Genesis 10:9 - সান্তালী বাইবেল

⁹ Probhu Isor samaṅre uni do mitʼṭen sesendra birbanṭa hoṛge. Ona iạteko mena, “Nimrod do Probhu Isor samaṅre mitʼṭen birbanṭa sesendrayicʼ.”

Genesis 10:9 Referans Kwoze

Sereńko 52:7

“Hạni ńelepe, uni hoṛ Isor do acʼakʼ gaṛ bae hoyocoadea; uni do dhon sompotti cetanreye bhorsa akana, ar acʼakʼ bạṛicʼ sana reakʼ daṛete daṛeanicʼe hoyakana.”

2 Bõsbudạ 28:22

Ahas raj do niạ kosṭo oktere Probhu Isor cetanre artetʼgeye bepạtiạrena.

Genesis 27:30

Isahak do Jakobe bhoradea. Ar Jakob acʼ baba ṭhen khon ạuriy ocogokʼrege dadattetʼ Esao do jel sendra khon oṛakʼteye ruạṛ hecʼena.

Genesis 25:27

Nukin hoponkin harayen khan Esau do gạkhuṛ sikạriại hoyena. Ar bir pakaṛkore ạcur baṛaye ehopʼena, menkhan Jakob do mạ̃hirgeye tahẽkana. Uni do tạmbukore tahengeye kusiyena.

Genesis 13:13

Sodomren hoṛko do ạḍi bạṛicʼko tahẽkana onko do Probhu Isor upạrte ạḍiko ghạṭ akatʼ tahẽkana.

Genesis 6:11

Onako dinre kại reakʼ bạṛicʼ so ar santao ar behokakʼkote dhạrti do perecʼ akan tahẽkana.

Genesis 6:4

Isorren hoponko sãote noko kuṛiyakʼ giticʼmidokʼ iạte tinạkʼko janamen onko do onako dinren daṛean hoṛko hoyena. Onako dinre ar ona tayom hõ dhạrtire Nepheliạ ńutuman mitʼ jạtren hoṛko tahẽkana.

Mikạ 7:2

Disạm khon Isor botorae kan hoṛ doko meṭao ocoakana; dhoromicʼ do mitʼ hoṛ hõ bạnugicʼan. Sanamkoge mãyãm joroy lạgitʼko tãṛãkʼ akana; onko jotoge akoakʼ pạsire jhạlikoko khojkana.

Jeheskel 13:18

Probhu Isor doe menetʼkana, ‘Hae maejiuko! Ape ma hoṛkoakʼ tire lạgitʼ tạbijko ar bohokʼ ṭuṭuri lạgitʼ eṭakʼ eṭakʼ jokha reakʼ kicricʼkope benaoeda jemon hoṛkope bos daṛeako. Ape do cetʼ ińren hoṛkoakʼ jiwipe hataoetʼtakoa ar apnarakʼ jiwi dope rukhiyạkana?

Jirimiạ 16:16

“Menkhan ńitokʼ do ḍher jạilạgeń hoho ạgukoa ar onko do hako lekako sapʼkoa. Ona tayom iń do arhõ sesendrako hõń hoho ạgukoa onko do mitʼke mitʼ maraṅ ar huḍiń buruko ar dhiri ciritʼ khonko sendra totʼkoa.

Genesis 10:8

Kusren do mitʼṭecʼ hopone hoylena uniyakʼ ńutum do Nimrod tahẽkana. Uni do dhạrtire mitʼṭen birbanṭa hoṛe tahẽkana.

Genesis 10:10

Uni do Sinạr disạm reakʼ Babel, Erek, Akad ar Kalnere rajosṭiye calaoetʼ tahẽkana.

Jesaea 18:2

Ona disạm do dakʼ cetante pạṭiolte benaoakʼ lạukạte pathaonakoe koletʼkoa. E coṭkar paṭhaonako, okoe jạtren hoṛko doko usulge arko cĩkạ̃ṛge ar boṅgan jạtrenkanko, ar okoe jạtrenko do sor ar sạṅgińren hoṛko botorako, ar okoe daṛean jạtrenko do eṭakʼkoko lebetʼ gasmanḍaoetʼko ar okoekoakʼ disạm do gaḍa ar soḍokʼkote hạṭińge, ape do onko ṭhen ruạṛ calakʼpe.