Genesis 14:14 - সান্তালী বাইবেল

¹⁴ Abram do tinreye ańjomkeda, acʼren sor peṛa do onko rajko sapʼ idiakadea unre uni do acʼren pesae irạl gel gạkhuṛ lạṛhại gutikoanteye oḍok calaoena ar Dan nagraha hạbicʼ bạirikoe khudạu idiketʼkoa. Noko gutiko do acʼakʼ oṛakʼregeko janamlena.

Genesis 14:14 Referans Kwoze

Bikʼcạrko 18:29

Nagraha reakʼ laha ńutum Layis tahẽkanre hõ onko do akoren hapṛamkoakʼ ńutum lekate ona reakʼ ńutum do Danko dohokeda. Dan do Israelren hopone tahẽkana.

Genesis 15:3

Am do hopon hõ bam emakawạdińa. Onate ińakʼ oṛakʼren mitʼṭen guti do ińakʼ sompottiren ạidạriyicʼe hoyokʼa.”

Sosolhayic̕ 2:7

Iń do ạḍi utạr guti ar kạ̃ṛmĩkoń kirińketʼkoa, ar aema guti kạ̃ṛmĩko do ińakʼ oṛakʼreko janamena. Iń lahate Jerusalemre okoeko tahẽkan onko khon ińren do ạḍi utạr ḍaṅgra ar bhiḍiko tahẽkana.

Dosar Biboron 34:1

Ona tayom Mose do Moab ṭạnḍi khon Nebo burute, Jerikho mohnḍa muhunḍire menakʼ Pisga reakʼ muthnireye decʼena. Ar Probhu Isor do onḍe khon goṭa disạme udukʼadea. Uni do Gilead khon Dan hạbicʼ goṭa jaega,

Genesis 17:27

Ona sãote oṛakʼren eṭakʼ sanam herel hoponko, metakʼme, okoe do uniyakʼ oṛakʼreko janamlen ar bedisiạ ṭhen khonko kiriń ocolen onko jotogeko khatna ocoyena.

Genesis 17:12

Piṛhike piṛhi aperen sanam herel hoponko do janam tayom irạl din hilokʼrepe khatna ocokʼa. Am bõsren jãhãegeye baṅkanre hõ amakʼ oṛakʼren gutikan khane uni hõm khatna ocoyea, ar amakʼ oṛakʼreye janam akan nonkan jãhãe guti se bidisiạko ṭhen khone kiriń akan uni guti hõ khatna ocoye hoyokʼa.

Genesis 12:5

Uni do acʼren bạhu Sạri ar bhạcạt koṛa Lote soṅgekedea are oḍok hecʼena. Ar acʼakʼ sanamakʼko soṅgekate ar tinạkʼ guti kạ̃ṛmĩko Haranreye ńamletʼko onko soṅgekate uni do Kanan disạmteye seṭerena.

1 Johan 2:18

E hoponińko, noa kangea mucạtʼ okte do. Apepe ańjom akada je, Mạsiren bạiriye hijukʼkana mente, menkhan ńitrege uniren do arhõ aema bạiriko hecʼakana. Onate bon bujhạu daṛeakʼkana, noa kangea mucạtʼ okte do.

Sereńko 68:12

Onko maejiu doko meneda, “Lạṛhại phạdkoren raj doko dạṛjoṅ kana, onko doko dạṛjoṅ kana, ar oṛakʼre menakʼko maejiuko do luṭakʼ jinisko hạṭińjoṅ kana.

Bikʼcạrko 20:1

Inạ tayom Gileadren Israelko ar Dan khon Ber-seba hạbicʼ sanam jaegaren hoṛko oḍokʼ hecʼena ar Mispare Probhu Isor ṭhenko jarwayena.

Genesis 23:6

“Aleakʼ katha ańjomme. Am do nonḍe ale talare Isorren ojokʼicʼ mitʼṭen mukhiyạm hoyakana. Aleakʼ joto khon mońj utạrakʼ toparege amren bạhu do topakaeme. Amren bạhu topaye lạgitʼ aleko modre okoehõ acʼakʼ topa ṭhạ̃i aṛag do bae baron mea.”

Genesis 18:19

Iń Probhu Isor do noa lạgitʼge uniń bachao akadea jemon acʼren hoponko ar oṛakʼren eṭakʼ sanamko dhorom ar ińakʼ sanaleka calakʼ reakʼ solhae emako. Ar onko do uniyakʼko ańjomtaete onka lekako calakʼ, enḍekhan iń Probhu Isor do Abraham reaṅ okań menakatʼ onageń onkaea.”

Genesis 13:8

Unre Abram do Lote metadea, “Ńelme, sor peṛa kanalaṅ. Onate alaṅ talare ar alaṅren gutiko talare jhogṛakʼ do baṅ ṭhika.

Genesis 12:16

Sạri iạte Pharao do Abram sãote mońj beohare ehopʼkeda. Ar Abraham do bhiḍiko, ḍaṅgrako, gadhako, ũṭko, guti ar kạ̃ṛmĩkoe ńamketʼkoa.

Kạhtukko 17:17

Gate do jaogeye dulạṛa, ar boeha do muhinre goṛowam lạgitʼgeye janamokʼ kana.

Genesis 14:12

Abramren bhạcạt koṛa Lot do unre Sodomreye girobasokʼ kan tahẽkana. Onko raj do uniyakʼ dhon durib sudhạ uni hõko sapʼ idikedea.

Genesis 14:16

Uni do luṭakʼ sanam jiniskoe ruạṛ ạgukeda ar acʼren bhạcạt koṛa ar uniyakʼ dhon duribko hõe ruạṛ ạguketʼtaea. Ona sãote maejiuko ar eṭakʼ sanam hoṛko hõe chaḍao ạguketʼkoa.

Genesis 17:23

Isorakʼ katha leka Abraham do enhilokʼge Ismaele khatna ocokedea. Ona sãote uni do kirińko se oṛakʼreko janam akan nonkan sanam gutiko, metakʼme uniyakʼ oṛakʼren sanam herel hoponkoe khatna ocoketʼkoa.

1 Rapajko 15:20

Asa rajakʼ kathate Benhadad doe rạjiyena ar Israelkoakʼ ato ar nagrahako upạrte acʼren subedarkoe kolketʼkoa. Uni do Ison, Dan, Abel-Betmaka ar goṭa Kinerot ar ona sãoteakʼ Napthali ṭoṭhae hatkeda.

Jirimiạ 41:12

unre onko do akoren sanam hoṛko soṅgekate uni tulucʼ lạṛhại lạgitʼko oḍok senena. Ar Gibeon reakʼ maraṅ pukhri ṭhen uniko ńamkedea.

1 Samuel 30:19

Onkoren thoṛa se ḍher umerren hoṛ, onkoren hopon ar hoponerako ar okako jinis Amalekikoko luṭ idiletʼ ona do jotowakʼgeye ruạṛ ạgukeda.