Genesis 13:9 - সান্তালী বাইবেল

⁹ Goṭa disạmge am samaṅre menakʼa. Onate dela, laṅ begarlenge. Am do leṅga secʼem bachaoan khan iń do jojom secʼ iń calakʼa ar jojom secʼem bachaoan khan iń do leṅga secʼ iń calakʼa.”

Genesis 13:9 Referans Kwoze

Ibriko 12:14

Sanam hoṛko tulucʼ sulukte tahen ar sonot hoyokʼ lạgitʼ ahkaokʼpe. Sonot begor Probhu Isor do okoe hõ bako ńelńamea.

Genesis 34:10

Ape do ale talare girobasokʼpe. Ente goṭa disạm do ape samaṅrege menakʼa. Nonḍege tahenpe, ar apeakʼ kusi leka dãṛã baṛaepe ar dhon sompottiren mạlik hoyokʼpe.”

Genesis 20:15

Ar Abrahame metadea, “Ńelme, ińakʼ goṭa disạmge am samaṅre menakʼa. Jãhãregem kusikʼ onḍege am dom girobas daṛeakʼa.”

1 Korinthiko 6:7

Ape do mimitʼ hoṛ upạrtepe mamblakʼ kante noage sạbudokʼ kana je, ape dope bhagao ocoakana. Ona khon bickom behok ocokʼge cedakʼ bape sahaoeda? Ar cedakʼ bape recʼ ocokʼkana?

Romiko lạgitʼ Pạul Apostolakʼ ciṭhi 12:18

Daṛeakʼ bhor sanam hoṛko sãote sulukte tahenpe.

Sereńko 120:7

Iń do sulukiń dulạṛeda, menkhan tinre suluk reakʼ kathań roṛeda unre onko do lạṛhạiko khojkana.

Genesis 13:8

Unre Abram do Lote metadea, “Ńelme, sor peṛa kanalaṅ. Onate alaṅ talare ar alaṅren gutiko talare jhogṛakʼ do baṅ ṭhika.

Genesis 13:10

Unre Lot do Jordan reakʼ bilạn ṭạnḍire ḍher dakʼko ar jaega hõ mońjgeye ńelkeda, metakʼme Probhu Isorakʼ bagwan leka, ar onka baṅre hõ Soyer calakʼ hor reakʼ Misor leka. Probhu Isor do un hạbicʼ hõ Sodom ar Gomora do bae ḍahao marao akatʼ tahẽkana.

Jirimiạ 40:4

Menkhan teheń iń do amakʼ ti reakʼ tonol baber khoniń chaḍaoketʼmea. Amem khoj khan iń sãote Babeltem sen daṛeakʼa, iń do amiń ńel sãohamea; ar iń tulucʼ calakʼ bam menetʼ khan alom calakʼa. Ńelme, goṭa disạmge am samaṅre menakʼa; amakʼ kusi lekam tahẽ daṛeakʼa.”