Genesis 11:28 - সান্তালী বাইবেল

²⁸ Haran do acʼren apat jiwetʼe tahẽkanre acʼakʼ janam ato Kạldikoakʼ disạmre Ur nagrahareye gocʼlena.

Genesis 11:28 Referans Kwoze

Genesis 15:7

Probhu Isor do Abrame metadea, “Iń kangeạń Probhu Isor do. Noa disạmem ạidạrijoṅ lạgitʼ ińge Kạldikoakʼ Ur nagraha khoniń oḍok ạguakatʼmea.”

Nehemiạ 9:7

“Am kangeam Probhu Isor do. Abram do amgem bachaoledea ar Kạldikoakʼ disạm Tur khonem oḍok ạguledea ar amge uniyakʼ ńutum do Abrahamem doholetʼtaea.

Genesis 11:31

Abram do, Lot ar Sạri soṅgekate Kanan disạm reakʼ Terahte calakʼ iạte Kạldikoakʼ disạm Ur nagraha khone mohnḍayena. Abram do Terahren hopone tahẽkana, ar Lot do Terahren goṛomtetʼ koṛa, metakʼme, Haranren hopon, ar Sạri do Terahren hopon Abramren bạhui tahẽkana. Pạhilre onko do Haran ńutumanakʼ mitʼṭecʼ nagraha hạbicʼko calaoena ar onḍe girobasokʼko ehopʼena.

Jobakʼ 1:17

Dosaricʼ hoṛ do unhõ kathae roroṛkan tahẽkanrege ar mitʼ hoṛ do hecʼkateye khobore lạikeda, “Kolodiạko do pe hạṭińte hạṭińkate amren ũṭkoko idiketʼkoa. Onko do amren gutikoko gocʼketʼkoa. Ar am khoboram lạgitʼ eken iń eskargeń paskao akana.”