj Ogge jiwetʼe tahẽkana. Uniyakʼ mẽṛhẽtʼ reakʼ benaoakʼ giticʼ aṭetʼ do jeleńte are moka ar osarte pon moka tahẽkana. Ona do ńitokʼ hõ Amonrenkoakʼ Raba nagrahare menakʼa.

Dosar Biboron 1:4

Amorikoren raj Sihon ar Edreyi nagraha reakʼ Bason disạmren raj Og bhagaokin tayom uni do onae sodorleda. Sihon do Hesbonre ar Og do Astarotreye rajokʼkan tahẽkana.

Genesis 15:20

Hittiko, Pherisiko ar Rephayiko,

Dosar Biboron 3:22

Onko do alope botorakoa; aperen Probhu Isorge ape secʼ hoykateye lạṛhạiya.’

Jirimiạ 48:23

Kiriyạthayimre, Beth-Gamulre, Beth-Meonre,

Jirimiạ 48:1

Moab reaṅ phạdkoren Probhu Isor doe meneda, “Nebore do hae hae! Ona do marao utạrokʼa. Kiriạthaim doe lajao ocokʼa ar eṭakʼkoakʼ tireye paṛaokʼa; uniyakʼ gaṛko do lajao ocokʼte rạputʼ dhaṅ dhaserokʼa.

Jesaea 17:5

Irokʼicʼ cetʼleka teṅgowakʼ phosole samṭao ar gele geleye ir jarwae, onkage Israelkoakʼ dosa do hoyokʼa. Rephayim buru nalare hoṛko cetʼleka hulạkʼko halaṅ jarwae onkage onkoakʼ dosa do hoyokʼtakoa.

Sereńko 106:22

Ham bõsrenkoakʼ disạmre hahaṛa kạmi reakʼ katha onko doko hiṛińkeda, ar arakʼ doreãore hoylen botoranakʼ kạmi hõko hiṛińkeda.

Sereńko 105:27

Onkin hotete Probhu Isor do Ham bõsrenkoakʼ disạmre sanamko samaṅre ạḍi lekan cinhạ ar hahaṛa kạmikoe kạmikeda.

Sereńko 105:23

Ona tayom Israel do Misorteye calaoena; ar Ham bõsrenkoakʼ disạmre Jakob do thoṛa dine tahẽyena.

Sereńko 78:51

Uni do Misor disạmren mitʼke mitʼ pạhil koṛa hoponkoe gocʼketʼkoa, uni do Ham bõsrenko reakʼ tạmburen ar daṛe juạnko hõe gocʼketʼkoa.

1 Bõsbudạ 14:9

Philisṭiko do hecʼkate Rephayim ṭhen jhãpko emkeda.

1 Bõsbudạ 11:15

Mitʼ dhao pe gel birbanṭako modre pe hoṛ do Adullum dander ṭhen okaṭakʼ maraṅ dhiri tahẽkan onḍe Dạud ṭhenko hecʼena. Unre mitʼ dol Philisṭi lạṛhại phạdko do Rophayem bilạn ṭạnḍireko ḍera akan tahẽkana.

2 Samuel 23:13

Mitʼ dhao phosol gegetʼ jokhecʼ pegel birbanṭa modre onko pene birbanṭa do Adulam danderte Dạud ṭhenko hecʼena. Unre Philisṭiren lạṛhại phạdko do Rephayim reakʼ buru lodamre hecʼkateko ḍera akan tahẽkana.

2 Samuel 5:22

Tayomte Philisṭiko do arhõ hecʼkate Rophayim otetreko pasnaoena.

2 Samuel 5:18

Ar Philisṭiko do hecʼkate Rephayim reakʼ buru otetekoreko pasnao idiyena.

Josuạ 13:31

Gilead reakʼ adha jaega ar Astarot ar Edreyi nagraha. Niạ banar nagraha khon Basoren raj Og doe rajokʼkan tahẽkana. Niạ jaegakin do Manaseren hopon Makirren adha hoṛkoren judạ judạ bõskoko emocolena.

Josuạ 13:19

Kiriạtheyim, Sibna, ar lodamko modre buru cetan reakʼ Selet nagraha,

Josuạ 13:12

Niạ do tahẽkana Basonren raj Ogakʼ rajosṭi. Uni do Astaroth ar Edreyi khone rajokʼkan tahẽkana. Rephiyiko talare un anecʼ hõ okoe do jiwetʼko tahẽkan onko modre uni hõe tahẽkana. Mose do onkoe bhagaoketʼkote onkoakʼ disạme hatleda.

Josuạ 12:4

Rephayiko modre okoe sarecʼko tahẽkan onko modre Basonren raj Og hõe tahẽkana. Uni do Astarot ar Edreyi khone rajokʼkan tahẽkana.

Dosar Biboron 3:20

Probhu Isor tinạkʼ din ape leka aperen boehako jirạukʼ reakʼ ạt bae emako ar jordan gaḍa hanasare okaṭakʼ disạm aperen Probhu Isor do onkoe emako lạgidokʼkan ona ạuriko ạidạri joṅ hạbicʼ ape do lạṛhạitege tahen hoyokʼtapea. Ar ona tayom do noa jaegape emocokʼa ar nonḍepe ruạṛ hecʼ daṛeakʼa.’

Genesis 14:4

Noa lahare noko rajko do gelbar bochor hạbicʼ Kedarlaomer gobolreko tahẽkana, menkhan gelpe bochorre hecʼkate onko doko hulkeda.

Numeri 32:37

Ruben gusṭiren hoṛko do Hesbon, Elale, Kirjathayim nagraha ar Nebo, Bakʼal Meon ar Sibma ńutumanakʼ atoko benaokeda. Ar okako atoko benaoketʼ onako do nãwãteko ńutum arokeda. Nebo Bakʼal Meon ato reakʼ ńutum doko bodol akatʼtahẽkana.

Dosar Biboron 3:13

Gilead disạm reakʼ sarecʼ hạṭiń ar Og rajakʼ goṭa Bason rajosṭi do Manasi gusṭiren adha hoṛkoń ematʼkoa. “Bason tala reakʼ sanam Argab ṭoṭha do Rephiyikoakʼ disạmko metakʼkan tahẽkana.

Josuạ 9:10

Ona chaḍa uni do Hisbonren raj ar Astarotre girobasokʼkan Basonren Og raj metakʼme jordan gaḍa purub secʼren Amorikoren rajkin cetanre okam ceka akatʼ ona hõle ańjom akada.