Genesis 11:27 - সান্তালী বাইবেল

²⁷ Noa do hoyokʼ kana Terahren bõskoakʼ katha. Terahren hoponkoakʼ ńutum do tahẽkana Abram, Nahor ar Haran, ar Haranren hoponakʼ ńutum do Lot.

Genesis 11:27 Referans Kwoze

Genesis 14:12

Abramren bhạcạt koṛa Lot do unre Sodomreye girobasokʼ kan tahẽkana. Onko raj do uniyakʼ dhon durib sudhạ uni hõko sapʼ idikedea.

Genesis 12:4

Probhu Isorakʼ katha lekage Abram doe oḍokena ar Lot hõ uni soṅgeteye calaoena. Haran nagraha bạgiyakʼ jokhecʼ Abramakʼ umer do eaegel mõṛẽ bochor tahẽkana.

Genesis 11:31

Abram do, Lot ar Sạri soṅgekate Kanan disạm reakʼ Terahte calakʼ iạte Kạldikoakʼ disạm Ur nagraha khone mohnḍayena. Abram do Terahren hopone tahẽkana, ar Lot do Terahren goṛomtetʼ koṛa, metakʼme, Haranren hopon, ar Sạri do Terahren hopon Abramren bạhui tahẽkana. Pạhilre onko do Haran ńutumanakʼ mitʼṭecʼ nagraha hạbicʼko calaoena ar onḍe girobasokʼko ehopʼena.

2 Patras 2:7

Menkhan uni do Loṭe rukhiyạledea. Loṭ do Isor bhokti hoṛe tahẽkana. Uni do onḍenko ạn-ạri bebataoetʼkan hoṛkoakʼ lucạlamoṭ iạte duke ńametʼ tahẽkana.

Josuạ 24:2

Josuạ do sanam hoṛkoe metatʼkoa, “Israelkoren Probhu Isore meneda, ‘sedae jugre aperen hapṛamko do phurạt gaḍa hanasareko girobasokʼ kan tahẽkana ar debotakoko pujạwako kan tahẽkana. Onko modren mitʼ hoṛe tahẽkana uni do Abraham ar Nahorren apattetʼ Terah.

Genesis 12:5

Uni do acʼren bạhu Sạri ar bhạcạt koṛa Lote soṅgekedea are oḍok hecʼena. Ar acʼakʼ sanamakʼko soṅgekate ar tinạkʼ guti kạ̃ṛmĩko Haranreye ńamletʼko onko soṅgekate uni do Kanan disạmteye seṭerena.

Genesis 22:20

Noako ghoṭna tayom Abraham doe ańjomkeda, uniren boeha Nahorren bạhu Milkạ do gidrạkoe janam akatʼkoa.