Genesis 13:13 - সান্তালী বাইবেল

¹³ Sodomren hoṛko do ạḍi bạṛicʼko tahẽkana onko do Probhu Isor upạrte ạḍiko ghạṭ akatʼ tahẽkana.

Genesis 13:13 Referans Kwoze

2 Patras 2:10

Ona chaḍa okoe Isor botoraekoko baṅkan, asokaete okoe do akoakʼ kusi sana lekako calakʼkan ar ḍanṭao bako moneyakʼkan, onko sạjạiko lạgitʼ uni do bicạr din hạbicʼ dohoko hõe baḍaegea. Noko eṛe cecetʼko do ạḍi dilanko kanako. Onko do akoakʼ kusi sana lekako calakʼa ar ṭhonokanko upạrte henosta kathako roroṛ hõ bako botorokʼa.

Jihudạwakʼ ciṭhi 1:7

Sodom, Gomora ar onakin beṛhaeteakʼ joto nagrahakoren hoṛko hõ ṭhik onko lekageko laṭghaṭetʼ tahẽkana. Okoe jaejug seṅgelre khadlekʼ reakʼ kuṛạiko ńam noko do onkoakʼ nạmunageko hoyakana.

Romiko lạgitʼ Pạul Apostolakʼ ciṭhi 1:27

Onkage herel hõ maejiuko baṅkate herel tulucʼ rij roṅteko jaljalaokʼ kana; ar herel do herel tulucʼ lajao paṛaoakʼ bạṛicʼakʼ kạmiko kạmikana. Onate onko mitʼke mitʼ hoṛ do akoakʼ bạṛicʼ kạmi reakʼ sạjại akoregeko ńameda.

Jirimiạ 23:24

Jãhãege cetʼ nonkan danaṅ jaegareye oko daṛeakʼa okare bạń ńelńam daṛeae? Iń do serma ar ot reakʼ sanam ṭhạ̃irege cetʼ bạń tahẽnkana?”

Ibriko 4:13

Sirjon reakʼ okaṭakʼ hõ Isor ṭhen do okoanakʼ bạnukʼ anaṅ. Okoe ṭhen aboakʼ hisạb emokʼ hoyokʼ uni ṭhen do sanamakʼge oṭakʼgea ar sodorgea.

Mathae 9:13

Iń do mãyãgeń kusiyakʼ kana, dãṛẽ do baṅ, sonot sostorre noa katha reakʼ mane cetʼkana mente ona baṛe ḍunḍhạukate ńelpe. Ente dhorom hoṛ hohoako lạgitʼ do baṅ, menkhan kại hoṛko lạgitʼgeń hecʼakana.”

Genesis 18:20

Ona tayom Probhu Isore menkeda, “Sodom ar Gomora upạrte ạḍi gulmal calakʼkana, ar onkoakʼ kại do ạḍi bạṛicʼgetakoa.

Johan 9:31

Baḍaegea bon Isor do kại hoṛakʼ katha bae ańjoma. Menkhan jãhãege Isor sewa hoṛe hoyokʼ ar uniyakʼ sanalekae kạmi enḍekhan Isor do uniyakʼe ańjomtaea.

Mathae 9:10

Inạ tayom Jisu do Mathaeyakʼ oṛakʼre jojome duṛupʼena. Unre ạḍi utạr mạsul uṭhạuko ar bạṛicʼ hoṛko hõ hecʼkate Jisu ar uniren celako sãote jom lạgitʼko duṛupʼ panteyena.

Jesaea 1:9

Phạdkoren Probhu Isor do abo lạgitʼ adom adom hoṛko jiwetʼ bae doholeko khan enḍekhan aboakʼ dosa do Sodom ar Gomora leka hoykokʼa.

2 Rapajko 21:6

Uni do acʼren hopon seṅgelreye samaṅkedea. Uni do maya-biddạkoe beoharetʼ tahẽkana ar cinhạko ńelte tayom daram reakʼ kathakoe guniyetʼ tahẽkana ar okoe do bhutko ar bạṛicʼ jiuko sãote jopoṛaoko dohoyetʼ tahẽkan onko tulucʼe solhayetʼ tahẽkana. Uni do Probhu Isorakʼ mẽtʼre ḍher bạṛicʼakʼ kạmikate uniye khĩs ocoyede tahẽkana.

1 Samuel 15:18

Uni do mitʼṭecʼ kạmi lạgitʼe kolletʼmea are metatʼme tahẽkana, ‘am do senkate kạiyanko, metakʼme Amalekikom marao giḍikakoa. Onko ạuriko ḍahao maraokʼ hạbicʼ onko tulucʼem lạṛhạiya.’

Genesis 38:7

Menkhan Jihudạren nui hopon do Probhu Isor nońjorre bạṛicʼgeye tahẽkante jiwetʼ bae doholedea.

Genesis 15:16

Menkhan am bõsren pon piṛhiren hoṛ do nonḍeko ruạṛ hijukʼa, ente Amorikoakʼ ghạṭ do nonka ạuri hoyokʼa one onate onkoń sạjạiko.”

Genesis 10:9

Probhu Isor samaṅre uni do mitʼṭen sesendra birbanṭa hoṛge. Ona iạteko mena, “Nimrod do Probhu Isor samaṅre mitʼṭen birbanṭa sesendrayicʼ.”

Genesis 6:11

Onako dinre kại reakʼ bạṛicʼ so ar santao ar behokakʼkote dhạrti do perecʼ akan tahẽkana.

Johan 9:24

Ado okoe kãṛãgeye tahẽkan mukhiyạko do arhõ dosar dhao hohowadeteko metadea, “Am do sạri katha roṛte Isorge sabasi emaeme. Alele baḍaea uni doe kại hoṛ kana.”

Genesis 39:9

Noa oṛakʼre iń cetante ar celege bạnukʼkoa. Ar am do uniren bạhu kanam, onate eken am chaḍa ar sanamkoge iń tabereye dohoakatʼkoa. Ar iń do cekate nonkan bạṛicʼ kạmiń kạmite Isor upạrteń kại daṛekea?”

Numeri 32:23

Menkhan bape onkae enḍekhan ape do Probhu Isor upạrtepe kạiya. Ar noa baḍaekakʼpe, ona iạte apeakʼ kại khon rehae do bape ńama.

Genesis 19:13

ente noa ṭhạ̃i ḍahao marao lạgitʼge ạliń doliń sapṛao akana. Ente noa ṭhạ̃iren hoṛkoakʼ rakʼ do Probhu Isor ṭhen seṭer akana, ar ạliń do ona ḍahao marao lạgitʼ liń kol ocoakana.

1 Samuel 2:17

Probhu Isorakʼ mẽtʼre juạn naekekinakʼ kại do ạḍi bạṛicʼ ńelena, ente unkin do Probhu Isor ńutumte samaṅokʼakʼ jiniskokin nindạuetʼ tahẽkana.

Jirimiạ 23:14

Ona chaḍa Jerusalemren nạbiko talare do noa botoranakʼ jinisgeń ńelakada, onko do laṭghaṭ ar eṛeyakʼre jionko khemaokana. Onko do sasantaokoakʼ tiko keṭecʼetʼtakoa jemon dusṭạmi khon okoe hõ aloko ruạṛ daṛeakʼ. Onko sanamkoge iń ṭhen do Sodom ar Gomoraren hoṛ lekako hoyakana.