Genesis 11:31 - সান্তালী বাইবেল

³¹ Abram do, Lot ar Sạri soṅgekate Kanan disạm reakʼ Terahte calakʼ iạte Kạldikoakʼ disạm Ur nagraha khone mohnḍayena. Abram do Terahren hopone tahẽkana, ar Lot do Terahren goṛomtetʼ koṛa, metakʼme, Haranren hopon, ar Sạri do Terahren hopon Abramren bạhui tahẽkana. Pạhilre onko do Haran ńutumanakʼ mitʼṭecʼ nagraha hạbicʼko calaoena ar onḍe girobasokʼko ehopʼena.

Genesis 11:31 Referans Kwoze

Nehemiạ 9:7

“Am kangeam Probhu Isor do. Abram do amgem bachaoledea ar Kạldikoakʼ disạm Tur khonem oḍok ạguledea ar amge uniyakʼ ńutum do Abrahamem doholetʼtaea.

Genesis 24:10

Niạ tayom uni guti do acʼren kisạ̃ṛren ũṭko khon gel goṭen ũṭe hataoketʼkoa. Ar kisạ̃ṛakʼ joto lekan jinis khon thoṛa thoṛa hataokate Aram-Naharaim disạmteye mohnḍayena.

Genesis 12:4

Probhu Isorakʼ katha lekage Abram doe oḍokena ar Lot hõ uni soṅgeteye calaoena. Haran nagraha bạgiyakʼ jokhecʼ Abramakʼ umer do eaegel mõṛẽ bochor tahẽkana.

Genesis 15:7

Probhu Isor do Abrame metadea, “Iń kangeạń Probhu Isor do. Noa disạmem ạidạrijoṅ lạgitʼ ińge Kạldikoakʼ Ur nagraha khoniń oḍok ạguakatʼmea.”

Genesis 11:32

Terah do barsae mõṛẽ bochor umer tahẽkanre Haran nagraharegeye gocʼena.

Genesis 10:19

Sidon nagraha khon Gerare calakʼ horre Gaja hạbicʼ ar Gaja khon Sodom, Gomora, Adma ar Seboyim calakʼ horre Lasa hạbicʼ Kananrenkoakʼ reakʼ simạ do tahẽkana.

Ibriko 11:8

Isor do Abrahame hohowade tahẽkanre biswạs iạtege Isorakʼ kathareye gobolena ar ạidạṛi lekate okaṭakʼ jaega ńam reakʼ katha tahẽkantae ona jaegateye calaolena. Unre bae bujhạu akatʼ tahẽkana okateye calakʼkana mente ar enhõ uni doe monḍhalena.

Genesis 27:43

Onate beṭa, ińakʼ katha ańjomme. Am do Haran nagrahate ińren boeha Laban ṭhen dạṛme ar amren boehawakʼ raṅgao ạuri cabakʼ hạbicʼ onḍege tahenme.

Genesis 24:15

Uniyakʼ katha ạuri mucạdokʼrege Rebeka do kanḍa hermetʼkate nagraha khone oḍokʼ hecʼena. Uni do Bethuelren hoponerae tahẽkana. Ar Bethuel do Abrahamren boeha Nahorren bạhu Milkạren hopon kanae.

Genesis 12:5

Uni do acʼren bạhu Sạri ar bhạcạt koṛa Lote soṅgekedea are oḍok hecʼena. Ar acʼakʼ sanamakʼko soṅgekate ar tinạkʼ guti kạ̃ṛmĩko Haranreye ńamletʼko onko soṅgekate uni do Kanan disạmteye seṭerena.

2 Rapajko 19:12

Ińren hapṛamko do okoe jạtren hoṛko marao giḍiletʼko onkoren debotako, metakʼme Gosan, Haran, Reseph ar Telasarreko girobasokʼkan Edonren debotako do cetʼ onkoko rukhiyạ daṛeatʼko tahẽkana?

Jobakʼ 1:17

Dosaricʼ hoṛ do unhõ kathae roroṛkan tahẽkanrege ar mitʼ hoṛ do hecʼkateye khobore lạikeda, “Kolodiạko do pe hạṭińte hạṭińkate amren ũṭkoko idiketʼkoa. Onko do amren gutikoko gocʼketʼkoa. Ar am khoboram lạgitʼ eken iń eskargeń paskao akana.”

Jesaea 37:12

Ińren hapṛamko do okoe jạtren hoṛko marao giḍiletʼko onkoren debotako, metakʼme Gosan, Haran, Reseph ar Telasarreko girobasokʼ kan Edonren debotako do cetʼ onkoko rukhiyạ daṛeatʼko tahẽkana?

Genesis 14:12

Abramren bhạcạt koṛa Lot do unre Sodomreye girobasokʼ kan tahẽkana. Onko raj do uniyakʼ dhon durib sudhạ uni hõko sapʼ idikedea.

Genesis 28:10

Jakob do Ber-seba bạgikate Haran nagraha secʼe mohnḍayena.