Genesis 14:20 - সান্তালী বাইবেল

²⁰ Okoe do amren bạiriko amakʼ tireye jimạketʼko uni maraṅ Isorakʼ sarhao baṛe hoyokʼtae ma.” Unre Abram do acʼakʼ ruạṛ ạguakatʼ jinisko reakʼ gel hĩs khon mitʼ hĩs do Melkisedeke emadea.

Genesis 14:20 Referans Kwoze

Genesis 28:22

Ar noa dhiri oka do cinhạ khunṭi lekań teṅgoketʼ nonḍege Isorakʼ oṛakʼ do hoyokʼa. E Isor, jãhãnakʼgem imạń ona reakʼ gel hĩs reakʼ mitʼ hĩs do amiń emama.”

Malaki 3:10

Apeakʼ jotowakʼ reakʼ gelakʼ hĩs do ińakʼ murạite ạguiype jemon ińakʼ oṛakʼ do jomakʼte perecʼ tahen. Noa babotre biḍạu aṭkarińpe, ente iń phạdkoren Probhu Isorge serma reakʼ joto duạrkoń jhija ar jạruṛape khon hõ bạ̃ṛti bhor iń dul apea.

Luk 18:12

Iń do haptare bar dhaoiń upạsetʼkana ar ińakʼ sanam upjạuakʼ ar rojgarakʼ khon gel hạṭiń reakʼ mitʼ hạṭiń do amiń emamkana.’

Genesis 24:27

“Bhạgạngeae Probhu Isor do, one okoe doe ińren kisạ̃ṛ Abrahamren Isor kan! Uni do ińren kisạ̃ṛe emade tahẽkan katha ar pạtiạrtetʼ udug do bae hiṛiń akada. Unige horkoe udukʼ ạguạdińa ar iń kisạ̃ṛren boehawakʼ oṛakʼteń hecʼakana.”

Ephesiko lạgitʼ Pạul Apostolakʼ ciṭhi 1:3

Aboren Probhu Jisu Mạsiren Baba ar Isorakʼ sarhao hoyokʼtae ma. Abo do Mạsi tulucʼ bon kolom mitʼ akante Isor do serma reakʼ mitʼke mitʼ jiuanakʼ bhore dan akatʼbona.

Romiko lạgitʼ Pạul Apostolakʼ ciṭhi 15:16

Sonot Jiu hotete okoe Jihudikoko bachao doho ocoakan, onko do Isor ṭhen jemon samaṅokʼakʼko hoydaṛeakʼ ona iạte uniyakʼ bhage sombat lại pasnaore naeke kạmiyiń kạmikana.

Malaki 3:8

Manwa do cetʼ Isore ṭhoka daṛekea? Menkhan ape do ińgepe ṭhoka edińkana. Enhõpe meneda, ‘ale do cekatele ṭhokayetʼmea?’ Gelakʼ hĩs ar dan babotre ape do ińpe ṭhokayediń kana.

Amos 4:4

“Ape do Betheltepe calakʼa arpe ghạṭa; Gilgalte senkate arhõ bạ̃ṛtipe ghạṭa. Din hilokʼ setakʼ reakʼ samaṅokʼakʼ jinisko ar pepe din hilokʼre apeakʼ gel hạṭiń reakʼ mitʼ hạṭiń jiniskope idiyetʼkana.

Sereńko 144:1

Probhu Isorakʼ sarhao hoyokʼtae ma, uni do ińren aotan gaṛge; uni do lạṛhại lạgitʼ ińakʼ tikine cetʼakawạdińa, ar ińakʼ kạṭupʼko do tapam lạgitʼge.

Sereńko 68:19

Bhorangeae Probhu Isor do, uni do dinạm hilokʼge aboakʼ bojhae ladejoṅ kana; unige aboren babańcaoicʼ Isor do. (Sela)

Sereńko 44:3

Onko do akoakʼ tarwaṛete noa disạm do bako ạidạrian tahẽkana, ar akoakʼ daṛete hõ bako jitạu daṛeada; amakʼ daṛe, hẽ amakʼ maraṅ daṛete, ar amakʼ ṭhonoktege ona doko onkaleda, ente onkore amakʼ daya do tahẽkana.

Nehemiạ 13:12

Ona tayom Jihudạren sanam hoṛko do akoakʼ anajko, nãwã darkha rasa ar sunumko reakʼ gelakʼ hĩs reakʼ mitʼ hĩs do khajańci oṛakʼteko ạgukeda.

Nehemiạ 10:37

Ona chaḍa aleakʼ holoṅ ar jomakʼ reakʼ pạhilakʼ hĩsko, dare reakʼ pạhilakʼ joko ar nãwã darkha rasa ar sunum reakʼ pạhilakʼ hĩs do aleren Probhu Isorakʼ oṛakʼre naekeko ṭhenle ạguiya. Ar aleakʼ gel hạṭiń reakʼ mitʼ hạṭiń do Liwiko ṭhenle ạguiya, ente aleakʼ joto atokore Liwiko do gel hĩsko hataoeda.

2 Bõsbudạ 31:12

Ona tayom hoṛko do dan-sandes, ar jotowakʼ jinis reakʼ gel hạṭiń reakʼ mitʼ hạṭiń ar Probhu Isor ńutumte begar dohoakatʼ jinisko pạtiạr salakʼ khajańci oṛakʼte ạguko ehopʼena. Konaniạ ńutuman mitʼṭen Liwi cetanre noako jinis ńel todarot reakʼ bhar do tahẽkana ar uniren boeha Simai do uniren gokʼṛoyicʼe tahẽkana.

Josuạ 10:42

Nonkate uni do mitʼ dhaore lạṛhại oḍokkate onko rajko ar onkoakʼ disạmkoe hatkeda, ente Israelkoren Probhu Isor do onko huyạteye lạṛhạilena.

Dosar Biboron 14:28

“Mimitʼ tesar bochor reakʼ sesre apeakʼ ona bochor reakʼ phosol reakʼ gel hạṭiń reakʼ mitʼ hạṭiń do nagraha bahrete ạgukatepe jarwaea.

Dosar Biboron 14:23

Aperen Probhu Isor botoraepe ar apeakʼ anaj ar phosol reakʼ, nãwã darkha rasa ar sunum reakʼ gel hạṭiń reakʼ mitʼ hạṭiń do emokʼ hoyokʼtapea. Ar aperen palren ḍaṅgra, bhiḍi, meromkoren pạhilicʼ hopon reakʼ jel do aperen Probhu Isor samaṅre nonkan ṭhạ̃ire jojom hoyokʼtapea one okaṭakʼ ṭhạ̃ire sodorokʼ lạgitʼte acʼakʼ tahen oṛakʼ menteye bachaojoṅ.

Dosar Biboron 12:17

Ona chaḍa apeakʼ, anaj, nãwã darkha rasa ar sunum reakʼ gel hạṭiń reakʼ mitʼ hạṭiń, ar ḍaṅgrako, bhiḍiko, meromkoren pạhil hoponko, apeakʼ manot akatʼakʼko, tulokʼ samaṅokʼakʼko ar kusiteakʼ danko do apeakʼ nij ato se nagrahakore jom do baṅ ganokʼtapea.

Numeri 28:26

“Eae hapta reakʼ porob dinre, metakʼme pạhilre rakabokʼ phosol samaṅokʼ hilokʼ tinre Probhu Isor ńutumte nãwã phosolpe samaṅa enhilokʼ do mitʼṭecʼ sonot ńapamokʼ sabhape hoeocoya ar enhilokʼ do jãhãnakʼ cetʼge alope kạmiya.

Genesis 9:26

Uni do arhõe menkeda, “Bhạgangeae Shemren Probhu Isor do. Ar Kanan do Shemren golame hoyokʼma.

Genesis 14:21

Sodomren raj do Abrame metadea, “Am do dhon durib sanamakʼ dohoyme menkhan eken ińren hoṛko imạńme.”

Genesis 47:24

Ar Phosol ir tayom do mõṛẽ hĩs reakʼ mitʼ hĩs Pharaope emaea, ar sarecʼ pon hĩs do jumi reakʼ itạ lạgitʼ ar gharońjren hoṛko ar gidrạko lạgitʼ jomakʼpe dohojoṅa.”

Genesis 47:26

Tayomte Joseph do Misor disạm reakʼ jaega-jumi reaṅ noae ạnkeda, joto phosol reakʼ mõṛẽ hĩs reakʼ mitʼ hĩs do Pharaoakʼ hoyokʼa. Ar noa ạn do teheń hạbicʼ hõ Misor disạmre calakʼkana. Eken naekekoakʼ jumikoge Pharaoakʼ sompotti modre baṅ paṛaolena.

2 Samuel 18:28

Ahimas do ãṭ aṛaṅte raj hohoadeteye menkeda, “Jotoge bhagegea.” Ona tayom uni do otre ombakʼkate raj ḍobokʼadeteye menkeda, “Amren Probhu Isorakʼ sarhao baṛe hoyokʼtae ma. Ińren mạlik maharaj upạrte okoe tiko tulletʼ tahẽkan onko do aboakʼ tireye soprot akatʼkoa.”