Genesis 12:4 - সান্তালী বাইবেল

⁴ Probhu Isorakʼ katha lekage Abram doe oḍokena ar Lot hõ uni soṅgeteye calaoena. Haran nagraha bạgiyakʼ jokhecʼ Abramakʼ umer do eaegel mõṛẽ bochor tahẽkana.

Genesis 12:4 Referans Kwoze

Ibriko 11:8

Isor do Abrahame hohowade tahẽkanre biswạs iạtege Isorakʼ kathareye gobolena ar ạidạṛi lekate okaṭakʼ jaega ńam reakʼ katha tahẽkantae ona jaegateye calaolena. Unre bae bujhạu akatʼ tahẽkana okateye calakʼkana mente ar enhõ uni doe monḍhalena.

Genesis 11:31

Abram do, Lot ar Sạri soṅgekate Kanan disạm reakʼ Terahte calakʼ iạte Kạldikoakʼ disạm Ur nagraha khone mohnḍayena. Abram do Terahren hopone tahẽkana, ar Lot do Terahren goṛomtetʼ koṛa, metakʼme, Haranren hopon, ar Sạri do Terahren hopon Abramren bạhui tahẽkana. Pạhilre onko do Haran ńutumanakʼ mitʼṭecʼ nagraha hạbicʼko calaoena ar onḍe girobasokʼko ehopʼena.

Genesis 11:27

Noa do hoyokʼ kana Terahren bõskoakʼ katha. Terahren hoponkoakʼ ńutum do tahẽkana Abram, Nahor ar Haran, ar Haranren hoponakʼ ńutum do Lot.

Aposkạmi 7:4

“Onate uni do Kạldikoakʼ disạm bạgikate Haran nagrahare senkateye berelena. Ar ńit oka disạmrepe girobasokʼ kan Isor do Abraham nonḍegeye kolledea uniren apattetʼe gocʼen tayom.

Ibriko 6:15

Noa iạte Abraham doe sombhuriketʼ khan Isor oka emae lạgitʼe gokʼade tahẽkan onae ńamkeda.

Genesis 16:3

Onate Kanan disạmre Abram do gel bochore khemaoketʼ tayom Sạri do acʼren Misiriạ kạ̃ṛmĩ Hagar sãote Abrame baplakadea.

Genesis 16:16

Abram irạl gel turui bochor umer tahẽkanre Ismael doe janamena.

Genesis 25:7

Abrahamren do jotote mitʼsae eaegel mõṛẽ bochor jiwetʼe tahẽkana.

Genesis 28:10

Jakob do Ber-seba bạgikate Haran nagraha secʼe mohnḍayena.

Genesis 13:5

Lot, okoe do Abram sãoteye tahẽkan, uniren hõ aema ḍaṅgra, bhiḍi, merom ar tạmbuko tahẽkantaea.