Genesis 12:5 - সান্তালী বাইবেল

⁵ Uni do acʼren bạhu Sạri ar bhạcạt koṛa Lote soṅgekedea are oḍok hecʼena. Ar acʼakʼ sanamakʼko soṅgekate ar tinạkʼ guti kạ̃ṛmĩko Haranreye ńamletʼko onko soṅgekate uni do Kanan disạmteye seṭerena.

Genesis 12:5 Referans Kwoze

Genesis 14:14

Abram do tinreye ańjomkeda, acʼren sor peṛa do onko rajko sapʼ idiakadea unre uni do acʼren pesae irạl gel gạkhuṛ lạṛhại gutikoanteye oḍok calaoena ar Dan nagraha hạbicʼ bạirikoe khudạu idiketʼkoa. Noko gutiko do acʼakʼ oṛakʼregeko janamlena.

Genesis 11:31

Abram do, Lot ar Sạri soṅgekate Kanan disạm reakʼ Terahte calakʼ iạte Kạldikoakʼ disạm Ur nagraha khone mohnḍayena. Abram do Terahren hopone tahẽkana, ar Lot do Terahren goṛomtetʼ koṛa, metakʼme, Haranren hopon, ar Sạri do Terahren hopon Abramren bạhui tahẽkana. Pạhilre onko do Haran ńutumanakʼ mitʼṭecʼ nagraha hạbicʼko calaoena ar onḍe girobasokʼko ehopʼena.

Aposkạmi 7:4

“Onate uni do Kạldikoakʼ disạm bạgikate Haran nagrahare senkateye berelena. Ar ńit oka disạmrepe girobasokʼ kan Isor do Abraham nonḍegeye kolledea uniren apattetʼe gocʼen tayom.

Genesis 14:21

Sodomren raj do Abrame metadea, “Am do dhon durib sanamakʼ dohoyme menkhan eken ińren hoṛko imạńme.”

Genesis 10:19

Sidon nagraha khon Gerare calakʼ horre Gaja hạbicʼ ar Gaja khon Sodom, Gomora, Adma ar Seboyim calakʼ horre Lasa hạbicʼ Kananrenkoakʼ reakʼ simạ do tahẽkana.

Genesis 13:5

Lot, okoe do Abram sãoteye tahẽkan, uniren hõ aema ḍaṅgra, bhiḍi, merom ar tạmbuko tahẽkantaea.

Genesis 13:6

Menkhan mitʼ ṭhen kin tahẽdaṛeakʼ nonkan jaega do baṅ tahẽkana. Unkin bana hoṛrenge ạsul janwarko ar tạmbuko nunạkʼ ḍher tahẽkante mitʼ ṭhen tahen do muskilge tahẽkantạkina.

Genesis 28:10

Jakob do Ber-seba bạgikate Haran nagraha secʼe mohnḍayena.

Genesis 36:6

Tayomte Esau do acʼren bạhuko, gidrạko ar oṛakʼren eṭakʼ sanamko, ḍaṅgrako, bhiḍiko ar eṭakʼ janwarko tinạkʼ do Kanan disạmreye hameṭan tahẽkan ona sanam dhon-duribko hataokate acʼren boeha Jakob khon sạṅgiń mitʼṭecʼ disạmteye calaoena.

Levitikus 22:11

Menkhan naekeye kiriń akade guti ar acʼakʼ oṛakʼreye janam akan nonkan jãhãe guti do onae jom daṛeakʼa.

Genesis 11:27

Noa do hoyokʼ kana Terahren bõskoakʼ katha. Terahren hoponkoakʼ ńutum do tahẽkana Abram, Nahor ar Haran, ar Haranren hoponakʼ ńutum do Lot.