Genesis 12:8 - সান্তালী বাইবেল

⁸ Ar ona tayom onḍe khon Bethel nagraha reakʼ purub secʼre menakʼ buru ṭoṭha secʼe calao idiyena ar pạchimre Bethel ar purubre Ae nagraha reakʼ tala jaegareye ḍerayena. Uni do Probhu Isor lạgitʼ onḍe hõ mitʼṭecʼ pinḍe benaokeda ar Probhu Isore sewawadea.

Genesis 12:8 Referans Kwoze

Nehemiạ 11:31

Benjạmin gusṭiren hoṛko okako atokoreko girobasokʼ kan tahẽkan onako do hoyokʼkana Geba, Mikmas, Aijare, Bethel ar ona sorteakʼ atoko,

Genesis 4:26

Ar Sethren do mitʼṭen koṛa hopone janamena. Uniyakʼ ńutum do Enose dohoketʼtaea. Ar unkhon hoṛko do Probhu Isorakʼ ńutum manotko ehopʼkeda.

Genesis 21:33

Abraham do Ber-Sebare Probhu Isor, metakʼme okoe do etohopʼ ar ses bạnukʼtae uni Isore sewawadea. Ar onḍe do mitʼṭecʼ jhão dareye rohoekeda.

Genesis 28:19

Ar ona jaega reakʼ ńutum do Bethele dohokeda (metakʼme, “Isorakʼ oṛakʼ ”). Noa jaega sor reakʼ nagraha do Lus ńutum tahẽkana.

Aposkạmi 2:21

Ar bańcao ńam lạgitʼ, Probhu Isor okoeye hohowae uni doe bańcaokʼa.’

Joel 2:32

Unre rukhiyạ ńam lạgitʼ jãhãege Probhu Isore hohowae uni do rukhiyại ńama, ente Probhu Isorakʼ katha leka Sion bururen ar Jerusalemren adom hoṛ do rukhiyạko ńama. Isor okoeye bachao akatʼko onko do rukhiyạ akan hoṛ talareko tahena.

Jesaea 10:28

Onko do Aieteko bolo akana, Migronko parom akada; onko do Mikmasre akoakʼ jiniskoko doho oṭoakada.

Sereńko 116:4

Unre Probhu Isor do hohoadeteń metadea, “E Probhu Isor, am ṭheniń nehõrokʼ kana, am do ińakʼ jiwi bańcaotińme.”

Josuạ 18:22

Bet-Araba, Semarayim, Bethel,

Josuạ 8:17

Ar Israel tayom tayomteko ńir calaoen khan Ae nagrahare mitʼṭen herel hoṛ hõ ar bako sarecʼlena. Onko do nagraha reakʼ phaṭok jhicʼakatʼge Israel tayomteko ńir calaoena.

Josuạ 8:3

Unre Josuạ do Ae nagraha akromon lạgitʼ gelpe hajar lạṛhại birkoe bachaoanteye oḍok calaoena. Ar ńindạ jokhecʼ onko do noae hukumatʼkoa, “Ańjompe, ape mod khon thoṛa lạṛhại phạd do nagraha tayom secʼrepe oko dohokakoa. Ar nagraha khon ḍher sạṅgiń do alope calakʼa. Sanamkoge sapṛao akaepe tahena.

Josuạ 7:2

Josuạ do Jerikho nagraha khon Ae nagrahate hoṛe kolketʼko. Ona nagraha do Bethel nagraha purub Beth-awer nagraha sorre tahẽkana. Hoṛko kolko jokhecʼ uni do onkoe metatʼkoa, “Senkate disạm do mońjte ńel ạguiype.” Ar onate hoṛko do Ae nagrahate senkate hape hapete khoborko ạgukeda.

Genesis 35:3

Ona tayom do dela, Bethelte bon calakʼa. Iń do onḍe Isor lạgitʼ mitʼṭecʼ pinḍ iń benaoa ente uni do muhinreye goṛowạdiń tahẽkana ar joto jaegarege iń sãoteye tahẽkana.”

Ibriko 11:9

Isor do okaṭakʼ disạm Abraham emae lạgitʼe gokʼade tahẽkana uni do biswạs iạtege bedisiạ hoṛ lekate onḍeye berelena. Ar uni sãote okoe do inạ mitʼ gokʼakʼren bhor reakʼ bhạgiạdarko tahẽkan Isạhak ar Jakob leka uni hõ tạmbukoreye ḍerakʼkan tahẽkana;

Genesis 8:20

Ona tayom Noha do Probhu Isor ńutumte mitʼṭecʼ pinḍe benaokeda ar mimitʼ jạtren sapha janwarko ar cẽṛẽko khon hataokate pinḍ cetanreye dãṛẽketʼkoa.

Genesis 13:18

Unre Abram do acʼakʼ tạmbukoe uṭhạukeda ar Hebron ṭoṭha reakʼ Mamre ńutuman mitʼṭen hoṛakʼ sonot dareko ṭhene ḍerayena. Ar onḍehõ uni do Probhu Isor lạgitʼ pinḍe benaokeda.

Genesis 22:9

Ar oka jaega reakʼ katha Isor do Abrahame metade tahẽkan onḍekin seṭerena. Onḍe seṭerkate unkin do mitʼṭecʼ pinḍkin benaokeda ar onare sahankin ladekeda. Ar Abraham do Isahakakʼ ti-jaṅgae tolketʼtaete ona pinḍ reakʼ sahan cetanreye dohokedea.

Genesis 26:25

Unre Isahak do onḍe mitʼṭecʼ pinḍe benaokeda ar Probhu Isore sewawadea. Onḍege uni doe ḍerayena ar acʼren gutiko mitʼṭecʼ kuńko lakeda.

Josuạ 8:9

Inạ tayom Josuạ do onkoe kolkatʼkoa. Onko do Ae nagraha reakʼ pạchim secʼre senkate mitʼṭecʼ jaegareko okoyena. Ona jaega do Bethel ar Ae reakʼ talare tahẽkana. Josuạ do enhilokʼ ńindạ sarecʼ lạṛhại phạdko sãoteye tahẽyena.

Josuạ 8:12

Josuạren mõṛẽ hajar lạṛhại phạdko do nagraha reakʼ pạchim secʼ Bethel ar Ae tala reakʼ mitʼṭecʼ jaegareko oko tahẽyena.

1 Samuel 30:27

Ar okoe murubbiko ṭhen onako kol hoyen onako do Bethlehemrenko lạgitʼ, Negeb reakʼ Ramotrenko lạgitʼ, Jatirrenko lạgitʼ,

Genesis 31:25

Jakob okare tạmbu ṭaṅgaokateye ḍera akan tahẽkan, onḍege Laban do senkate uniye sapʼ tiyokʼkedea. Laban ar uniren peṛa-pạrbhạko hõ Gilead reakʼ ona bururege tạmbuko ṭaṅgaokeda.

Genesis 33:20

Ar onḍe do mitʼṭecʼ pinḍe benaokeda ar ona reakʼ ńutum do El-Elohe Israele dohokeda (metakʼme “Isor doe Israelkoren Isor kana”).

Genesis 35:7

Onḍe uni do mitʼṭecʼ pinḍe benaokeda. Ar ona jaega reakʼ ńutum do El-Bethele dohokeda (metakʼme “Bethelren Isor”), ente boeha ṭhen khone dạṛletʼ jokhecʼ Isor do onḍege uni ṭhene sodorlena.

Exodus 17:15

Tayomte Mose do mitʼṭecʼ pinḍ benaokate ona reakʼ ńutum do Jehowa-nisiye (metakʼme “Probhu Isorge ińakʼ jhạnḍi”) dohokeda.

Josuạ 8:30

Inạ tayom Israelko ṭhen emakʼ Probhu Isorren guti Moseyakʼ hukum leka Josuạ do Ebal buru cetanre Israelko lạgitʼ Probhu Isor ńutumte mitʼṭecʼ pinḍe tearkeda. Moseyakʼ ạn-ạri reakʼ puthire cetʼleka ol menakʼ onkage uni doe benao ocokeda. Pinḍ benaore jãhãn pahṭa dhirite do baṅ ar onare mẽṛhẽtʼ reakʼ jãhãn jontropati hõ baṅ beoharlena. Ona pinḍ cetanre Israelko do Probhu Isor ńutumte jeredokʼ ar suluk samaṅokʼakʼko samaṅkeda.

Josuạ 22:10

Ona tayom onko do Kanan disạm reakʼ jordan ṭhenko seṭeren khan gaḍa aṛere mitʼṭen maraṅ okocʼ pinḍko benaokeda.

Bikʼcạrko 6:24

Unre Gideon do Probhu Isor ńutumte onḍe mitʼṭecʼ pinḍe benaoketʼte ona reakʼ ńutum do Jehowa-Shalome dohokeda (mane do “Probhu Isorge suluktetʼ”). Ar ona pinḍ do teheń hạbicʼ Abieser gusṭikoakʼ Ophrare menakʼa.